ތިލައުތުރު ފުޓްސެލް މުބާރާތް 2024ގެ ދެވަނަ ދުވަހުގެ މެޗްތައް އުތީމާއި، ތުރާކުނު އަދި ބާރަށުން ކާމިޔާބުކުރި އިރު ދިއްދޫއާއި، ވަށަފަރަށް ހަމަހަމަ ނިމުމެއް
ތިލައުތުރު ފުޓްސެލް މުބާރާތް 2024ގެ ދެވަނަ ދުވަހުގެ މެޗްތައް އުތީމާއި، ތުރާކުނު އަދި ބާރަށުން ކާމިޔާބުކުރި އިރު ދިއްދޫއާއި، ވަށަފަރު މެޗް 2 ލަނޑު 2 ލަނޑުން އެއްވަރު ވެއްޖެއެވެ. ކެލާ ފުޓްސެލް ދަނޑުގައި ހިނގަމުންދާ މި މުބާރާތުގައި އިއްޔެ ހަވީރާއި ރޭގަނޑާއެކު ޖުމްލަ 4 މެޗެއް އިއްޔެ ވަނީ ކުޅެފައެވެ.
އިއްޔެ ހަވީރު 4.00ގައި ކުޅެވުނު ކެލާއާއި، އުތީމު ބައްދަލުކުރި މެޗު 4 ލަނޑު 0 ލަނޑުން ކާމިޔާބުކުރީ އުތީމު ޓީމެވެ. މި މެޗުގައި އުތީމުން ޖެހި 4 ލަނޑު ޖަހައި ދިނީ ޖަރޒީ ނަންބަރ 7 މުޙައްމަދު މަޒީނާއި، ޖަރޒީ ނަންބަރ 18 އަޙްމަދު މަމްނޫނާއި، ޖަރޒީ ނަންބަރ 19 ޢަލީ އިލްޙާމާއި އަދި ޖަރޒީ ނަންބަރ 24 އާދަމްމަނިކު ޙަމީދެވެ. މި މެޗްގެ މޮޅު ކުޅުންތެރިއަކަށް ހޮވުނީ އުތީމު ޓީމުގެ ޖަރޒީ ނަންބަރ 7 މުޙައްމަދު މަޒީނެވެ. އުތީމަކީ 2023 ވަނަ އަހަރު މި މުބާރާތުގެ ރަނަރއަޕް ޓީމެވެ.
އިއްޔެ ހަވީރު 5.00ގައި ކުޅެވުނު މެޗްގައި ބައްދަލުކުރީ ބާރަށާއި، މުރައިދޫއެވެ. މި މެޗް 2 ލަނޑު 1 ލަނޑުން ކާމިޔާބުކުރީ ބާރަށެވެ. ބާރަށު ޓީމުން ލަނޑު ޖަހައިދިނީ ޖަރޒީ ނަންބަރ 7 ޢަބްދުﷲ މިޞްބާޙާއި، ޖަރޒީ ނަންބަރ 17 އަޙްމަދު ޝަޒީމެވެ. މުރައިދޫން ޖެހި ހަމައެކަނި ލަނޑު ޖަހައިދިނީ އެ ޓީމުގެ ޖަރޒީ ނަންބަރ 5 ޢަބްދުﷲ ޙިސާނެވެ. މި މެޗްގެ މޮޅު ކުޅުންތެރިއަކަށް ހޮވުނީ ބާރަށު ޓީމުގެ ޖަރޒީ ނަންބަރ 9 މުޙައްމަދު ޝާމިލެވެ. މިއީ މި މުބާރާތުގައި ބާރަށު ޓީމުން ކާމިޔާބުކުރި 2 ވަނަ މެޗެވެ.
ރޭ 8.00ގައި ކުޅެވުނު މެޗްގައި ބައްދަލުކުރީ އުލިގަމާއި، ތުރާކުނެވެ. 4 ލަނޑު 2 ލަނޑުން މި މެޗު ކާމިޔާބުކުރީ ތުރާކުނެވެ. ތުރާކުނު ޓީމުން ޖެހި 4 ލަނޑު ޖެހީ އެ ޓީމުގެ ޖަރޒީ ނަންބަރ 5 އަޙްމަދު ސިރާޖު ދެ ލަނޑާއި، ޖަރޒީ ނަންބަރ 10 އަޙްމަދު ޙުޝާމާއި އަދި ޖަރޒީ ނަންބަރ 21 ޙުސައިން ޢާޒިމެވެ. އުލިގަމް ޓީމުން ލަނޑުޖެހީ ޖަރޒީ ނަންބަރ 5 ޔޫސުފު ޝާހިދާއި، ޖަރޒީ ނަންބަރ 11 އަޙްމަދު ޔާސިރެވެ. މި މެޗްގެ މޮޅު ކުޅުންތެރިއަކަށް ހޮވުނީ ތުރާކުނު ޓީމުގެ ޖަރޒީ ނަންބަރ 10 އަޙްމަދު ހުޝާމެވެ.
ރޭ 9.00ގައި ކުޅެވުނު މެޗްގައި ބައްދަލުކުރީ ދިއްދޫއާއި، ވަށަފަރެވެ. މި މެޗް 2 ލަނޑު 2 ލަނޑުން އެއްވަރު ވީއެވެ. މި މެޗުގައި ދިއްދޫޫއިން ލަނޑު ޖެހީ ޖަރޒީ ނަންބަރ 11 އަހްޒަމް ރަޝީދާއި، ޖަރޒީ ނަންބަރ 10 މުޙައްމަދު ޝަނާއުއެވެ. ވަށަފަރު ޓީމުން ލަނޑު ޖެހީ އެ ޓީމުގެ ޖަރޒީ 13 ސާޖިދު ރަޝީދާއި، ޖަރޒީ ނަންބަރ 71 އިބްރާހީމް ސަނޫނެވެ. މި މެޗްގެ މޮޅު ކުޅުންތެރިއަކަށް ހޮވުނީ ދިއްދޫ ޓީމުގެ ޓީމުގެ ޖަރޒީ ނަންބަރ 11 އަހްޒަމް ރަޝީދެވެ.
މިއަދުވެސް މި މުބާރާތުގެ 4 މެޗެއް ކުޅެވޭނެއެވެ. އެއީ ހަވީރު 2 މެޗާއި، ރޭގަނޑު 2 މެޗެވެ. ހަވީރު 4.00ގައި ކުޅޭ މެޗުގައި ބައްދަލުކުރާނީ ފިއްލަދީއާއި، ދިއްދޫއެވެ. ހަވީރު 5.00ގައި ކުޅޭ މެޗުގައި ބައްދަލުކުރާނީ އިހަވަންދޫއާއި، އުލިގަމެވެ. ރޭގަނޑު 8.00ގައި ކުޅޭ މެޗުގައި ބައްދަލުކުރާނީ ވަށަފަރާއި، މުރައިދޫއެވެ. މިރޭގެ އެންމެ ފަހު މެޗު ކަމުގައިވާ 9.00ގައި ކުޅޭ މެޗުގައި ބައްދަލުކުރާނީ ތުރާކުނާއި، އުތީމެވެ.
ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމުކޮށްގެން ބާއްވާ މި މުބާރާތުގެ ސަބަބުން މުޅި އަތޮޅަށް މި ވަނީ ކުޅިވަރުގެ ޢީދެއް އައިސްފައެވެ. ޚާއްޞަކޮށް މުބާރާތް ބާއްވާ ރަށް ކަމުގައިވާ ކެލާއަށެވެ.
