ރޯދައަށް ކަރާ ހެއްދުމަށް 5000 އަކަފޫޓުގެ ވަގުތީ ދަނޑުތަކެއް ކެލާ ރައްޔިތުންނަށް ދެނީ
އަންނަ ރަމަޟާން މަހަށް ކަރާހެއްދުމަށް ޓަކައި 5000 އަކަފޫޓުގެ ވަގުތީ ދަނޑުތަކެއް ކެލާ ރައްޔިތުންނަށް ދިނުމަށް ނިންމާފައިވާކަން އެ ކައުންސި އިޢުލާންކޮށްފިއެވެ.
ގެޒެޓު މެދުވެރިކޮށް މިއަދު ކުރައްވާފައިވާ އިޢުލާނުގައި ހާމަކުރައްވާފައި ގޮތުގައި މި ދަނޑުތައް ދެއްވަނީ ރަށުގެ ދަނޑުވެރީންގެ ދަފުތަރުގައި ހިމެނޭ ފަރާތްތަކުގެ ތެރެއިން އެ ކަމަށް އެދިލައްވާ ފަރާތްތަކާއެކު ދެ ފަރާތުންވާ އެއްބަސްވުމެއްގެ ދަށުންނެވެ. ދަނޑުތައް ދޫކުރަނީ 6 މަސް ދުވަހުގެ މުއްދަތަށެވެ.
ކެލާ ކައުންސިލުގެ އިޢުލާނުގައި ބުނެފައިވާ ގޮތުގައި މި ދަނޑުތައް ދޫކުރަނީ ރަށުގެ ވަތަބަނޑޭރި މަގުގެ ހުޅަގާއި، އިރުމަތި ފަޅިންނެވެ.
ދަނޑު ލިބޭ ފަރާތްތަކުގެ ޝަރުޠުތަކުގެ ތެރޭގައި ކެލާގެ ރަށްވެއްސަކަށްވުމާއި، ރަށުގައި ދިރިއުޅޭ މީހަކަށްވުން ހިމެނިފައިވާ ވެއެވެ. މި ދަނޑުތަކަށް އެދޭ ފަރާތްތަކުން އެ ކަމަށް ދޫކުރާ ފޯމު ފުރިހަމަކޮށް އަންނަ ނޮވެންބަރު މަހުގެ 2 ވަނަ ދުވަހުގެ 1.00ގެ ކުރިން އެ ކައުންސިލަށް ހުށަހެޅުމަށް ވެސް އިޢުލާނުގައި ދަންނަވާފައި ވެއެވެ.
