ކެލާ ރައްޔިތުންނަށް ފޯރުކޮށްދެއްވަމުން އަންނަ ޞިއްޙީ ޚިދުމަތުގެ ފެންވަރު ރަނގަޅުކޮށްދެއްވުމަށް މި ސަރުކާރުން ކުރައްވަމުން އަންނަ މަސައްކަތުގެ ތެރޭން މަރުކަޒަށް އިތުރުކުރެވޭ ބައިގެ މަސައްކަތް ބާރު ދުވެލީގައި އަންނަނީ ކުރަމުންނެވެ.
ކުރީ ސަރުކާރުން ފެށި. ބިޔަ މި މަޝްރޫޢުގެ މަސައްކަތް މުޅިންހެން ހުއްޓިފައިވަނިކޮށް، ކުރީގެ އެއްބަސްވުން ބާޠިލްކޮށް މި ސަރުކާރުން އެ މަސައްކަތްކުރަމުން އަންނަނީ ފެޑޯއާ ޙަވާލުކޮށްގެންނެވެ.
ހޮސްޕިޓަލެއްގެ ޚިދުމަތްދެވޭ ފެންވަރަށް މަރުކަޒަށް އިތުރުކުރެވޭ މި ބައިގައި ފަރުވާ ދިނުމަށް ބޭނުންވާ އެންމެހައި ބައިތަކާއި، ބަލި މީހުންބަލައި ކޮޓަރިތަކާއި، ލެބޯޓަރީއާއި، ކޮންފަރެންސް ހޯލުގެ އިތުރުން އޮފީހާއި، 3 ބުރީގެ އެކޮމޮޑޭޝަން ބްލޮކެއް ވެސް ހިމެނެއެވެ.
މި ޢިމާރާތުގެ އެންމެހައި މަސައްކަތް ކައިރި ތާރީޚެއްގައި ނިމި، ޞިއްޙީ ޚިދުމަތް ރަނގަޅު ފެންވަރުގައި ކެލާ ރައްޔިތުންނަށް ލިބޭގޮތް ވުމަކީ ކެލާ ރައްޔިތުން ވެސް ދެކޭ ހުވަފެނެކެވެ.
