ދުވަހުގެ ނަސޭހަތުގެ ނަމުގައި މި ރަމަޟާން މަހު ކޮންމެ ދުވަހަކު ވީޑިޔޯ މެސެޖެއް ކެލާ ކައުންސިލުން ގެނެސްދޭން ފަށައިފިއެވެ.
ކެލާ ކައުންސިލްގެ ފޭސްބުކް ޕޭޖު އަދި ވައިބަރު ގުރޫޕު މެދުވެރިކޮށް ގެނެސްދޭ މި މެސެޖަކީ، ދީނީ އަދި ދުނިޔަވީ ނަޒަރަކުން ބަލައި އިރު ވެސް ނުހަނު ފައިދާތަކެއް އިންސާނިއްޔަތަށް ކުރާނެ ކަމެކެވެ. ހޭލުންތެރިކަން އިތުރުކޮށްދޭނެ ކަމެއް ވެސް މެއެވެ.
ރަނގަޅު ފެންވަރެއްގައި ތައްޔާރުކޮށް ގެނެސްދޭ މި ނަސޭހަތް ރަށުގެ ދަރިއަކު ހުށަހަޅައި ދެއްވާކަން އެއީވެސް ފާހަގަކޮށްލަން ޖެހޭ ކަމެކެވެ. މިސްކިތު އިމާމު، ކެލާ މަހުމާގޭ ޖަމްޝާދު ޢަލީ ހުށަހަޅައިދެއްވާ މި ނަސޭހަތްތައް ބަލައި އަޑުއަހައި އެއިން މަންފާ ހޯދުމަކީ އެމީހަކަށް އެއިން ފައިދާތަކެއް ކުރާނޭ ކަމެއް ކަމުގައި ދެކެމެވެ.
އަދި މިފަދަ ޕްރޮގްރާމެއް ސިލްސިލާކޮށް ގެނެސްދެއްވުމަށް، ކެލާ ކައުންސިލުން މި ރަމަޟާން ފެއްޓެވީތީ ތިލައުތުރު ނޫހުގެ ފަރާތުން ޝުކުރުއަދާކުރަމެވެ. މަސައްކަތުގައި ބަރަކާތް ލެއްވުން އެދި ދުޢާކުރަމެވެ.
