156 ވަނަ ފިލާވަޅު : ލައިލަތުލް ޤަދްރި ވިލޭރޭގެ މަތިވެރިކަމާއި އަދި އެރޭ ކުރުން ޝަރުޢުވެގެންވާ ކަންތައްތައްތަކާއި އެރޭގެ ވަޤުތު  (ދެވަނަ ބައި) 

(3)ލައިލަތުލް ޤަދްރު ވިލޭރޭގެ  ވަޤްތާއި އެރޭގެ ޢަލާމާތްތަށް

■ލައިލަތުލް ޤަދްރު ވިލޭރޭގެ ވަޤުތު 

 ●ލައިލަތުލް ޤަދްރު ވިލޭރޭ ވަނީ ރަމަޝާން މަހުގެ ފަހު ދިހަޔެއްގައެވެ. ޝަފްއު  ރޭތަކަށްވުރެ ( 2 ކުން ގެއްލޭ ރޭތައް (މިޝާލު: 22، 24، 26، 28، 30)   ވިތުރި ރޭތަށް ( 21 ، 23 ، 25 ،27، 29) އެރޭ ކަމުގައިވުމަށް (ލައިލަތުލް ޤަދްރު ވިލޭރޭ)  ޤާތްކަން ބޮޑެވެ.  ■ މިއީ ޝާފިއީ މަޒްހަބު، ޙަންބަލީ މަޒްހަބު އިޚްތިޔާރު ކުރައްވާގޮތެވެ. އަދި މާލިކުގެ ބަސްފުޅެއް އައިސްފައިވެއެވެ. އަދި އިބްނު ތައިމިއްޔާ، އައް ޞަންޢާނީ ، އިބްނު ބާޒް ، އިބްނު އުޘައިމީން (رحمهم الله الجميع)  އިޙްތިޔާރުކުރައްވަނީ މިގޮތެވެ.)

■ ލައިލަތުލް ޤަދްރި ވިލޭރެއަކީ އެއްރެއެއްގެ ގޮތުގައި ޘާބިތުވެ އޮންނަ ރެއެއް ހެއްޔެވެ؟ ނުވަތަ އެއީ ބަދަލުވެ އޮންނަ ރެއެއް ހެއްޔެވެ؟ (މިސާލު: މިދިޔަ އަހަރު 23 ވަނަ ރެއަށްވެފައި ، މިއަހަރު 25 ވަނަ ރެއެއްވެފައި ، އެގޮތަށް ބަދަލުވެ އޮންނަ ރެއެއް ހެއްޔެވެ؟)

● ލައިލަތުލް ޤަދްރު ވިލޭރެއަކީ ކޮންމެ އަހަރެއްގައި  ވަކި ރެއެއްގެ ގޮތުގައި ކަނޑައެޅި ޘާބިތުވެގެންވާ ރެއެއް ނޫނެވެ..(މިސާލު :ލައިލަތުލް ޤަދްރު ވިލޭރެއަކީ ކޮންމެ އަހަރެއްގައި 27 ވިލޭރޭ ކަމުގައިވުން ..އެގޮތަށް ވަކި ރެއެއްގެ ގޮތުގަައި ޘާބިތުވެގެންވާ ރެއެއް ނޫނެވެ.) .އަދި ކިއެއް، އެރެއަކީ ރަމަޝާންމަހުގެ ފަހު ދިހައެއްގެ ރޭތަކުގައި ބަދަލުވެ އޮންނަ ރެއެކެވެ. (މިސާލު: އެއް އަހަރު  25 ވަނަ ރެއަށްވެފައި ،އަނެއް އަހަރު 27 ވަނަ ރެއަށްވެފައި ..އެގޮތަށް ބަދަލުވެ އޮންނަ ރެއެކެެވެ.) ..■ މިއީ ޖުމްހޫރުންގެ މަޛްހަބެވެ.(މާލިކް، ޝާފިޢީ،ޙަންބަލީ މަޒްހަބު) އަދި ގިނަ ޢިލްމުވެރިންގެ މަޒްހަބެވެ. (رحمهم الله الجميع) 

( ނޯޓް :…. އަދި މިގިނަ ޙަދީޘްފުޅުތަކަށްޓަކައި 27 ވިލޭރެއަކީ  ކޮންމެ އަހަރަކުވެސް ލައިލަތުލް ޤަދްރި ވިލޭރޭކަމަށް ވުމަށް އެންމެ އުންމީދުކުރެވޭ ރެއެވެ. އެއާއި ޖެހިގެންވަނީ 23  ވަނަ ވިލޭރެއާއި 21 ވަނަަ ވިލޭރެއެވެ. .. ( އަލް ބަނާން .ކޯ. ޔޫކޭ  / 27 ވަނަ ވިލޭރޭ / ޑރ . އިބްރާހީމް ބުން މުޙައްމަދު އަލް ޙަޤީލް )) 

■ލައިލަތުލް ޤަދްރު ވިލޭރޭ ބާކީވެ އޮތުން 

 ●ލައިލަތުލް ޤަދްރު ވިލޭރޭ އުފުލިގެންނުވެއެވެ.އެރޭ ޤިޔާމަތާއި ހަމަޔަށް ބާކީވެ އޮންނާނެއެވެ. (ކޮންމެ އަހަރެއްގެ ރަމަޝާން މަހަކު އެރޭ އައިސް ބާކީވެ އޮންނާނެއެވެ.) މިކަމަށް ނަވަވީ (رحمه الله) އިޖްމާޢު ނަޤްލުކުރައްވާފައިވެއެވެ. (ކޮންމެ އަހަރެއްގެ  ރަމަޝާންމަހުގައި އެެރޭ އައިސް އޮންނާނެ ކަމާއިމެދު)

■ލައިލަތުލް ވިލޭރޭގެ ޢަލާމަތް

 ●ލައިލަތުލް ވިލޭރޭގެ ޢަލާމާތްތަކުގެ ތެރޭގައި އެދުވަހު ހެނދުނު އިރުއަރާއިރު އިރުގެ ދޯދިތަކެއް ނުހުންނާނެއެވެ.އިރު ހުންނާނީ ދޯދިނެތި ސާފުކޮންނެވެ.

( ނޯޓް: ބުއްދިވެރިއަކީ  ލައިލަތުލް ވިލޭރޭ ޙާސިލްކުރުމަށްޓަކައި ރަމަޝާންމަހުގެ ފަހު 10 އެއްކޮށް ގަދައަޅާ މަސަައްކަތްކުރާ އިންސާނާއެވެ).

(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)

والله أعلم