ކެލާ އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި ފެޑޯ ޕްރައިވެޓް ލިމިޓެޑް ގުޅިގެން އިއްޔެ ކެލާގައި ބޭއްވި މަސްރޭހުގެ 1 ވަނަ ނަޒީ ފިޝިންގއިން ހޯދައިފިއެވެ.
1 ވަނައަށް ދާ ޓީމަށް 6000 ރުފިޔާ އިނާމުގެ ގޮތުގައި ދިނުމަށް ހަމަޖެހިފައިވާ މި ރޭހުގައި ހާލި ފިޝިންގއާއި، ހިތްވަރާއި، މަޑިބޯއާއި، ނަޒީ ފިޝިންގއާއި، ޓީމް ފޭރާއި، ތުނޑިއާއި، ތޫނުފިއްޔާއި، ގިނިވައްޏާއި، އޮއިވާއްޔާއި، ހުސްބުޅިއާއި، އޯސަން ބީސްޓާއި، އަދި ކެލާ ޕޮލިސް ބައިވެރިއެވެ.
12 ޓީމު ވާދަކުރި މި މަސްރޭހުގެ ފަޚުރުވެރި 1 ވަނަ، ނަޒީ ފިޝިންގއިން ހޯދި އިރު މި ރޭހުގެ 2 ވަނަ ހޯދީ ޓީމު ތޫނުފިއްޔެވެ. 3 ވަނަ ހޯދީ ޓީމު ތުނޑިއެވެ.
ފެޑޯ ޕްރައިވެޓް ލިމިޓޭޑްގެ އެހީތެރިކަމާއެކު ކެލާ އަންހެނުންގެ ތަރައްޤީއަށް މަސައްކަތްކުރާ ކޮމިޓީން ކުރިއަށް ގެންދިޔަ މި ރޭހުގެ ވަނަތައް ޙާޞިލްކުރި ޓީމުތަކަށް ފައިސާގެ އިނާމު ޙަވާލުކޮށްދެއްވީ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާ ޙައްވާ ފަޒްނާއެވެ. މި ރޭހުގައި ބައިވެރިވި ޓީމުތަކުން ބޭނި ހުރިހައި މަހެއް ހަދިޔާކުރީ އަންހެނުންގެ ތަރައްޤީއަށް މަސައްކުރާ ކޮމިޓީން މިއަދު ހަވީރު ބާއްވާ ބާބަކިޔު ޙަރަކާތަށެވެ.
