ތިލައުތުރު ފުޓްސަލް މުބާރާތް ކެލާގައި ބާއްވަން ނިންމައިފި
އަހަރަކު އެއް ފަހަރު ހއ. އަތޮޅުގެ ރަށްތަކުގެ މެދުގައި އަތޮޅު ކައުންސިލުން އިންތިޒާމުކޮށްގެން ބާއްވަމުން އަންނަ ތިލައުތުރު ފުޓްސަލް މުބާރާތް މި އަހަރު ކެލާގައި ބާއްވާ ގޮތަށް ހަމަޖެހިއްޖެއެވެ.
ތިލައުތުރު ފުޓްސަލް މުބާރާތް ހޯސްޓް ކުރާނެ ރަށަކީ ހއ.ކެލާ ކަމަށް ނިންމީ، އެ ކައުންސިލުގެ 4 ވަނަ ދައުރުގެ 123 ވަނަ ބައްދަލުވުމުގައި ބައިވެރިވި އެންމެހައި މެންބަރުންގެ އިއްތިފާގުންނެވެ.
މި އަހަރުގެ ނޮވެންބަރު މަހުގެ 3 ވަނަ ދުވަހު ފެށުމަށް ހަމަޖެހިފައިވާ “ތިލައުތުރު ފްޓްސަލް މުބާރާތުގައި” މި އަހަރު، 10 ރަށަކުން ވާދަކުރެއެވެ.
މި މުބާރާތުގެ އެންމެ ފަހުގެ ފައިނަލުގައި އުތީމާއި، ވަށަފަރު ވާދަކޮށް ޗެމްޕިއަންކަން ހޯދައިފައި ވަނީ ވަށަފަރު ފުޓްސަލް ޓީމެވެ.
