ކެލާ ޝައިޚް އިބްރާހީމް ސުކޫލުގެ ހައުސްތަކުގެ މެދުގައި ބާއްވާ ފުޓުބޯޅަ މުބާރާތާއި، ހޭންޑް ބޯލް މުބާރާތުގައި އިއްޔެ ހަވީރު ކުޅުނު ޖޫނިއަރ ހޭންޑް ބޯލް މެޗުން އަލިމަސް މޮޅުވެ، ސީނިއަރ ފުޓުބޯޅަ މެޗް އެއްވަރުވެއްޖެއެވެ.
މި މަހުގެ 25 ވަނަ ދުވަހު ފެށިގެން ހިނގަމުންދާ މި މުބާރާތްތަކުގައި ޖޫނިއަރ ހޭންޑް ބޯލްގައި ޔާގޫތު ހައުސްއާއި، އަލިމަސް ހައުސް ބައްދަލުކުރި މެޗް 2 ލަނޑު 0 ލަނޑުން ކާމިޔާބުކުރީ އަލިމަސް ހައުސްއެވެ. ސުކޫލުގެ ޕީޓީއޭގެ މެންބަރު ސޫދާ ޒަހީނާ ޝަރަފުވެރިކޮށްދެއްވި މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ އާމިނަތު ރިމްޝާއެވެ.
ސުކޫލުގެ އެޑްމިނިސްޓްރޭޓަރ އަޙްމަދު ޞަބާޙް ޝަރަފުވެރިކޮށްދެއްވި ޖޫނިއަރ ފުޓުބޯޅަ މުބާރާތުގެ އިއްޔެގެ މެޗް 2 ލަނޑު 2 ލަނޑުން ދެ ޓީމް ވަނީ އެއްވަރުވެފައެވެ. ޔާގޫތު ހައުސްއާއި އަލިމަސް ހައުސް ބައްދަލުކުރި މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ މުޙައްމަދު އަސްޖައުއެވެ.
“ތިލަ އުތުރު” އަށް މަޢުލުމާތު ލިބިފައިވާ ގޮތުގައި، ސުކޫލުގެ ކުޅޭ ބިމުގައި ކުރިޔަށްދާ މި މުބާރާތްތަކަށް ބެލެނިވެރިންނާއި، ދަރިވަރުންގެ ފަރާތުން ފުރިހަމަ ސަޕޯރޓް އަންނަނީ ލިބެމުންނެވެ. ކުޅިވަރުގެ ރޫޙް ދިރުވާ އާލާކޮށް، ވާދަވެރި މާޙައުލެއްގައި ކުޅިވަރު ކުޅުމުގެ ފުރުޞަތު ފަހިކޮށްދެއްވުމުގެ މަޤްޞަދުގައި ޝައިޚް އިބްރާހީމް ސުކޫލުން ބާއްވާ މި މުބާރާތްތަކުގެ މެޗް ތާވަލަށް ބަލައި އިރު ދެން ކުޅުން އޮންނާނީ އޯގަސްޓް 31 ވާ ހޮނިހިރު ދުވަހެވެ.
