ކެލާ ޝައިޚް އިބްރާހީމް ސުކޫލުގެ ހައުސްތަކުގެ މެދުގައި ބާއްވާ ފުޓުބޯޅަ މުބާރާތާއި، ހޭންޑް ބޯލް މުބާރާތް ފެށިއްޖެއެވެ. 2024 އޯގަސްޓް 25 ވަނަ ދުވަހުން ފެށިގެން ހިނގަމުންދާ މި މުބާރާތްތަކުގައި މިހައިތަނަށް އައި އިރު ވަނީ މެޗުތަކެއް ކުޅެފައެވެ.
ހިނގަމުންދާ 2 މުބާރާތް ހުޅުވި މެޗުގައި ސީނިއަރ ފުޓުބޯޅައިގައި ބައްދަލުކުރި ފީރޯޒު ހައުސްއާއި، އަލިމަސް ހައުސްގެ މެޗް 8 ލަނޑު 1 ލަނޑުން ކާމިޔާބުކުރީ އަލިމަސް ހައުސްއެވެ. ޕީޓީއޭގެ ނާއިބު ރައީސް ޙުސައިން ޙަމީދު ޝަރަފުވެރިކޮށްދެއްވި، މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ އާދަމް މާކިން ޙަމީދެވެ. ޖޫނިއަރ ހޭންޑް ބޯލް މުބާރާތް ހުޅުވި މެޗްގައި ބައްދަލުކުރީ ފީރޯޒު ހައުސްއާއި، އަލިމަސް ހައުސްގެ މެޗް 2 ލަނޑު 0 ލަނޑުން ކާމިޔާބުކުރީ އަލިމަސް ހައުސްއެވެ. ކެލާ ކައުންސިލުގެ މެންބަރު ޚަދީޖާ މަޢުރިފާ ޝަރަފުވެރިކޮށްދެއްވި މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ އާމިނަތު ރިމްޝާއެވެ.
ޝައިޚް އިބްރާހީމް ސުކޫލުގެ ހޭންޑް ބޯލްމުބާރާތާއި، ފުޓުބޯޅަ މުބާރާތުގައި އިއްޔެ ހަވީރު ވަނީ 2 މެޗެއް ކުޅެވިފައެވެ. ސީނިއަރ ހޭންޑް ބޯލްގައި އަލިމަސް ހައުސްއާއި، ފީރޯޒު ހައުސް ބައްދަލުކުރި މެޗް 4 ލަނޑު 1 ލަނޑުން ކާމިޔާބުކުރީ ފީރޯޒު ހައުސްއެވެ. ޑަބްލިޔޫޑީސީގެ ރައީސާ ޙައްވާ ފަޒްނާ ޝަރަފުވެރިކޮށްދެއްވި މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ މަލާކް ވަހީދެވެ. ޖޫނިއަރ ފުޓުބޯޅަ މުބާރާތުގައި އަލިމަސް ހައުސްއާއި، ޔާގޫތު ހައުސް ބައްދަލުކުރި މެޗް 1 ލަނޑު 1 ލަނޑުން ވަނީ އެއްވަރުވެފައެވެ. ޕީޓީއޭގެ ޚަޒާންދާރު މުޙައްމަދު އިބްރާހީމް ޝަރަފުވެރިކޮށްދެއްވި މި މެޗްގެ މޮޅު ކުޅުންތެރިއަކަށް ހޮވުނީ އަލިމަސް ހައުސްގެ އަޙްމަދު އަޒްޔާނެވެ.
ކުޅިވަރުގެ ރޫޙް ދިރުވާ އާލާކޮށް، ވާދަވެރި މާޙައުލެއްގައި ކުޅިވަރު ކުޅުމުގެ ފުރުޞަތު ފަހިކޮށްދެއްވުމުގެ މަޤްޞަދުގައި ޝައިޚް އިބްރާހީމް ސުކޫލުން ބާއްވާ މި މުބާރާތްތަކުގައި މިއަދު ހަވީރު ވެސް 2 މެޗެއް ކުޅުމަށް ވަނީ ތާވަލުކޮށްފައެވެ.
