ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) އިންޓަނޭޝަނަލް ރެފުރީ ބެޖު ހއ. ކެލާ އަންނާރުމާގޭ އަލްފާޟިލް މުޙައްމަދު ވަޙީދު ޙާޞިލްކޮށްފިއެވެ. މުޙައްމަދު ވަހީދު މި ބެޖު ޙާޞިލްކުރެއްވީ، ކާވާ އިންޓަނޭޝަނަލް ވޮލީބޯލް ރެފުރީ ކޯސް ފުރިހަމަކުރުމަށް ފަހުގައެވެ.
ކާވާގެ މައި އޮފީހުގައި ބޭއްވުނު ރަސްމިއްޔާތެއްގައި މި ބެޖު މުޙައްމަދު ވަޙީދާ، ޙަވާލުކޮށްދެއްވީ ކާވާގެ ރައީސް އަލްފާޟިލް މުޙައްމަދު ލަޠީފެވެ. މި ރަސްމިއްޔާތުގައި ކާވާގެ ރައީސް މުޙައްމަދު ލަޠީފު ދެއްކެވި ވާހަކަފުޅުގައި، ބައިނަލްއަގުވާމީ ރެފްރީން ރާއްޖޭގައި ގިނަވަމުން ދިއުމަކީ ވޮލީގެ ކުރިއެރުމަށް ވަރަށް މުހިއްމު ކަމެއް ކަމަށް ވިދާޅުވިއެވެ. އަދި ރާއްޖެއަކީ ސާކުގެ ޤައުމުތަކުގެ ތެރެއިން ވެސް އިންޓަނޭޝަނަލް ރެފްރީން އެންމެ ގިނަ ގައުމު ކަމަށާއި، އަދި މިއީ ރާއްޖޭގައި ވޮލީ ބޯޅަ ތަރައްޤީވަމުން އަންނަ ކަމުގެ ހެއްކެތް ކަމަށް ލަޠީފު ވިދާޅުވިއެވެ.
މުޙައްމަދު ވަޙީދާއެކު، ރާއްޖޭގައި ތިބި އިންޓަނޭޝަނަލް ރެފުރީންގެ އަދަދު 15 އަށް އެރުމަކީ، ކެލާއަށް ވެސް ލިބިގެން ދިޔަ ބޮޑު ފަޚުރަކަށް ވާތީ، “ތިލައުތުރު”ގެ ފަރާތުން މުޙައްމަދު ވަޙީދަށް، ހޫނު މަރުޙަބާ ދަންނަވަމެވެ. އިތުރު ކާމިޔާބަށް އެދެމެވެ.
