ވޭތުވެ ދިޔަ 2025 ވަނަ އަހަރު އޯލެވެލްއާއި އޭލަވެލްއިން ކެލާގެ ދަރިވަރުންތަކެއް ފަޚުރުވެރި ވަނަތަކެއް ހޯދައިފި
ވޭތުވެ ދިޔަ 2025 ވަނަ އަހަރު ރާއްޖޭގެ އެކި ސުކޫލުތަކުން އޯލެވެލްއާއި އޭލަވެލް ނިންމި ކެލާގެ ގިނަ ދަރިވަރުންތަކެއް ފަޚުރުވެރި ކާމިޔާބީތަކެއް ޙާޞިލްކޮށްފިއެވެ. ކާމިޔާބު ހޯދި ދަރިވަރުންގެ ތެރޭގައި ކެލާ ޝައިޚް އިބްރާހީމް ސުކޫލުން އޯލެވެލް ނިންމި ދަރިވަރަކު ވެސް ހިމެނިފައި ވެއެވެ.
މަތީ ސާނަވީ އިމްތިޙާން
ޢާއިޝަތު ނަބީހާ އަމީން ކާނިގަސްދޮށުގެ ހއ. ކެލާ: ޤައުމީ ގަދަ 10ގެ 1 ވަނަ
އަޙްމަދު ޢާޠިކް ޢަބްދުﷲ ގުލޭނޫރަންގެ ހއ. ކެލާ: ޤައުމީ ގަދަ 10ގެ 4 ވަނަ
މާނިއު ޢަބްދުﷲ މާހިރު ބިލަމަގުމާގެ ހއ. ކެލާ: ޤައުމީ ގަދަ 10ގެ 9 ވަނަ
ނާހިލް ބިން މުޙައްމަދު އަސްދޫ ހއ. ކެލާ: ޤައުމީ ގަދަ 10ގެ 10 ވަނަ
ސާނަވީ އިމްތިހާން
މުޙައްމަދު ޔަޢީޝް ޢިއްޒަތު ޓުސަންސް ހއ. ކެލާ: ޤައުމީ ގަދަ 10ގެ 4 ވަނަ
އަޙްމަދު އައިކް އިމްދާޙް ކުދިރުވާލިގެ ހއ. ކެލާ: ޤައުމީ ގަދަ 10ގެ 4 ވަނަ
ފާޠިމަތު ޝިނާ ޢަބްދުﷲ ރޭޝަމް ހއ. ކެލާ: ޤައުމީ ގަދަ 10ގެ 6 ވަނަ
ފާޠިމަތު ޔަޝާ ޔާރިދު ސަންރޭ ހއ. ކެލާ: ޤައުމީ ގަދަ 10ގެ 7 ވަނަ
މަރްޔަމް ރާދާ ނައިޓްމޫން ހއ. ކެލާ: ޤައުމީ ގަދަ 10ގެ 10 ވަނަ
މި ދަރިވަރުންގެ ތެރެއިން ޢާއިޝަތު ނަބީހާ އަމީން ވަނީ ރައީސުލްޖުމްހޫރިއްޔާގެ ސްކޮލަރޝިޕް އެވޯޑްގެ އިތުރުން ކެމިސްޓްރީން މުޅި ދުނިޔޭން 4 ވަނައާއި، ފިޒިކްސްއިން މުޅި ދުނިޔެއިން 10 ވަނަ ހޯދާފައެވެ. އަޙްމަދު ޢާޠިކް ޢަބްދުﷲއަށް ހައި އެޗީވަރސް ސްކޮލަރޝިޕް އެވޯޑް ލިބިފައި ވެއެވެ.
ކެލައަށް ރީތިނަން ހޯދައިދިން މި އެންމެހައި ދަރިވަރުންނާއި، 2025 ވަނަ އަހަރު މި ދެ އިމްތިޙާނުގައި ބައިވެރިވެ ގަދަ 10ގައި ހިމެނުނު ކެލައަށް ނިސްބަތްވާ އެންމެހައި ދަރިވަރުންނަށް ތިލައުތުރު ނޫހުގެ ފަރާތުން ހޫނު މަރުޙަބާއާ ތަހުނިޔާކިޔަމެވެ.
