ވިޔަފާރިކޮށް އިޤްތިޞާދީ ގޮތުން ބާރުވެރި ބަޔަކަށްވެ، ރަށު ތަރައްޤީގައި ކައުންސިލުގެ ދައުރު މިހައިރަށް ވުރެ އިތުރުކުރުމުގެ މަޤްޞަދުގައި އުފެއްދި މި ކުންފުނި ހިނގަމުންދާނީ މުސްތަޤިއްލު ވަކި މުއައްސަސާއެއްގެ ގޮތުގައެވެ.
ކެލާ ކައުންސިލުގެ ރައީސް ޢަބްދުﷲ އިންފާޒް ވިދާޅުވި ގޮތުގައި މި އުފެއްދި ލޯކަލް އޮތޯރިޓީ ކުންފުނި ހިނގަމުންދާނީ މެނެޖިންގ ޑިރެކްޓަރެއްގެ ބެލުމުގެ ދަށުންނެވެ. ކުންފުނީގެ ކަންކަން ނިންމާނީ ކުންފުނީގެ ޑިރެކްޓަރުންގެ ބޯޑުންނެވެ.
ކުންފުނީގެ މެނެޖިންގ ޑިރެކްޓަރު އައްޔަން ކުރެވިފައިވާ އިރު، މި ކުންފުންޏަށް ބޭނުންވާ ބައެއް މުއައްޒަފުން ހޯދުމަށާއި، ކުންފުނީގެ އޮފީސް ޢިމާރާތް ތައްޔާރުކޮށްދޭނެ ފަރާތެއް ހޯދުމަށް ވެސް ކެލާ ކައުންސިލުން މިހައިރު ވަނީ އިޢުލާންކޮށްފައެވެ.
