(1)އިޢުތިކާފުކުރަން މިސްކިތުގައި އިން ހާލު: މިސްކިތުން (1) ޙާޖަތެއްނެތި (2) އަދި ޟަރޫރަތެއްނެތި (3) އަމުރުކުރެވިގެންވާ ހެޔޮކަމެއްކުރުމަށްޓަކައި ނޫންގޮތަކަށް (4) ނުވަތަ ކުރުމަށް އެންގެވިފައިވާ (ނަދުބް، ސުންނަތް) ކަމެެއް ކުރުމަ ށް ނޫންގޮތަށް :: ނިކުމެއްޖެނަމަ އިޢުތިކާފު ބާޠިލުވެގެންވެއެެވެ ■ މުސްލިމުންގެ އިއްތިފާޤު
(2) ހަށިގަނޑު އެއްކޮށް ޢުޛުރަކާއިއެކު މިސްކިތުން ބޭރުވުން
●ޙިއްސީގޮތުން ޤަޟާ ޙާޖަތެއް (ފާޚާނާއެއް) ކުރުމަށް :: ނުވަތަ ● ޝަރުޢީގޮތުން (ވުޟޫކުރުމަށް) އިޢުތުކާފުކުރާ އިންސާނާގެ ހަށިގަނޑު އެއްކޮށް މިސްކިތުން ބޭރުވުން ހުއްދައެވެ.■ މުސްލިމުންގެ އިއްތިފާޤު
(3)އިޢުތިކާފު ކުރާ އިންސާނާގެ ހަށިގަނޑުގެ ބައެއް މިސްކިތުން ބޭރުވުން އެއީ މައްސަލައެއްނޫނެވެ. އަދި އިޢުތިކާފު ފަސާދަވެގެންނުވާނެއެވެ. ■ 4 މަޛްހަބު
(4)އިޢުތިކާފަށް ހުންނައިރު ޖިމާޢުވުން (އެއްދާންކުރުން) ހުއްދަވެގެންނުވެއެވެ. އަދި އިޢުތިކާފު ފަސާދަވެގެންވެއެވެ ■ މުސްލިމުންގެ އިއްތިފާޤު
(5) އިޢުތިކާފުކުރާ އިންސާނާ ޖުނުބުވެރިވެއްޖެނަމަ (ހިނައިގަންނަންޖެހިއްޖެނަމަ: މިޘާލު: މަނިބޭރުވުމުން ނިދާފައި އޮއްވައި) އިޢުތިކާފު ފަސާދަވެގެންނުވެއެވެ. ފަހެ މިހާލަތުގައިވަނީ ހިނައިގަނެ އެއިޢުތިކާފު ފުރިހަމަކުރުމެވެ ■ 4 މަޛްހަބު
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
