7)އާދައިކައިދައިގެ ގޮތުން އާއްމުކޮށް ކައި ނުއުޅޭ ތަކެތި :: މިޘާލު : (1)ދިރުހަމެއް ނުވަތަ (2) ކުޑަ ގާކޮޅެއް ނުވަތަ (3) ވިނަކޮޅެއް ނުވަތަ (4)ދަގަނޑުކޮޅެއް ނުވަތަ (5) ރޮދިފަށެއް ނުވަތަ އެފަދަ އެފަަދަ އެހެންވެސް އެއްޗެއް :: ދިރުވާލައިފިނަމަ ރޯދަ ޤެއްލޭނެއެވެ. ■ 4 މަޛްހަބު ، ކުރިޔާއި ފަހުގެ ސަލަފުންގެ ގިނަ ބޭކަލުން
(8)ދުންފަތުގެ އިސްތިއުމާލުކޮށްފިނަމަ (ސިގިރޭޓު ، ގުޑުގުޑާ ، ބިޑި، ސުއްޓާ….) ރޯދަ ޤެއްލޭނެއެވެ■ 4 މަޛްހަބު
(9)އިރު އޮއްސުނުކަމަށް ހީކޮށް ވާޖިބު ރޯދައެއްގައި (ރަމަޟާންމަހު ރޯދަ ، ނަދުރު ރޯދަ ، ކައްފާރާ ރޯދަ ، ޤަޟާ ރޯދަ) ރޯދަ ވީއްލިފަހުން އަދި އިރު ނުއޮއްސޭކަން އެނގިއްޖެނަމަ ފަހެ އެވަޤުތުން ފެށިގެން ރޯދަ ޤެއްލޭކަންތައްތަކުން ދުރުހެލިވެ ހުންނަންޖެހޭނެއެވެ. ■ 4 މަޛްހަބު
(10)އިރު އޮއްސުނުކަމަށް ހީކޮށް ( ވާޖިބު ރޯދައެއްގައި )ރޯދަ ވީއްލައިފިނަމަ :: އެދުވަހުގެ ބަދަލުގައި އެހެން ދުވަހެއްގައ އެރޯދަަ ޤަޟާކުރަންޖެހޭނެކަމާއިމެދު ޢިލްމުވެރިންގެ 2 ބަސްފުޅަކަށް ޚިލާފު އެުފެދިފަައިވެއެވެ.
(1)އިރު އޮއްސުނުކަމަށް ހީކޮށް ( ވާޖިބު ރޯދައެއްގައި )ރޯދަ ވީއްލައިފިނަމަ :: އެދުވަހުގެ ބަދަލުގައި އެހެން ދުވަހެއްގައި އެރޯދަ ޤަޟާކުރަންޖެހޭނެއެވެ ■ 4 މަޛްހަބު
(2)އިރު އޮއްސުނުކަމަށް ހީކޮށް (ވާޖިބު ރޯދައެއްގައި)ރޯދަ ވީއްލައިފިނަމަ :: އެދުވަހުގެ ބަދަލުގައި އެހެން ދުވަހެއްގައި އެރޯދަ ޤަޟާކުރަންނުޖެހޭނެއެވެ ■ ސަލަފުންގެ ބައެއް ބޭފުޅުން ، އިބްނު ތައިމިއްޔާ ، އިބްނުލް ޤައްޔިމް ، އިބްނު ޢުޘައިމީން
(11)އިރު އޮއްސިއްޖެކަން ޝައްކުވެފައިވާ ހާލަތުގައި އަދި އެއަށްފަހު(1) އިރުއޮއްސިއްޖެތޯ ނުވަތަ ނޫންތޯ ޔަޤީންކޮށް ނޭނގޭ ހާލު (2) ނުވަތަ އިރުނުއޮއްސޭކަން އެނގޭ ހާލު:: (މި 2 ހާލަތުގައި) ކައިފިނަމަ ނުވަތަ ބޮއިފިނަމަ ●އެއިންސާނާ ފާފަވެރިވާނެއެވެ. ● އަދި ފަހުން އެދުވަހުގެ ބަދަލުގައި އެހެންދުވަހަކު ރޯދަ ހިފަންޖެހޭނެއެވެ ● 4 މަޛްހަބު
(12) ރޭގަނޑު ކަމަށް ހީކޮށް (ދެވަނަ ފަޖުރު ނުލާ ކަމަށް ހީކޮށް) ހާރު ކެއިފަހުން، ދެވަނަ ފަޖުރު (ފަޖުރުއް ޞާދިޤު)ގެ ވަޤުތު ވަދެފައިވާކަން އެނގިއްޖެނަމަ : މިހާލަތުގައި އެރޯދަ ފަހުން ޤަޟާކުރަންޖެހޭނެތޯ ޢިލްމުވެރިންގެ މެދުގަައި ޚިލާފުއުފެދިފައިވެއެވެ.
(1)އެރޯދަ ޞަައްޙަވެގެންވެއެވެ.ފަހުން ޤަޟާކުރާކަށްނުޖެހެއެވެ. ■ ސަލަފުންގެ ބައެއް ބޭފުޅުން ، އިބްނު ތައިމިއްޔާ ، އިބްނު ޢުޘައިމީން
(2)އެރޯދަ ޞަައްޙަވެގެންނުވެއެވެ.ފަހުން އެރޯދަ ޤަޟާކުރާކަށްޖެހޭނެއެވެ ■ 4 މަޛްހަބު
)މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން(
والله أعلم
