138 ވަނަ ފިލާވަޅު■■ ރޯދައިގެ ޝަރުޠުތައް (ޝަރުޠުތަކަކީ ރޯދަ ހިފުމުގެ ކުރިން އެފަރާތެއްގެ ކިބައިގައި ކޮންމެހެން ހުންނަންޖެހޭ ކަންތައްތަކެވެ.)  ■■

(7) ނިޔަތް ގަތުން (ހިތުން ޤަސްދުކުރުން ރޯދަ ހިފުމަށް) (ދެވަނަ ބައި) 

■(6)ވާޖިބު ރޯދައަށް މާދަމާ ތިމަންނަ ރޯދައަށް ހުންނާނީތޯ ނުވަތަ ނޫންތޯ މިގޮތަށްް ދެހިޔާލެއްގައި  ހުރެފައި އަނެއްދުވަހުގެ (ރޯދައަށް ހުރުމަށް ހަމަޖެހިފައިވާ ދުވަހުގެ) ފަތިސްވުމާއި ހަމައަށް ހުރެފައި (އެބަހީ : ފަތިސްް ވަޤުތު ވަންއިރުވެސްވަނީ 2 ޚިޔާލެއްގައެވެ.) ދެން އެއަށްފަހު ރޯދަހިފިއެވެ. ފަހެ އެރޯދަ ޞައްޙަވެގެންނުވެއެވެ.އެދަވަހުގެ ބަދަލުގައި އެހެން ދުވަހެއްގައި ޤަޟާކުރަންޖެހޭނެއެވެ :■ ޖުމްހޫރު

■ (7)މާދަން ރަމަޟާންމަހު ރޯދަވެއްޖެނަމަ ތިމަން ހުންނާނީ ރޯދައަށެވެ. ދެން އެއަށްފަހު (މިޟާލު : ހެނދުނުވީއިރު) ރަމަޟާންމަސްކަން އެނގުނެވެ. ފަހެ އެއިންްސާނާގެ ރޯދަ (މިހާލަތުގައި) ޞައްޙަވެގެންވެއެވެ.■ އަޙުމަދުގެ ރިވާޔަތެއް ، އިބްނު ތައިމއްޔާ ، އިބްނު ޢުޘައިމީން 

■(8)ރަމަޟާންމަހު ރޯދައަށް ހުރުމަށްފަހު އެރޯދަ މެދުކަނޑާލަން ޤަސްދުކޮށްފިނަމަ ފަހެ އެހާރުން (1) އެރޯދަ ޞައްޙަވެގެންނުވެއެވެ.(2) އަދި އެރޯދަ ފަހުން އެހެން ދުވަހެއްގައި ޤަޟާކުރަންޖެހޭނެއެވެ. (3) އަދި އެދުވަހުގެ ބާކީ ބައިގައި ރޯދަ ޤެއްލޭ ކަންތައްތަކުން ދުރުހެލިވެ ހުންނަންޖެހޭނެއެވެ. ● އެހެންނަމަވެސް ޝަރުޢީ އުޛުރަކާއި ލައިގެން ރޯދަ ދޫކޮށްލުން ހުއްދަ ފަރާތަކަށް : މިޝާލު : ބަލި ބޭފުޅެއް ، ދަތުރުވެރިޔެއް :: (1) ފަގެ އެބޭފުޅާއަށްވަނީ  އެރޯދަ ފަހުން އެހެން ދުވަހެއްގައި ޤަޟާކުރުމެވެ. ■ މާލިކީންގެ ބަސްފުޅެއް ، ޙަންބަލީން ، އިބްނު ޢުޘައިމީން 

■(9)ރޯދައަށް ހުރެފައި ދެން ތިމަންނަ ރޯދަ ކުރިޔަށް ގެންދާނީތޯ ނުވަތަ ނޫންތޯ  މިފަދައިން 2 ހިޔާލެއްގައި ހުރުމުން އަދި ރޯދަ ބާޠިލެއްނުވާނެއެވެ.ވަކި ގޮތެއް ޔަޤީންކޮށް ކަށަވަރުނުކުރާނަމަ  (ރޯދަ ކުރިޔަށް ގެންދާނީތޯ ނުވަތަ ނޫންތޯ)  ރޯދަ ޞައްޙަވާނެއެވެ : ■ ޖުމްހޫރު

(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)

والله أعلم