ކެލާ ޔޫތު ފޯރަމް ސްޕޯރޓްސް އެކެޑަމީއަށް ބިބް ހަދިޔާކޮށްފިއެވެ. އެކަޑަމީއަށް ބިބް ހަދިޔާކުރެއްވީ ކެލާ ޢީދުގޭ އަލްފާޟިލް މުޙައްމަދު ނަސީމެވެ.
އެކަޑަމީގެ ދަރިވަރުންގެ ފަރިތަކުރުންތަކުގައި ބޭނުންކުރުމަށް މުޙައްމަދު ނަސީމް ހަދިޔާކުރެއްވި ބިބް ސެޓްތައް މިއަދު އޭނާ ވަނީ، އެކަޑަމީގެ ޙަރަކާތްތަކުގައި އުޅޭ ދަރިވަރުންނާ ރަސްމީކޮށް ޙަވާލުކޮށްފައެވެ.
ކެލާ ޔޫތު ފޯރަމް ސްޕޯރޓްސް އެކަޑަމީއަކީ ހުނަރުވެރި ކުޅުންތެރިން އުފައްދާ، ކުޅިވަރުގެ އައު ޖީލެއް ބިނާކުރުމުގެ މަޤްޞަދުގައި ކާމިޔާބު މަސައްކަތްތަކެއް ކުރަމުން އަންނަ އެކަޑަމީއެކެވެ.
ދަރުމަވެރި މި މަސައްކަތް މުޖުތަމަޢުގައި ދެމެހެއްޓެނިވި ގޮތެއްގައި ކުރުމަށް ޓަކައި ހިތްވަރުދީ، އެހީތެރިވެދޭ ފަރާތްތަކަށް، އަބަދުވެސް ކޭވައިއެފް ސްޕޯރޓްސް އެކަޑަމީން މަރުޙަބާކިޔައެވެ. ނަސީމަށް އެ އެކަޑަމީން އިޚްލާޞްތެރިކަމާއެކު ޝުކުރު އަދާކުރެއްވިއެވެ.
