އާދަމް ނާއިޝް ނަސީމަކީ ތަޢުލީމީ ޙަޔާތުގައި އެންމެ ކާމިޔާބު އެއް ދަރިވަރެވެ. ޚާއްޞަކޮށް ކެލައަށް ނުވަތަ ތިލަދުންމައްޗަށް ނިސްބަތްވާ ދަރިވަރުންގެ ތެރެއިން ތަޢުލީމީ ޙަޔާތުގެ އެންމެ ވިދުން ގަދަ އެއް ދަރިވަރެވެ.
އަޙްމަދިއްޔާ އިންޓަރނޭޝަނަލް ސްކޫލްގެ 2022 – 2023 ވަނަ އަހަރުގެ މަތީ ސާނަވީގެ އެންމެ މޮޅު ދެ ވަނަ ދަރިވަރަކަށް އާދަމް ނާއިޝް ނަސީމް ވަނީ ހޮވިފައެވެ. ނާއިޝްއަކީ އަޙްމަދިއްޔާގެ މަތީ ޘަނަވީގެ ސުކޫލް ކެޕްޓަން ވެސް މެއެވެ. މީގެ އިތުރުން ނާއިޝްއަކީ އަޙްމަދިއްޔާ އިންޓަރނޭޝަނަލް ސުކޫލުގެ 2020 – 2021ގެ ރަން ޝީލްޑް ޙާޞިލްކުރި އެ އަހަރުގެ އެންމެ މޮޅު ދަރިވަރު ވެސް މެއެވެ.
އާދަމް ނާއިޝް ނަސީމްގެ ތަޢުލީމީ ޙަޔާތް ސިފަކޮށް ދެއްވަމުން އަޙްމަދިއްޔާ އިންޓަރނޭޝަނަލް ސްކޫލްގެ ސީނިއަރ އެސިސްޓެންޓް ޕްރިންސްޕަލް އަދި މަތީ ސާނަވީ މަރުޙަލާގެ ކިޔެވުމާއި އިތުރު ހަރަކާތްތައް އިންތިޒާމް ކުރެއްވުމުގައި އިސްކޮން ހަރަކާތްތެރިވެވަޑައިގަންނަވާ އެސްކޫލްގެ ބަހުންނަމަ ޞަލާޙް ސަރ ވިދާޅުވި ގޮތުގައި ނާއިޝްއަކީ އެބޭފުޅާގެ ކެރިއަރގައި ދިމާވި ދަރިވަރުންގެ ތެރެއިން ހަދައިނުން ފިލުވާނުލެވޭލެ ހުރިހާގޮތަކުން އެންމެ ހުނަރުވެރި ލީޑަރޝިޕް ސްކިލް ހުރި އެންމެ ކާމިޔާބު އެއްދަރިވަރެވެ.
18 ޖުލައި 2024 ގައި ބޭއްވި ރަސްމިއްޔާތުގައި ރާއްޖޭގެ ޢިއްޒަތްތެރި ރައީސުލް ޖުމްހޫރިއްޔާގެ އަރިހްގައި އާދަމް ނާއިޝް ނަސީމް
އެއްބަހުން ނާއިޝް ސިފަ ކުރައްވަމުން ވަރަށް ސީނިއަރ އެހާމެ ހިންގުންތެރި މުދައްރިސަކުވިދާޅުވީ އެއީ އެފަދަ ދެވައެއްނުވާ ދަރިވަރެއް ކަމުގައެވެ. ދެވަނައަށް ވިދާޅުވީ އެއަށްވުރެ ކިޔަމަންތެރި ކުއްޖަކާ ބައްދަލުނުވާކަމަށެވެ.
އަޙްމަދިއްޔާ އިންޓަރނޭޝަނަލް ސްކޫލް 2020-2021 އެންމެ މޮޅު ދަރިވަރު އާދަމް ނާއިޝް ނަސީމް އަށް އިނާމް ދެއްވަނީ
ސާނަވީ ތަޢުލީމާއި، މަތީ ސާނަވީ ތަޢުލީމުގެ މަރުޙަލާގައި ހުރިހާ ގޮތަކުން އެންމެ މޮޅު ދަރިވަރު (ބެސްޓް އޯލް ރައުންޑް)ގެ މަޤާމް ލިބުމަކީ ވަރަށް މަދު ކުއްޖަކަށް ނޫނީ ނުލިބޭ ފަޚްރެކެވެ. މި ފަދަ ފަޚުރުވެރި މަޤާމެއް ނާއިޝް ހޯދުމުން އޭނާވެގެން ގޮސްފައި ވަނީ ތަޢުލީމީ ޙަޔާތުގައި ދަރިވަރަކަށް ލިބޭނެ އެންމެ ބޮޑު ކާމިޔާބީ ލިބުނު ދަރިވަރުންގެ ލިސްޓުގެ އެއް ނަމަށެވެ. އަދި މިކާމިޔާބު މިހާ ޚާއްޞަވާ ސަބަބަކީ ރާއްޖޭގައި އެންމެ ކުދިންގިނަ ހުރިހާ ގޮތަކުން އެންމެ ވާދަވެރި އަޙްމަދިއްޔާ އިންޓަރނޭޝަނަލް ސްކޫލްގެ ދަރިވަރަކަށް ނާއިޝް ނަސީމް ވުމާއިއެކު އެމަޤާމްތައް ނާއިޝް ހާސިލް ކުރީމައެވެ.
އާދަމް ނާއިޝް ނަސީމް ގެ ވާހަކަ ކުރިން ސާއިޢު ކުރެވިފައިވާ ބައެއް ނޫސްތަކުން ނަގާފައި
ބެސްޓް އިން މޯލްޑިވްސް އެވޯރޑް އާދަމް ނާއިޝް ނަސީމްއާއި ޙަވާލުކުރައްވަނީ
އަޙްމަދިއްޔާ އިންޓަރނޭޝަނަލް ސުކޫލަކީ ރާއްޖޭގައި މަދަރުސީ ތަޢުލީމުގެ ހުރިހައި ސްޓޭޖަކަށް ކިޔަވައިދެއްވާ ހަމައެކަނި ސްކޫލެވެ. ވުމާއެކު އަޙްމަދިއްޔާ ވެފައި ވަނީ ރާއްޖޭގައި އެއް ސުކޫލެއްގައި އެންމެ ކުދިން ގިނަ އަދި އެންމެ ވިދުންގަދަ އެއް ސްކޫލަށެވެ.
ރާއްޖޭގައި ކުޑަކުދިން ބުރޯޑްކާސްޓް ކުރި ފުރަތަމަ ދުވަހުގެ ހަރަކާތުގައި އާދަމް ނާއިޝް ނަސީމް
އަޙްމަދިއްޔާގެ ދަރިވަރުން ލ. އަތޮޅުގެ އާސާރީ ތަންތަނަށް ކުރެއްވި ދަތުރުގައި އާދަމް ނާއިޝް ނަސީމް ބައިވެރިވި
ތަޢުލިމީ ރޭހުގައި ކުދީންގެ މެދުގައި އެންމެ ވާދަވެރި އެއް ސްކޫލަކީ ވެސް އަޙްމަދިއްޔާއެވެ. މި ފަދަ ސްކޫލެއްގައި ސެކަންޑްރީގެ އެންމެ މޮޅު ދަރިވަރަކަށް ހޮވުނު ކުއްޖަކު އޭގެ ދެ އަހަރު ފަހުން، ހައި ސެކަންޑަރީގެ އެންމެ މޮޅު ދަރިވަރުންގެ ތެރޭގައި ހޮވުމުން ނާއިޝްގެ މަސައްކަތަކީ ފަޚުރުވެރިވުން ޙައްޤު މަސައްކަތެއްކަން ކަށަވަރެވެ. މިފަޚުރާއި ޝަރަފް ނާއިޝްއަށް ޚާއްޞަވާއިރު ނާއިޝްގެ މަސައްކަތުން މިޝަރަފްލިބޭ ފަރާތްތަކުގެ ތެރޭގައި ނާއިޝްގެ އާއިލާއާއި ނާއިޝްގެ ރަށް ހއ.ކެލާ އަދި ހއ.އަތޮޅުގެ އިތުރުން މުޅި ތިލަދުންމައްޗާއި ދިވެހި ޤައުމު ހިމެނޭކަން މިނޫހުން ފާހަގަކުރަނީ މިނޫހަކީ ތިލަދުންމައްޗަށް ނިސްބަތްވާ ނޫހަކަށްވާތީ ނާއިޝްއަށް ޙައްޤު ޝުކުރާއި އެކުގައެވެ.
ޓޮޕް އިން މޯލްޑިވްސް އަދި ދުނިޔޭގެ ޓޮޕް ޓެން އިން 02 ވަނަ އާދަމް ނާއިޝް ނަސީމް އަށް ލިބުމުން އަޙްމަދިއްޔާ ސްކޫލުން ތައްޔާރުކޮށްފައިވާ ފޮޓޯ- ސްކޫލް ޕޭޖް
އޯލެވެލް ޓޮޕް ޓެން އިން 01 ވަނަ ހާސިލް ކުރުމުން އާދަމް ނާއިޝް ނަސީމް އަށް އެވޯރޑް ހަވާލު ކުރައްވަނީ
ދިވެހި ސަރުކާރުން ދެއްވާ ހައި އެޗީވާސް އެވޯރޑް 2023 ޙާސިލްކޮށް ޔުނިވަރސިޓީ ތަޢުލީމް އުނގެނުމަށް މިހާރު އިނގިރޭސިވިލާތުގައި ހުރި އާދަމް ނާއިޝް ނަސީމަކީ، ކިޔެވުމާއި އެއްވަރަށް އިތުރު ޙަރަކާތްތަކުގައި ބައިވެރިވެފައިވާ ނަމޫނާ ދަރިވަރެކެވެ. އެގޮތުން ނާއިޝްގެ ސްކޫލްގައި ނާއިޝްއަށް މަގުދެއްކިވި ފަރާތްތަކާއި އެކުގައި ކިޔެވި ބައެއް ދަރިވަރުން ހާމަކުރެއްވި ގޮތުގައި ސްކޫލްގައި ނާއިޝްއަކީ ހުރިހާ ހަރަކާތެއްގައިމެ ޚިއްސާ ބޮޑު ހިންގުންތެރި ކަމަށްކަމޭހިތާ ކޮންމެ ހާލަކުންވެސް އެކަމެއް ކުރުމުގެ ޢަޒުމްގައި ކަންކަން ރާވާ ހިންގާ މުރާލި ދަރިވަރެކެވެ. ސްކޫލްގައި ނާއިޝް ބައިވެރިވި ހަރަކާތްތައް ކުރުކޮށް ބުނުއްވުމަށް ނާއިޝްގެ ބައްޕައަށް ނަންގަތުމުން އަޅުގަނޑުގެ ފޯނަށް ފޮނުވީ ނާއިޝްގެ ޕްރައިމަރީ، ސާނަވީ އަދި މަތީ ސާނަވީ ސްކޫލްގެ “ލީވިންގ ސެޓްފިކެޓް” ތަކެވެ. އެސެޓްފިކެޓްތައް ވެގެންދިޔައީ އަޖައިބުންފުރިފައިވާ ލިޔުން ތަކަކަށެވެ. ކުއްޖެއްގެ މުޅި ތަޢުލީމީ ޙަޔާތުގައި ހުރިހާ މަރުހަލާއެއްގައި މިހާގިނަ ކަންކަމުގައި އެއްވާމަކަށް ކުއްޖަކު މަސައްކަތް ކޮށްފާނެއޭ ހިތައްވެސް ނާރަތީއެވެ. އެހެނަސް ރަސްމީ ލިޔުންތައްވީމާ ސުވާލު އުފައްދާނެ އެއްވެސް ޖާގައެއް ނެތުމުން އެލިޔުންތައް ތަކުރާރުކޮށް މުރާޖާކޮށް މިރިޕޯރޓުގައި އޭގެން މަދުކަމެއް ހިމަނާލަން މަސައްކަތްކުރީ މިރިޕޯރޓްގައި ލިޔެވޭނީވެސް ވަކިވަރަކަށްވީމައެވެ. އާއެކެވެ. އެއްބަހުން ހާމަކުރާނަމަ ނާއިޝްއަކީ ސްކޫލެއްގައި ކުރަންޖެހުނު ކޮންމެކަމެއްކުރާ ކުއްޖެއްކަން ނާއިޝްގެ ރެކޯރޑްސް އިން ސާބިތުވެއެވެ. ދިވެހި މުސްކުޅި މުހާވަރާގައިވާ ގޮތައް ނާއިޝްއަކީ އެއިރަކު އޭނާ ތަޢުލީމް ހާސިލްކުރި ކޮންމެ ސްކޫލަކު އެކޮންމެ މަރުހަލާއެއްގައި ” ސްކޫލްގައި ދެ ނާށި ޖެހިޔަސް ” އެކަމުގައި އިއްސަފުގައި ހުރިކުއްޖެކެވެ. އެކި ކަންކަމުގައި އެކި މިންވަރަށް އެހެނަސް ނާއިޝް ބައިވެރިނުވާ ރަސްމީ ހަރަކާތެއް ސްކޫލަކު ނުހިގައޭ ދެންނެވުމަކީ އެހެންދަރިވަރުންނަށް ކުރެވޭ ބޭއިންސާފެއް ނޫނެވެ.
2023 ވަނަ އަހަރުގެ ހައި އެޗީވަރސް ލިޔުން އާދަމް ނާއިޝް ނަސީމްއާއި ހަވާލުކުރައްވަނީ
ނާއިޝްގެ ސާނަވީ އަދި މަތީ ސާނަވީގައި އަޙްމަދިއްޔާގައި އަބަދުމެ އެއްކުލާހުގައި ހޭދަކުރުމުގެ އިތުރުން ގިނަ މާއްދާތަކެއްގެ ޓިއުޝަންގައިވެސް އެކުގައި ބައިވެރިވި ރަޒާން އިބްރާހީމް ރަޝީދު ހާމަކުރިގޮތުގައި ” ސްކޫލްގައި އޭނާއަށް އެގިގެން ހިންގި ކޮންމެ ހަރަކާތެއްގައި ނާއިޝް ބައިވެރިވި، ނާއިޝް ކުރާކޮންމެ ކަމެއްކުރަނީ އެކަމެއްގައި އޮންނަ އެންމެ މައްޗަށް ނުވަތަ ޓޮޕް ލެވެލްއަށް ދާންކަމަށް، ނާއިޝްއަކީ ވަރަށް ވިސްނުންތޫނު އެންމެ ބުރަކޮން ސްކޫލްގައި މަސައްކަތްކުރި ކުއްޖާ” އެވެ. މިއީ ރަޒާން ނޫނަސް މުޅި އަޙްމަދިއްޔާގެ އަޑެވެ. މިނޫހަށް އެގިފައިވާ ގޮތުގައި ގްރޭޑް 08 ން 12 އަށް ނާއިޝްއާއި އެކުގައި އެއްކުލާހެއްގައި ހޭދަކުރި ދަރިވަރުންގެ ތެރެއިން އާއްމުކޮށް ކްލާސް ޕްރައިސް ލިބިފައިވަނީ ރަޒާންއަށް ނުވަތަ ނާއިޝް އަށެވެ.
އަޙްމަދިއްޔާގެ ދަރިވަރުން 2022 އަދި 2023 ވަނަ އަހަރު ބޭންކްކްއަށް ކުރެއްވި ދަތުރުގައި އާދަމް ނާއިޝް ނަސީމް ބައިވެރިވި
އަޙްމަދިއްޔާގެ ދަރިވަރުން ޓްރެވެންޑްރަމް އިންޓަރނޭޝަނަލް ސްކޫލަށްކުރި ދަތުރުގައި ނާއިޝް މެދުގައި
ކާނާތުން 04 ވަނައަށް އާދަމް ނާއިޝް ނަސީމް މަތީ ސާނަވީ ދަރިވަރުންގެ ގްރެޖުއޭޝަންގެ ތެރެއިން
އެ ގޮތުން ނާއިޝްގެ ތަޢުލީމީ ޙަޔާތުގެ ކާމިޔާބު ހަރުގަނޑުގައި ހުރިހައި ދާއިރާއެއްގެ ޓްރޮފީތަކާއި، ޝީލްޑްތަކާއި، މެޑަލްތައް ޢަދަދު ނުކުރެވޭހައި ގިނަ އިރު، ނާއިޝްގެ ތަޢުލީމީ ޙަޔާތުގެ ކާމިޔާބު ރަމްޒުކޮށްދޭ ފައިލްގައި ނެތީ މި ވެނި ދާއިރާއެއްގެ ސެޓްފިކެޓެކޭ ނުދެންނެވޭނެއެވެ.
29 އޯގަސްޓް 2024 ގައި ދަރުބާރުގޭގައި ބޭއްވި ރަސްމިއްޔާތުގައި އަޙްމަދިއްޔާ އަދި ތިލަދުންމަތީގެ ފަޚްރުވެރި ދަރިވަރު އާދަމް ނާއިޝް ނަސީމާ، އިނާމް ޙަވާލުކޮށްދެއްވީ ރަސްމިއްޔާތުގެ ޝަރަފްވެރި މެހްމާން ޞިއްޙީ ވުޒާރާގެ ވަޒީރު ޑޮކްޓަރ ޢަބްދުﷲ ޚަލީލެވެ. އަޙްމަދިއްޔާ ސްކޫލްގެ 2022 – 2023ގެ އެންމެ މޮޅު ދަރިވަރަށް ނާއިޝް ނަސީމް ހޮވިފައިވާ އިރު ނާއިޝްއަކީ 2023 ވަނަ އަހަރު އޭލެވެލް އެކައުންޓް އިން މުޅި ދުނިޔެއިން 02 ވަނަ ދަރިވަރެވެ.
ނާއިޝްގެ ޓްރޮފީ ހަރުގަނޑު ބަލައިލި އިރު ހައްތަހާވެސް ފާހަގަވީ ރަން ވަނަތަކެވެ. 2022-2023 ވަނަ އަހަރު އަހުމަދިއްޔާގެ މަތީ ސާނަވީ ބެސްޓް އޯލްޑަރ ދަރިވަރުގެ ޝީލްޑް، 2023ގެ ހައި އެޗީވާރސް، 2023 ވަނަ އަހަރު އެކައުންޓުން މުޅިދުނިޔެއިން 02 ވަނަ، 2023 ވަނަ އަހަރުގެ އޭލެވެލްއާއި، ހައި ސެކެންޑްރީ ސެޓްފިކެޓް އިމްތިޚާނުގެ ރާއްޖޭގެ ޓޮޕް ޓެން އިން 03 ވަނަ، 2022-2023 ވަނަ އަހަރުގެ މަތީ ސާނަވީ ސްކޫލް ޓޮޕް ޓެންއިން 03 ވަނަ، 2023 ވަނަ އަހަރުގެ ބެސްޓް އޯލްރައުންޑް ދެވަނަ ދަރިވަރުގެ ޝީލްޑް،ސްކޫލުންދޭއްވާ އެންމެ ޝަރަފްވެރި އެއްއިނާމް ކަމުގައިވާ ސްކޫލް ބާނީގެ އެވޯރޑް، 2020-2021ގެ ބެސްޓް އޯލްރައުންޑަރ ދަރިވަރުގެ ޝީލްޑް، 2021 ވަނަ އަހަރު ސާނަވީ ބިޒްނަސް ސްޓަޑީޒް – ބެސްޓް އިން މޯލްޑިވްސް އެވޯރޑް، 2021 ވަނަ އަހަރު ސާނަވީ ތަޢުލީމުގެ 08 މާއްދާއިން އޭ ސްޓަރ ހޯދައިން މުޅި ރާއްޖޭގެ ޓޮޕްޓެން އިން 01 ވަނަ ، 2020-2021ގެ ސްކޫލް ޓޮޕް ޓެން އިން 04 ވަނަ މީގެ އިތުރުން ނާއިޝްގެ މުޅި ތަޢުލީމީ ޙަޔާތުގައި ސާނަވީއާއި، މަތީ ސާނަވީގައި ވެސް އެ އިރަކު އުޅޭ ކުލާހެއްގެ 01 ވަނަ ނުވަތަ 02 ވަނާގައި ހިފެހެއްޓުމުން ލިބިފައިވާ ޓްރޮފީތަކާއި، ނާއިޝްގެ މުޅި ތަޢުލީމީ ހަޔާތުގެކޮންމެ އިމްތިޚާނަކުން ވެސް ގިނަ މާއްދާތަކެއްގެ ސަބްޖެކްޓް އެވޯރޑާއި، އޮނަލިސްޓެޑް އެވޯރޑާއި، ކްލާސް ޕްރޮގްރެސް އެވޯޑާއި، ކްލާސް ޕްރައިޒްގެ އެވޯޑް ނާއިޝްގެ ޓްރޮފީ ހަރުގަޑުގައި ހުރީ ގުނާ އަދަދު ކުރެވޭވަރަކަށް ނޫނެވެ.
ސްކޫލް ބޭންޑްގައި ޙަރަކާތްތެރިވާ ދަރިވަރުންގެ ތެރެއިން ތަޢުލީމީ ގޮތުން އެންމެ ރަގަޅު ދަރިވުގެ އިނާމް އާދަމް ނާއިޝް ނަސީމް ޙަވާލުކުރައްވަނީ
މިއީ ނާޢިޝް ނަސީމްގެ އޯލެވެލް އަދި އޭލެވެލްގެ ތަޢުލީމީ ހަރުފަތުން މަދު މިންވަރެކެވެ. ނާއިޝްގެ ކާމިޔާބީ ރަމްޒްކޮށްދޭ ހަރުގަނޑުގައި އެހައިމެ ގިނަ ޢަދަދަކަށް އިތުރު ޙަރަކާތުގެ ޓްރޮފީއާއި، ޝީލްޑާއި، މެޑަލް އެކުލެވެއެވެ. އެ ގޮތުން އެންމެ ކުރީގެ ޓްރޮފީއަކަށް ހުރީ 2011 ވަނަ އަހަރުގެ ނާއިޝްގެ ޢުމުރުން 06 އަހަރުގައި ލިބިފައިވާ “ކެލާ ޔޫތު ފޯރަމް” ޤުރުއާން މުބާރާތުގެ ޓްރޮފީއެވެ. ހަމައެހެންމެ އެ ދުވަހުން ފެށިގެން ނާއިޝް ނަސީމް ވެފައި ވަނީ ކެލާ ޔޫތު ފޯރަމްގެ މުބާރާތްތަކާއި، ނާއިޝްގެ އެ އިރުގެ ސްކޫލް ކަމުގައިވާ ކެލާ ޝައިޚް އިބްރާހީމް ސްކޫލްގެ މުބާރާތްތަކާއި، އަދި ނާއިޝްގެ އުފަން ރަށް ކެލާ ކައުންސިލްގެ މުބާރާތްތަކުގެ އިތުރުން ނާއިޝް ނިސްބަތްވާ ބޮޑު ތިލަދުންމަތީގެ ދަރިވަރުންނަށް ޚާއްޞަކުރެވޭ މުބާރާތްތަކުގެ އެންމެ ފަޚްރުވެރި އެންމެ ކާމިޔާބު އެއް ނަމުގެ ގޮތުގައެވެ. މި ކޮންމެ މުއައްސަސާއެއްގެ އެތައް މުބާރާތެއްގެ ފަޚްރުވެރި 01 ވަނަ ނާއިޝް ވަނީ އެތައް ފަހަރަކު ޙާސިލްކޮށްފައެވެ. އެގޮތުން ލިބިފައިވާ އެންމެ ފަޚުރުވެރި ވަނަތަކުގެ ތެރޭގައި ކެލާ ކައުންސިލްގެ މުބާރާތްތަކުން އެތައް އަހަރަކު އުމުރުފުރާގެ 01 ވަނައާއި ޖޫނިއަރ ގުރޫޕްގެ 01 ވަނައާއި މުޅި މުބާރާތުގެ 02 ގޮފިއެއްކޮން 01 ވަނަ ހިމެނޭއިރު ކެލާ ސްކޫލްއާއި ކެލާ ޔޫތުފޯރަމްގެ މުބާރާތްތަކުންވެސް މިހުރިހާ ކެޓަގަރީއަކުން އާދަމް ނާއިޝް ނަސީމްވަނީ އެތައް އަހަރަކު 01 ވަނަ ހާސިލް ކޮށްފައެވެ. މީގެ އިތުރުން ހއ.އަތޮޅުގެ މުބާރާތްތަކުންވެސް ފަޚްރުވެރި 01 ވަނަ ހިމެނޭގޮތައް ރަން އަކުރުން ނާއިޝްގެ ނަންވަނީ ލިޔެވިފައެވެ.
އާދަމް ނާއިޝް ނަސީމް(ރަތްހެދުމުގަ) ޕްރައިމަރީ ތަޢުލީމް ޙާސިލްކުރި ހއ.ކެލާ ޝައިޚް އިބްރާހީމް ސްކޫލްގެ ކްލާސްމޭޓުންނާއެކު ސަޤާފީ ޙަރަކާތެއްގައި
ރާއްޖޭގެ ޤައުމީ ޤުރުއާން މުބާރާތުގައި ހއ. ކެލާ އަދި ހއ. އަތޮޅު، ނާއިޝް ތަމްޞީލްކޮށްފައި ވަނީ އެއް ފަހަރަށް ވުރެ ގިނަފަހަރެވެ. ހަމައެހެންމެ ނާއިޝް ނަސީމް ވެފައި ވަނީ މުޅި ރާއްޖެއަށް ހުޅުވައިލައިގެން ބޭއްވި “އަލިގަދަތަރި ޖޫނިއާރ” ޤުރުއާން މުބާރާތުގެ ފައިނަލް ރައުންޑްގައި ވާދަކުރުމުގެ އިތުރުން މާލޭގައި ދަރިވަރުންނަށް އަމާޒްކުރެވޭ އެތައް މުބާރާތެއްގައި އަޙްމަދިއްޔާ އިންޓަރނޭޝަނަލް ސްކޫލްގެ ފަރާތުންނާއި، އަމިއްލަ ގޮތުން ވާދަކޮށް ފަޚްރުވެރި އެތަކެއް ކާމިޔާބީއެއް ކީރިތި ޤުރުއާން ކިޔެވުމުން ވެސް ހޯދި ދަރިވަރެއްގެ ގޮތުގައެވެ. އެގޮތުން އަލްކައުނު ޣުރުއާން މުބާރާތުގެ ހިތުން ލިޔުމުން ޢުމުރުފުރައިގެ 01 ވަނައާއި ނުބަލާ ކިޔެވުމުގެ ގޮފިން 02 ވަނަ ހޯދާފައިވާއިރު ވިނަވި، އިޔާރު އަދި އަސާސް ޤުރުއާން ކުލާހުގެ މުބާރާތް ތަކުގެ ޓްރޮފީތަކާއި މިނޫންވެސް އެތައް މުބާރާތެއްގެ ޓްރޮފީއާއި ޝީލްޑް އެހުރީ ނާއިޝްގެ ހަރުގަނޑުގައި ވިދަވިދައެވެ.
އަޙްމަދިއްޔާ ސްކޫލް ބާސްކެޓް ޓީމްގެ ޖާރޒީ ހަވާލުކުރެއްވުމުގެ ތެރެއިން
އާދަމް ނާއިޝް ނަސީމަށް ކިޔަވައިދެއްވި ޓީޗަރުންނާއި، އިތުރު ޙަރަކާތުގައި އުޅުއްވި ޓީޗަރުންނާއި، ކޯޗުންގެ ތެރެއިން މިނޫހުން ސުވާލުކުރި ފަރާތްތަކުގެ ނަޒަރުގައި ނާއިޝްއަކީ ކުއްޖަކު ކަންކަން ކާމިޔާބުކުރުމަށް ކުރާނެ ހުރިހައި މަސައްކަތެއް ކޮންމެ ކަމެއްގައިވެސް ވަރަށް ފުރިހަމައަށް ކުރި ކުއްޖެއްކަން ފާހަގަކުރެއްވިއެވެ. އަދި ނާއިޝްއާއި އެކު ހަރަކާތްތެރިވި ސްޓޫޑެންޓް ކައުންސިލްގެ ބައެއް ދަރިވަރުން ބުނިގޮތުގައި “އެއީ ބެސްޓް”އެވެ.
އަޙްމަދިއްޔާގެ ޕްރިންސްޕަލްގެއަރިހުގައި ސްކޫލް ކެޕްޓަން އާދަމް ނާއިޝް ނަސީމް އަދި ސްކޫލްގެ ސްޓޫޑެންޓް ކައުންސިލްގެ ދަރިވަރުން
އާދަމް ނާއިޝް ނާއިޝްގެ ތަޢުލީމީ ޙަޔާތުގެ ހުރިހައި ޢުމުރު ފުރާއެއްގައި ނުވަތަ ހުރިހައި މަރުޙަލާއެއްގައި ވެސް ކިޔެވުމުގެ އިތުރުން ބައިވެރިވި އެންމެ ވާދަވެރި މުބާރާތްތަކާއި، ހަރަކާތްތަކަކީ ކީރިތި ޤުރުއާން ކިޔެވުމުގެ މުބާރާތްތަކާއި، ޗެސް މުބާރާތްތަކާއި، މަދަޙަ މުބާރާތްތަކާއި، ކެރަމް މުބާރާތްތަކާއި، ބާސްކެޓް ބޯޅަ މުބާރާތްތަކާއި، ސްކޫލް ބޭންޑްގެ ޙަރަކާތްތަކާއި، އަދަބީ ކްއިޒްތަކާއި، އިސްލާމީ ކްއިޒް މުބާރާތްތަކާއި، އަދަބީ މުބާރާތްތަކާއި، ސްޓޭޖު ޕާރފޯމަންސާއި، ޤައުމުގައި ރައްޔިތުން އަހުލުވެރި ކުރުވަން ކަމާގުޅޭ މުއައްސަސާ ތަކުން ހިންގާ ކްއިޒްތަކާއި މުބާރާތްތަކާއި ސްކޫލްކުދިންނަށް އަމާޒުކޮށް ހިންގާ ތަފާތު އެކިއެކި ފޯރަމްތަކާއި މުބާރާތް ތަކެވެ. މިހުރިހާ ކަމެއްގައިވެސް ނާއިޝްއަށް ލިބިފައިވާ ކާމިޔާބީތަކުގެ ރަމްޒު ނާއިޝްގެ ޓްރޮފީ ހަރުގަޑުގައި ވިދަވިދާ ހުރިކަން ފާހަގަ ކުރަމެވެ.
އެންމެ ވާތުގައި އާދަމް ނާއިޝް ނަސީމް ހއ. އަތޮޅު ޤުރުއާން މުބާރާތުގައި ނާއިޝްގެ އުފަންރަށް ހއ.ކެލާ އަށް ޝަރަފު ހޯދައިދިން
ޚާއްޞަކޮށް ސްކޫލުން ކިތަންމެ ވަގުތު ނެތި ގުޅުއްވިޔަސް އެ ކަމެއްގައި ބައިވެރިވާކަމާއި، ތަޢުލީމީ ޙަޔާތުގެ ގިނަ ވަގުތު ހޭދަކުރީ ސްކޫލް ޔުނީފޯގައި ކަމުން އޭގެ ނަތީޖާ ވަރަށް ފޮނިކަން ފާހަގަކުރަމުން ނާއިޝްގެ ބައްޕަ ބުނުއްވީ، ނާއިޝްއަކީ ގްރޭޑް 1 ފެށިގެން ގްރޭޑް 12އާއި ހަމައަށް ކްލާސް މޮނިޓަރކަން އެ އިރަކު އުޅޭ ކްލާހެއްގައި، އެ ދުވަސްވަރަކު އުޅުނު ސްކޫލެއްގައި ހަމަޖެހިފައިވާ އުޞޫލަކުން ލިބިފައިވާ ކުއްޖެއްކަމާއި، އަދި ގްރޭޑް 04 ކުންފެށިގެން ގްރޭޑް 12 އަށް ސްކޫލްގެ ޕްރީފެކްޓެއްގެ ހައިސިއްޔަތުން އަބަދުވެސް ސްކޫލަށް ޚިދުމަތްކުރުމުގެ އިތުރުން ޕްރައިމަރީ ތަޢުލީމް ޙާސިލްކުރި ކެލާ ޝައިޚްއިބްރާހީމް ސްކޫލްގައި އުފެދިފައިވާ ހައުސްތަކާއި، ކްލަބްތަކުގެ އިސްމަޤާމްތައް އަދާކޮށްފައިވާ އިރު ސެކަންޑަރީ ތަޢުލީމުގައި އަޙްމަދިއްޔާގެ ޗާނދަނީ ހައުސްއާއި، ސްކޫލްގެ ކްލަބުތަކުގެ އިސްމަޤާމްތަކުގައި ހުރެ ސްކޫލަށް ޚިދުމަތްކުރުމުގެ އިތުރުން އަޙްމަދިއްޔާގެ ސެކެންޑްރީ “ވައިސް ކެޕްޓަން” ކަމާއި، ގުރޭޑް 11 އަދި 12 ގައި އަޙްމަދިއްޔާގެ “ހައި ސެކެންޑްރީ ކެޕްޓަން”ގެ ގޮތުގައި ހުރެ ސްކޫލަށާއި، ދަރިވަރުންނަށް ޚިދުމަތްކުރުމަށް ލިބުނު ފުރުޞަތު، ނާއިޝް ބޭނުންކުރީ ސްކޫލްގެ އެންމެ ބޭފުޅުންގެ އިރުޝާދާ، ދަރިވަރުންގެ ގާތް ގުޅުމާއެކު، އަޙްމަދިއްޔާގެ ނަން ރަން އަކުރުން ފަވާލުމަށް ކަމަށްވާތީ ވަރަށް އުފާކުރާ ކަމަށެވެ.
ކަނާތުގައި ނާއިޝް ސާނަވީގައި ސްކޫލް ކެޕްޓަންއަށް ވާދަކުރުމަށް ބޭނުންކުރި ޕޯސްޓަރ މެދުގައި ކެޕްޓަންގެ ރޯލުގައި ކަނާތުގައި މަތީ ސާނަވީ ކެޕްޓަންގެ ކެންޕޭނުގެ ޕޯސްޓަރ
އިންޓަރ ސްކޫލް ޗެސް ޓީމްގެ ފަރިތަކުރުންތަކުގައި އާދަމް ނާއިޝް ނަސީމް ޙަރަކާތްތެރިވަނީ
ނާއިޝްގެ ޢާއިލާ އެންމެ އުފާ ވަނީ ރާއްޖޭގެ އެންމެ ކާމިޔާބު އެންމެ ކުދިން ގިނަ އަދި ތަޢުލީމީ ރޮނގުންނާއި، ޔުނީފޯރމް ބޮޑީޒް ނުވަތަ ސްކޫލްގެ އިސް މަޤާމްތައް ކާމިޔާބުކުރުމުގައި ރާއްޖޭގައި އެންމެ ވާދަވެރި އެއް ސްކޫލް ކަމުގައިވާ އަޙްމަދިއްޔާގެ އެންމެ ފަޚްރުވެރި ދަރިވަރުންގެ ކުރީ ސަފްގައި ހިމެނޭތޯ ރެއާއި ދުވާލު ވާރެއާއި، އަވީގައި ފިންޏާއި ހޫނުގައި މަދަރުސީ ތަޢުލީމުގެ މުޅި ޙަޔާތުގައި ހަފްތާގެ ހުރިހައި ދުވަހަކު ފަތިހުން މެންދަމަށް އަވަދިނެތި ނާއިޝް ކުރި ބުރަ އެހައިމެ އުނދަގޫ ނުހަނު ހިތްވަރު ގަދަ މަސައްކަތުގައި ދަރިފުޅާއި ގާތުގައި މަންމަޔާއި، ބައްޕައަށް ހުރެވުމުގެ ނަސީބު މާތް ﷲ މިންވަރު ކުރެއްވީމައެވެ. އަދި ދަރިފުޅު ކަންބޮޑުވާ ކޮންމެ ވަގުތަކު އެ ކަމެއްގައި ބައިވެރި ވެވުނީމަ ކަމަށް ވެސް ނާއިޝްގެ ބައްޕަ ބުނުއްވިއެވެ.
މީގެ 10 އަހަރުކުރިން ހއ. އަތޮޅު ޤުރުއާން މުބާރާތުގައި ކެލާ ތަމްސީލްކުރި ދަރިވަރުން ވާތުން އެންމެ ކުރީގައި ނާއިޝް ނަސީމް
ނާއިޝް މިހާރު ހުރީ، ލިބުނު ހައި އެޗީވާރސް ސްކޮލަރޝިޕް ފުރިހަމަކުރުމަށް ޓަކައި އިނގިރޭސިވިލާތުގައެވެ. މި ކަމާ ގުޅިގެން ނާއިޝްގެ ބައްޕަ ބުނުއްވީ “އަޅުގަނޑުމެންނާ ވަކިން މުޅި ޢުމުރުގައި ވެސް ނާއިޝް އަދި ދިރިއުޅެފައެއް ނުވޭ، މާތްﷲގެ މިންވަރުފުޅުން މިއަދާއި ހަމައަށް ވެސް އަޅުގަނޑުމެންގެ ދަރިފުޅަކީ ޢާއިލާއަކުން ބޭނުންވާނެ ހުރިހައި ކަމެއް އެންމެ ފުރިހަމައަށް ކުރި ކުއްޖެއް، ފިލާވަޅުހަދަން ނުވަތަ ދަސްކުރަން އަދި އިތުރު ޙަރަކާތުގެ ކަމެއްގައި ޢާއިލާއިން ބުނަންޖެހިފައެއް ނުވޭ، ވީމާ ނާއިޝްއާއެކު ނާއިޝްގެ ޢާއިލާ އަބަދުވެސް ހިތްވަރުކުރާނެ، އެހެނަސް ޙަޤީޤަތަކީ ނާއިޝްއާއި، ޢާއިލާއަށް ވެސް އެންމެ އުނދަގޫ ނިންމުން ފުރިހަމަކުރުމަށް ދަރިފުޅު ގޮސް އެ ހުރީ، އެހެނަސް އަޅުގަނޑުމެންގެ ދުޢާއަކީ މާތްﷲގެ ވާގިފުޅާއެކު ނާއިޝް އެ މަރުޙަލާ ވެސް ފުރިހަމަކޮށް ދަރިފުޅުގެ އުންމީދުތަކުގައި ވަރަށް ފުރިހަމައަށް ކުލަޖެހި ޖަރީވުން.”
ސްކޫލްތަކުގެ ދަރިވަރުންނަށް ހިންގަވާ ޖާނަލިޒމް ވޯރކް ޝޮޕްގެ ސެޓްފިކެޓާއި ނާއިޝް ނަސީމް ހަވާލުވަނީ
އާދަމް ނާއިޝް ނަސީމަކީ، ސްކޫލްގެ މާހަޢުލާއި، އިތުރު ޙަރަކާތުގައި އަދި ސްކޫލް ތަމްސީލްކުރި އެންމެހައި ޙަފުލާތަކާއި، ޖަލްސާ އަދި ސެމިނަރ ވޯރްކް ޝޮޕްގައި ވެސް ހުރިހައި ގޮތަކުން ވެސް ލީޑަރޝިޕް ސްކީލް ހުރި އެހެންކުދީން ނަމޫނާއަކަށް ބަލަން ޖެހޭ ކުއްޖެއް ކަމަށް މިނޫހުން ސުވާލުކުރި ނާއިޝްގެ ޓީޗަރުން ވަނީ ވިދާޅުވެފައެވެ.
އާދަމް ނާއިޝް ނަސީމްގެ ކާމިޔާބީ ރަމްޒުކޮށްދޭ 01 ރެކްގެ ފޮޓޯއެއް
ނާއިޝްގެ ބައްޕަ އަޙްމަދު ނަސީމް ހާމަކުރެއްވި ގޮތުގައި މިހުރިހައި ޓްރޮފީއާއި، ޝީލްޑާއި، މެޑަލްއަށް ވުރެ ނާޢިޝްއަށް ޚާއްޞަ ވަނީ އޭނާއަށް ސްކޫލަށް ކޮށްދެވޭ ޚިދުމަތެވެ. އަބަދުވެސް އުންމީދަކަށް ވެފައި ވަނީ ކޮންމެ ވަގުތަކު ވެސް ސްކޫލުން އެދިލެއްވި ކޮންމެ ކަމެއް އެންމެ އަވަހަށް އެހައިމެ ފަރުވާތެރިކަމާއެކު އެންމެ ފުރިހަމައަށް ކުރުމެވެ. އެ ގޮތުން ނާއިޝްގެ ފަރާތުން ސްކޫލުން އެދިލެއްވި ކޮންމެ ކަމެއް ކުރުމުގެ އިތުރުން ކޮންމެ ޙަރަކާތެއްގައި ނާއިޝް ވަނީ ބައިވެރިވެފައިކަން ނަސީމް ފާހަގަކުރިއެވެ.
ކަނާތުން އެންމެ ކުރީގައި ނާއިޝް ނަސީމް – ޖާރނަލިސްޓް ވޯރްކް ޝޮޕްގައި މީޑިއާ ކައުންސިލްގެ ވެރިންނާއިއެކު
ރާއްޖޭގައި ސްކޫލްކުދިން ހުށަހެޅި ފުރަތަމަ އިޙްޔާ ފޯރަމްގައި އަޙްމަދިއްޔާ ތަމްސީލް ކުރުމުގައި ނާއިޝް ބައިވެރިވަނީ – 2023
އަޙްމަދިއްޔާގެ ދަރިވަރުން އާސާރުތައް ބަލާ ތަޖުރިބާ ހޯދުމަށް ހައްދުއްމަތީގެ ރަށްތަކަށް ކުރި ދަތުރުގެ ތެރެއިން
އެހެން ނޫހަކަށް ނާއިޝް ދީފައިވާ އިންޓަރވިއުއެއްގައި ހިސާބު މާއްދާއަކީ އަބަދުވެސް އުދާގޫ މާއްދާއެއްކަމަށްވަނީ ހާމަކޮށްފަ،ކީއްވެތޯ އުދަގޫ މާއްދާއެއް އޭލެވެލްގައި ކިޔެވިއިރު އެހެންގޮތަކަށް ލަފާނުދިނީ ކުރި ސްވާލުގެ ޖަވާބުގައި ނާއިޝްގެ ބައްޕަ ބުނުއްވީ “ދަރިފުޅު
އަބަދުވެސް މަސައްކަތްކުރަނީ ކުރިމަގުގެ އަމާޒަށް ކަމަށެވެ. މަތީސާނަވީ ކިޔެވީ ޔުނިވަރސިޓީ ތަޢުލީމު އުގެނެން ބޭނުންވާ ރޮގު އެގިހުރެކަމަށާއި ނާއިޝްގެ އާއިލާއަކީ އަބަދުވެސް އޭނަ ބޭނުންވާގޮތައް ހިތްވަރުދޭ ބައެއްކަމަށެވެ. އުދަގުލުގައިވެސް ނާއިޝް ހިތްވަރާއިއެކު މަސައްކަތްކޮށް މާތްﷲ ގެ މިންވަރުފުޅުން ދަރިފުޅުވަނީ ފުރަތަމަ ދުވަހުވެސް އޭނާ ހިފި އަމާޒަށް އެންމެ ފުރިހަމައަށް ވާސިލްވެފަކަމަށާއި ތަޢުލީމީ ޙަޔާތުގައި ނާއިޝް ގިރާކުރި ހުރިހާ ހަރުފަތެއްގައި އޭނާއަށް އެހީތެރިވި އެންމެހާ ޓީޗަރުންނާއި ސްކޫލްތަކުގެ ވެރިންނާއި މުވައްޒަފުންނާއި ދަރިވަރުންނާއި އެހެނިހެން ގޮތްގޮތުން ޚިއްސާވި އެންމެހާ ފަރާތްތަކަށް ޙައްޤު ޝުކުރު ދަންނަވާކަމަށެވެ. އަދި ނާއިޝްގެ ކުރިމަގު ނާއިޝްގެ ފަސްމަގަށްވުރެ މާކާމިޔާބުވުމަށް އެދި ދުޢާ ކުރާކަމަށެވެ.
