ކެލާ ޝައިޚް އިބްރާހީމް ސުކޫލުގެ ހައުސްތަކުގެ މެދުގައި ބޭއްވި ސީނިއަރ ފުޓުބޯޅަ މުބާރާތުގެ ޗެމްޕިއަންކަން އަލިމަސް ހައުސް ހޯދައިފިއެވެ. އިއްޔެ ހަވީރު ކުޅެވުނު ފައިނަލް މެޗްގައި އަލިމަސް ހައުސް ޗެމްޕިއަންކަން ހޯދީ ޔާގޫތު ހައުސްއާ ވާދަކޮށް 1 ލަނޑު 0 ލަނޑުން މެޗް ކާމިޔާބުކޮށްގެންނެވެ. ފައިނަލް މެޗްގެ އެންމެ މޮޅު ކުޅުންތެރިއަކަށް ހޮވުނީ ޗެމްޕިއަންކަން ހޯދި އަލިމަސް ހައުސް އާދަމް މާކިން ޙަމީދެވެ.
ފައިނަލް މެޗް ޝަރަފުވެރިކޮށްދެއްވައި ޗެމްޕިއަން ޓީމަށް ތަށްޓާއި މެޑަލް ޙަވާލުކޮށްދެއްވީ ސުކޫލުގެ ޕީޓީއޭގެ ނާއިބު ރައީސް އަލްފާޟިލް ޙުސައިން ޙަމީދެވެ. ރަނައަޕް ޓީމަށް މެޑަލް ޙަވާލުކޮށްދެއްވީ ސުކޫލުގެ އިސް ދަރިވަރު މުޙައްމަދު މާލިކެވެ.
ނިމި ދިޔަ ސީނިއަރ ފުޓުބޯޅަ މުބާރާތުގެ ވަނަތައް ޙާޞިލްކުރި ދަރިވަރުން
މުބާރާތުގެ އެންމެ މޮޅު ފޯވާޑް: އަޙްމަދު ޙާޒިލް ޔާގޫތު ހައުސް
މުބާރާތުގެ އެންމެ މޮޅު މިޑްފީލްޑް: އިސްމާޢީލް މަހްފޫޒް ޔާގޫތު ހައުސް
މުޙައްމަދު އަސްޖައު އަލިމަސް ހައުސް
ޙުސައިން އަޙްނަފް އަލިމަސް ހައުސް
މުބާރާތުގެ އެންމެ މޮޅު ޑިފެންޑަރ: މުޙައްމަދު ޝަނާން އަލިމަސް ހައުސް
މާހިން އަޙްމަދު ރަޝީދު ޔާގޫތު ހައުސް
މުބާރާތުގެ އެންމެ މޮޅު ގޯލްކީޕަރ: އާދަމް މިޖްވާދު އަލިމަސް ހައުސް
މުބާރާތުގައި އެންމެ ގިނަ ލަނޑުޖެހި ކުޅުންތެރިޔާ: އާދަމް މާކިން ޙަމީދު އަލިމަސް ހައުސް
މުބާރާތުގެ އެންމެ މޮޅު ކުޅުންތެރިޔާ: އާދަމް މާކިން ޙަމީދު އަލިމަސް ހައުސް
ރަނައަޕް ހައުސް: ޔާގޫތު ހައުސް
ޗެމްޕިއަން ހައުސް: އަލިމަސް ހައުސް
“ތިލަ އުތުރު” އަށް މަޢުލުމާތު ލިބިފައިވާ ގޮތުގައި، ސުކޫލުގެ ކުޅޭ ބިމުގައި ކުރިޔަށް ދިޔަ ސީނިއަރ ފުޓުބޯޅަ މުބާރާތުގެ ފައިނަލް މެޗްގެ ކުޅިބެލުމަށް ޓަކައި ގިނަ ޢަދަދެއްގެ ބެލެނިވެރިންނާއި، ދަރިވަރުން ސުކޫލުގެ ކުޅޭ ބިމަށް ޙާޒިރުވިއެވެ. ކުޅިވަރުގެ ރޫޙް ދިރުވާ އާލާކޮށް، ވާދަވެރި މާޙައުލެއްގައި ކުޅިވަރު ކުޅުމުގެ ފުރުޞަތު ފަހިކޮށްދެއްވުމުގެ މަޤްޞަދުގައި ޝައިޚް އިބްރާހީމް ސުކޫލުން ބޭއްވި މި މުބާރާތް އޮތީ ހުސްވި އޯގަސްޓް މަހުގެ 25 އިން 31 ގެ ނިއަލަށެވެ.
