ކެލާ ޔޫތު ފޯރަމް ސްޕޯރޓްސް އެކަޑަމީގެ ހޭންޑްބޯޅަ މުބާރާތް މި ހިނގާ، އޮކްޓޯބަރު މަހު ބޭއްވުމަށް ތައްޔާރުވަމުން އަންނަ ކަމަށް ކެލާ ޔޫތު ފޯރަމްގެ ރައީސް އިބްރާހީމް ޢާމިރު ޢުޘްމާން ވިދާޅުވެއްޖެއެވެ.
މިއީ ކޭވައިފް ސްޕޯރޓްސް އެކަޑަމީގެ ދަރިވަރުންނަށް އަމާޒުކޮށްގެން ބާއްވާ މުބާރާތެކެވެ. މި މުބާރާތުގައި ވާދަކުރާނީ އެ އެކަޑަމީގެ ޓީމުތަކެވެ.
ހޭންޑްބޯޅައަށް ޝައުޤުވެރި އަދި ހުނަރުވެރި ކުޅުންތެރިން އުފެއްދުމަށް އެ އެކަޑަމީން ހިންގާ ޕްރޮގުރާމުގައި ބައިވެރިވާ ދަތިވަރުންނަށް ވާދަވެރި މެޗުތައް ކުޅުމުގެ ފުރުޞަތު އެކި ގޮތްގޮތުން އެ އެކަޑަމީން އަންނަނީ ހޯއްދަވައި ދެއްވަމުންނެވެ.
މި އަހަރުގެ މުބާރާތުގައި 1 ވަނަ، 2 ވަނަ އަދި 3 ވަނަ ޓީމު ހޮވުމުގެ އިތުރުން މޮޅު ކުޅުންތެރިން ނުވަތަ ގުރީން ޓީމު ހޮވުމަށް ވެސް ހަމަޖެހިފައި ވެއެވެ. މުބާރާތުގައި ވާދަކުރާ އެންމެހައި ދަރިވަރުންނަށް ވެސް ގޯލްޑް މެޑަލް ލިބޭ، މި މުބާރާތް ބޭއްވުމުގެ އެންމެހައި އިންތިޒާމުތައް އެ އެކަޑަމީން އަންނަނީ ދުރާލާ ކުރައްވަމުންނެވެ.
