މި އަހަރުގެ ޖޫން މަހުގެ ފަހު ހަފުތާގައި މާލޭގައި ފެށުމަށް ހަމަޖެހިފައިވާ ޤުރުއާން ކިޔެވުމުގެ 36 ވަނަ ޤައުމީ މުބާރާތުގައި ކެލާ ޔޫތު ފޯރަމް ބައިވެރިވާން ނިންމައިފިއެވެ.
މީގެ 23 އަހަރު ކުރިން ރަޖިސްޓްރީކޮށް ހިންގަމުން އަންނަ މަދަނީ ޖަމްޢިއްޔާ، ކެލާ ޔޫތު ފޯރަމް މި މުބާރާތުގައި އަލަށް ވާދަކުރިއަސް، ޔޫތު ފޯރަމަކީ ކީރިތި ޤުރުއާނުގެ ޢިލްމު ފެތުރުމަށް ގިނަގުނަ މަސައްކަތްތަކެއް ކޮށްފައިވާ އަދި މިހައިރު ވެސް ކުރަމުން އަންނަ ޖަމްޢިއްޔާއެއް ކަން ފާހަގަކުރަމެވެ.
މި މުބާރާތުގައި ޔޫތު ފޯރަމުން ބައިވެރިކުރާ ދަރިވަރުން ޓްރޭނިންގކުރުމުގެ މަސައްކަތް ފޯރީގައި ކުރިޔަށް އެބަދެއެވެ. މާލޭގައި ކުރިޔަށްދާ މި މަސައްކަތްތަކުގައި އިސްވެ ހުންނެވި ޤާރީ ވިދާޅުވި ގޮތުގައި ޓީމުގެ ފަރިތަކުރުންތަކަށް ބަލައި އިރު، ޓީމުގެ ބައިވެރިންގެ ތެރޭގައި ވަނަ ލިބޭވަރުގެ ބައިވެރިން އެބަތިއްބެވެ.
“ތިލައުތުރު” ގެ ފަރާތުން ވެސް ކެލާ ޔޫތު ފޯރަމުގެ ޤުރުއާން ޓީމަށް ކާމިޔާބަށް އެދެމެވެ.
ވަރަށް ރަނގަޅު ނިންމުމެއް. ކާމިޔާބީއަށް އެދެން