186 ވަނަ ފިލާވަޅު: ވަކި ޒަމާނާއި (ވަޤުތުތަކާއި) ވަކި ތަންތަނުގައި އިޢުތިކާފުކުރުމުގެ މަތިވެރިކަމާއި އަދި އެހެން މައްސަލަތައް

■(1)ޒަމާނުގެ (ވަޤުތުގެ ގޮތުން) އެންމެ މަތިވެރީ ރަމަޟާންމަހުކުރާ އިޢުތިކާފެވެ. އަދި ރަމަޟާންމަހު ފަހު ދިހައެއްގައި ކުރާ އިޢުތިކާފު މަތިވެރިކަން އިތުރަށް ބޮޑުވެގެންވެއެވެ. ■ 4 މަޛްހަބު

ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފު ކުރެއްވުމުގައި  ދެމިވަޑައިގެންނެވި ސުންނަތަކީ ރަމަޟާންމަހު ފަހު ދިހައެއްގައި އިޢުތިކާފުކުރެއްވުމެވެ. ފަހެ  ފަހު ދިހަގެ އިތުރަށްވެސް ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފު ކުރެއްވިކަން ޘާބިތުވެގެންވެއެވެ. ފަހެ އެއްފަހަރަކު ރަމަޟާން މަސް އެއްކޮށް  ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފުކުރެއްވިކަން ޘާބިތުވެގެންވެއެވެ. (އިސްލާމް.ވެބް)

■(2)ތަނުގެ ގޮތުން އިޢުތިކާފުކުރުން އެންމެ މަތިވެރި މިސްކިތަކީ މަސްޖިދުލް ޙަރާމެވެ. ދެން އެއަށްފަހު މަސްޖިދުއް ނަބަވީއެވެ. ދެން އެއަށްފަހު މަސްޖިދުލް އަޤްޞާއެވެ. ދެން އެއަށްފަހު އެމިސްކިތްތަކެއްގައި ހުކުރުކުރެވޭ މިސްކިތްތަކެވެ. ■ 4 މަޛްހަބު

■(3)އިޢުތިކާފުކުރާ އިންސާނާއަށް ސުންނަތްވެގެންވަނީ އެއިންސާނާއަށް ޢެއިން ފައިދާ ލިބުން ޚާއްޞަ ހެޔޮަކަންތައްތަކާއި އަޅުކަންތައްތަކުގައި މަޝްޢޫލުވުމެވެ. މިޘާލު: ކީރިތު ޤުރްއާން ކިޔެވުން، ޒިކުރުކުރުން، ނަހީ ނޫން ވަޤުތުތަކުގައި ނަމާދުކުރުން…މިފަދަ އެހެން ކަންތައްތައ ■ 4 މަޛްހަބު

■(4)އަޅުކަމުގެ ގޮތުން އިޢުތިކާފުކުރާ އިންސާނާ (މީހުންނާއި) ވާހަކަ ނުދައްކާހުރުން ހުއްދަވެގެންނުވެއެވެ ■ ޙަނަފީ އަދި ޙަންބަލީ މަޛްހަބުގެ ފިޤްހު ޢިލްމުވެރިން ނައްޞުކުރައްވާފައިވެއެވެ. އަދި އިބްނު ތައިމިއްޔާ (ރަޙިމަހު ﷲ) އެއީ ބަދުޢައެއްކަމަށް މުސްލިމުންގެ  އިއްތިފާޤު ނަޤްލުކުރަެްވާފައިވެއެވެ.

(އެހެންނަމަވެސް : އަޅުކަމުގެ ނިޔަތުގައި ނޫންގޮތަށް މީހުންނާއި ބޮޑަށް ވާހަކަ ނުދައްކާހުރުން މައްސަލައެެްނެތެވެ.)

■(5)އިޢުތިކާފުގައި އިންނަ އިންސާނާއަށް މިސްކިތުގައި ކައިވެނި އަމިއްލަ ނަފްސަށް ކުރުމާއި އެހެން މީހަކަށް ކައިވެނިކޮށްދިނުން ހުއްދަވެގެންވެއެވެ ■ މުސްލިމުންގެ އިއްތުފާޤު

(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)

والله أعلم