1)އިޢުތިކާފުކުރުމަށް ނަޛުރު ބުނެއްޖެނަމަ: ފަހެ އެނަޛުރު އަދާކުރުން (އެއިޢުތިކާފުކުރުން) ވާޖިބުވެގެންވެއެވެ ■ 4 މަޛްހަބު
(2) (ދުރުން ދަތުރުކޮށްފައި އަޅުކަންކުރުމުގެ ނިޔަތުގައި ދިޔުން ހުއްދަ) 3 މިސްކިތް (އެއީ: (1) މަސްޖިދުލް ޙަރާމާއި (2) މަސްޖިދުއް ނަބަވީއާއި (3) މަސްޖިދުލް އަލްއަޤްޞާއެވެ.) އިޢުތިކާފުކުރުމަށް ނަޛުރު ބުނެއްޖެނަމަ: ފަހެ އެނަޛުރު ފުއްދަންޖެހޭނެއެވެ ■ ޖުމްހޫރު
(3)އިސްލާމްވުމުގެ ކުރިން އިޢުތިކާފުކުރުމަށް ނަޛްރު ބުނެއްޖެނަމަ: އިސްލާމްވުނަށްފަހު އެނަޛުރު ފުއްދުން ވާޖިބުވެގެންވެއެވެ ■ ޠާހިރީންގެ ބަސްފުޅު، އަޙުމަދުގެ ރިވާޔަތެެއް، އިބްނު ބައްޠާލު، ބަޢަވީ، ޞަންޢާނީ، ޝަންޤީޠީ، އިބްނު ޢުޘައިމީން
(4)” ދުވަހެއް” އިޢުތިކާފުކުރުމަށް ނަޛްރު ބުނެއްޖެނަމަ، އެދުވަހުގެ ރޭގަނޑު ނުވަންނާނެއެވެ. (އެބަހީ: އެދުވަހުގެ ރޭގަނޑު އިޢުތިކާފުކުރާކަށް ނުޖެހޭނެއެވެ.)
■■ އިޢުތިކާފު ޤަޟާކުރުން
(1) ސުންނަތް އިޢުތިކާފެއް (އާއްމުކޮށް އިޢުތިކާފުގެ ޙުކުމަކީ ސުންނަތެވެ) ފެށުމަށްފަހު އެއިޢުތިކާފު ބާޠިލުވެއްޖެނަމަ (ބާޠިލުވާފަދަ ކަމެެއް ކުރުމުން): ފަހެ މިހާލަތުގައި އެއިޢުތިކާފު އަލުން ޤަޟާކުރުން ސުންނަތެވެ. ލާޒިމްވެގެންނުވެއެވެ. ■ ޝާފިޢީ އަދި ޙަންބަލީ މަޛްހަބު ، ޙަނަފީންގެ ބަސްފުޚެއް.
(2)އިޢުތިކާފުކުރުމަށް ނަޛްރުބުނުމަށްފަހު ، ދެން އެއަށްފަހު އެއިޢުތިކާފު މެދުކަނޑާލައިފިނަމަ ނުވަތަ އެއިޢުތިކާފު ފަސާދަވެއްޖެނަމަ : އެއިޢުތިކާފު އަލުން ޤަޟާކުރުން ވާޖިބުވެގެންވެއެވެ ■ މުސްލިމުންގެ އިއްތިފާޤު
(3)އިންސާނަކު މަރުވިއިރު ، މަރުވުނުގެ ކުރިން އިޢުތިކާފު ކުރުމަށް ނަޛުރުުބުނެ ، އިޢުތިކާފުކުރުމުގެ ކުރިން ނިޔާވެއްޖެނަމަ މިހާލަތުގައި ވަލީވެރިޔާއަށް އެއިޢުތިކާފު ޤަޟާކުރުން ސުންނަތްވެގެންވޭތޯ ޢިލްމުވެރިންގެ މެދުގައި ޚިލާފު އުފެދިފައިވެއެވެ.
(1)ވަލީވެރިޔާއަށް އެއިޢުތިކާފު ޤަޟާކުރުން ސުންނަތްވެގެންނުވެއެވެ.: ވަޞިއްޔަތްކޮށްފައިވާނަމަ އޭގެ ބަދަލުގައި ކާންދޭޭށެވެ ■ ޖުމްހޫރު
(2)ވަލީވެރިޔާއަށް އެއިޢުތިކާފު ޤަޟާކުރުން ސުންނަތްވެގެންވެއެވެ ■ ޙަންބަލީންގެ މަޛްހަބު، ޝާފިޢީންގެ ބަސްފުޅެއް ، އިބްނު ޢުޘައިމީން
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
