ގޯލްޑަން ފްޓްސަލް 2026ގެ ފުރަތަމަ މެޗުގައި ތުރާކުނާ ބައްދަލިކޮށް ފަސޭހަކަމާއެކު ކެލާ ކާމިޔާބުކޮށްފިއެވެ.
ހުޅުމާލޭ ރެހެންދި ފުޓްސަލް ދަނޑުގައި ރޭ 8.00ގައި ކުޅުނު މި މެޗު ކެލާ ޓީމުން ކާމިޔާބުކުރީ ތުރާކުނު ކޮޅަށް 6 ލަނޑު ޖަހައިގެންނެވެ. މި މެޗުގައި ތުރާކުނަށް ލަނޑެއް ނުޖެހުނަސް އެންމެ ފަހު ސިކުންތާ ޖެހެންދެން ނުހަނު ހިތްވަރުކުރިކަން ފާހަގަކޮށްލަމެވެ.
ރޭގެ މެޗުގައި ކެލާ ޓީމުން ލަނޑުޖެހީ ޝަފަޤް 1 ލަނޑު، އަޙްމަދު ވަޙީދު 1ލަނޑު، ލައިޝް 1 ލަނޑު އަދި ރިޝާލް 3 ލަނޑެވެ. މި މެޗުގެ މޮޅު ކުޅުންތެރިއަކަށް ހޮވުނީ 3 ލަނޑު ޖަހައިދިން އިބްރާހީމް ރިޝާލެވެ.
މި ނަތީޖާއާއެކު ގޯލްޑަން ފުޓްސަލް 2026ގެ ކެލާ ހިމެނޭ ގުރޫޕުގެ 1 ވަނާގައި މި ވަގުތު އޮތީ 3 ޕޮއިންޓާއެކު ގޯލުގެ ތަފާތުން ކެލައެވެ. 2 ވަނާގައި އޮތީ ބާރަށާ ބައްދަލުކުރި މެޗު 4 ލަނޑު 1 ލަނޑުން ކާމިޔާބުކޮށް 3 ޕޮއިންޓާއެކު ފިއްލަދޫއެވެ.
މި މުބާރާތުގައި ކެލާ ކުޅޭ ދެ ވަނަ މެޗު އޮންނާނީ އަންނަ ބުދަ ދުވަހު ހަވީރު 4.00 ގައެވެ. މި މެޗުގައި ކެލާ ނުކުންނާނީ ހޯރަފުށްޓާ ދެ ކޮޅަށެވެ.
