174ވަނަ ފިލާވަޅު: މައްޔިތާގެ ފަރާތުން ރޯދަ ޤަޟާކުރުން އަދި ރޯދަހިފަން ފެށުމަށްފަހު ރޯދަ ފުރިހަމަކުރުމުގެ ޙުކުމް 

■□މައްޔިތާގެ ފަރާތުން ރޯދަ ޤަޟާކުރުން

■ (1)ހިފަންޖެހޭ ވާޖިބު ރޯދައެއް އޮވެ ، ޢުޛުރެއްގެ ސަބަބުން ޤަޟާކުރަން ކުޅާދާނަަކަން ނުލިބި ނިޔާވެއްޖެކަމުގައިވާނަމަ ، ފަހެ މިހާލަތުގައި އެއްވެސް އެއްޗެއްނުވެއެވެ.(ޤަޟާކުރާކަށް ނުޖެހޭނެއެވެ.)  އަދި މިސްކީނަކަށް ކާންދޭކަށްވެސް ނުޖެހޭނެއެވެ (އެރޯދަތަކުގެ ބަދަލުގައި) ■ 4 މަޛްހަބު ، އަދި ޤިނަ ޢިލްމުވެރިންގެ ބަސްފުޅު

(މިއީ ޝިފާ ލިބޭނެކަމަށް އުންމީދުއޮށް ބަލިތަކުގައެވެ.)

■(2)އިންސާނާ މަރުވިއިރު ، އެއިންސާނާ ހިފަންޖެހޭ ވާޖިބު ރޯދަވެއެވެ.- އެއީ ނަޛްރުގެ ރޯދަކަމުގައިވިޔަސް ނުވަތަ ކައްފާރާގެ ރޯދަކަމުގައިވިޔަސް ނުވަތަ ރަމަޟ¡ާންމަހު ހިފަންޖެހޭ ރޯދަކަމުގައިވިޔަސްމެއެވެ. – އެރޯދަތައް ޤަޟާކުރުމުގެ  ފުރުސަތު ލިބި،  އެރޯދަތައް ޤަޟާކުރުމުގެ ކުރިން ނިޔާވީއެވެ. ■ ފަހެ މިހާލަތުގައި ވަލީވެރިޔާ (ވާރުތަވެރިން)  އެރޯދަތައް (ނުހިފިވާ ވާޖިބު ރޯދަތައް ހިފާނީއެވެ.)  ފަހެ އެރޯދަތައް ނުހިފާނަމަ މިސްކީނަކަށް ކާންދޭނީއެވެ. ■  ޝާފިޢީ (ރަޙިމަހު ﷲ) ގެ ކުރީގެ ބަސްފުޅު، ނަވަވީ، އިބްނު ބާޒު، އިބްނު ޢުޘައިމީން 

■(3)ދުނިޔޭގައި ދިރިހުރިހާލުވާނަމަ، އެއިންސާނާގެ ފަރާތުން އެއިންސާނާގެ ބަދަލުގައި ރޯދަނުހިފާނެއެވެ. ■  މުސްލިމުންގެ އިއްތިފާޤު 

■□ރޯދަހިފަން ފެށުމަށްފަހު ރޯދަ ފުރިހަމަކުރުމުގެ ޙުކުމް 

■ (1)ވާޖިބު ރޯދައެއް – ރަމަޟާންމަހު ޤަޟާ ރޯދައެއް ނުވަތަ ހުވާކުރުމުގެ ކައްފާރާ ރޯދަ ނުވަތަ އެހެންވެސް ވާޖިބު ރޯދަ..-  ހިފަންފެށުމަށްފަހު :އެރޯދަ ފުރިހަމަކުރުން ވާޖިބުވެގެންވެއެވެ(އިރު އޮއްސެންދެން) .. ޝަރުޢީ އުޛުރަކާއިލައިގެން މެނުވޫ  އެރޯދަ ނުހިފާ މެދު ކަނޑާލުން ހުއްދަވެގެންނުވެއެވެ ■  4 މަޛްހަބު

■ (2)ސުންނަތް ރޯދައެއް ހިފަންފެށުމަށްފަހު އެރޯދަ ފުރިހަމަކުރުން ސުންނަތްވެގެންވެއެވެ. ލާޒިމްވެގެންނުވެއެވެ.(ފުރިހަމަކުރުން). ■ މަޛްހަބު ޝާފިޢީ އަދި ޙަންބަލީ ، ބައެއް ސަލަފުން ، އިބްނު ޢުޘައިމީން 

■ (3)ކުރާކަމެއްގެ ސަބަބުން ( މިޘާލު : ޤަސްދުގައި ރޯދަދޫކޮށްލުން ،…) ސުންނަތް ރޯދަ ފާސިދުވެއްޖެނަމަ، އެރޯދަފަހުން ޤަޟާކުރުން ވާޖިބުވެގެންނުވެއެވެ ■ މަޛްހަބު ޝާފިޢީ އަދި ޙަންބަލީ، ބައެއް ސަލަފުން،

(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)

والله أعلم