ކެލާ ކައުންސިލަށް ސެކްރެޓަރީ ޖެނެރަލެއް ހަމަޖައްސަވައިފިއެވެ. އެ މަޤާމަށް ހަމަޖެއްސެވީ ވަރަށް ޒުވާން ޢިލްމީ ބޭފުޅެއް ކަމުގައިވާ ކެލާ ހުދުވެލި އަލްއުސްތާޛު އަޙުމަދު ޝިޔާޢުއެވެ.
އަލްއުސްތާޛު އަޙުމަދު ޝިޔާޢުއަކީ ގިނަ ދުވަސްތަކެއް ވަންދެއް އެލައިޑް އިންސުއަރެންސްގައި މަސައްކަތްކުރެއްވެވި ތަޖުރިބާކާރު ބޭފުޅެކެވެ. މަޑުމައިތިރި މިޒާޖެއްގެ ޝިޔާޢުއަކީ ފުޓުބޯޅަ ދަނޑުގައި ވެސް ހުނަރުވެރި މޮޅު ކުޅުންތެރިއެކެވެ. ޒުވާނުންނާ ގުޅޭ، އެންމެހައި ޒުވާނުންގެ ގާތް މިތުރެކެވެ.
ޤާނޫނީ ދާއިރާއިން މަތީ ތަޢުލީމު ޙާޞިލުކުރައްވާފައިވާ ޝިޔާޢުގެ މޭސްތިރިކަމުގެ ދަށުން ކެލާ ކައުންސިލުގެ އިދާރީ ހިންގުން މިހާރަށް ވުރެ އިތުރަށް ހަރުދަނާވެ، ޚިދުމަތް ހޯއްދަވައި ފަރާތްތަކަށް ފަހިކަން ލިބިގެން ދާނެ ކަމަށް ދެކެމެވެ.
ތިލައުތުރު ނޫހުން ޒުވާން ސެކްރެޓަރީ ޖެނެރަލަށް އިތުރު ކުރިއެރުމާ ފާގަތިކަމަށް އެދި ތަހުނިޔާކިޔަމެވެ.
