ގޯލްޑަން ފްޓްސަލް ޗެލެންޖް 2025 ގެ ހއ. ގެ، ބީ ގްރޫޕްގެ އެއް ވަނާގައި މި ވަގުތު އޮތް ކެލާ، އަވައްޓެެރި ފިއްލަދޫއާ މިރޭ ބައްދަލުކުރާނެއެވެ. 3 ޕޮއިންޓާއެކު ގްރޫޕްގެ ގަދަ ތިނެއްގައި މި ވަގުތު އޮތް މާރަންދޫ ބައްދަލުކުރަނީ އާބާދީގެ ގޮތުން އަތޮޅުގެ ދެ ވަނާގައި އޮތް ހޯރަފުއްޓާއެވެ.
ހއ. އަތޮޅުގެ ބީ ގްރޫޕްގައި މިރޭ ކުޅެވޭ ދެ މެޗް ވެސް އޮންނާނީ 10.00 ގައެވެ. ފުރަތަމަ މެޗްގައި ނުކުންނަ ކެލާއާއި، ފިއްލަދޫ ވެސް މިއީ މި މުބާރާތުގައި ކުޅޭ ދެ ވަނަ މެޗެވެ. ފުރަތަމަ މެޗުން ކެލާ މޮޅު ވެފައިވާ އިރު، ފިއްލަދޫ ވަނީ ފުރަތަމަ މެޗުން ހޯރަފުއްޓާ އެއްވަރުވެފައެވެ. ކެލާއަށް ލިބިފައި ވަނީ ތިން ޕޮއިންޓެވެ. ފިއްލަދޫއަށް ލިބިފައި ވަނީ އެއް ޕޮއިންޓެވެ.
މިރޭ ދެ ވަނަ މެޗްގައި ބައްދަލުކުރާ މާރަންދޫ ވަނީ ދެ މެޗް ކުޅެ، އެއް މެޗުން ބަލިވެ، އަނެއް މެޗުން މޮޅުވެފައެވެ. ލިބިފައި ވަނީ 3 ޕޮއިންޓެވެ. ހޯރަފުށި ވަނީ ދެ މެޗް ކުޅެ، އެއް މެޗުން ބަލިވެ އަނެއް މެޗުން އެއްވަރު ވެފައެވެ. ލިބިފައި ވަނީ އެއް ޕޮއިންޓެވެ.
ގޯލްޑަން ފްޓްސަލް 2025، ހއ. ބީ ގްރޫޕްގެ މެޗްތައް ބައްލަވައިލެއްވުމަށް މިރޭ 10.00 އަށް ރެހެންދި ފްޓްސަލް ދަނޑަށް ކެލާ، ފިއްލަދޫ، މާރަންދޫ އަދި ހޯރަފުށީ ސަޕޯރޓަރުން ދިޔުމަކީ މި ހަތަރު ރަށުގެ ޓީމްތަކަށް ލިބޭނެ މަތިވެރި ހިތްވަރެކެވެ. ކޮންމެ ޓީމަކަށް ވެސް 6 ވަނަ ކުޅުންތެރިއެއް އިތުރުވާނެ ކަމެކެވެ.
