ގޯލްޑަން ފުޓްސަލް ޗެލެންޖު 2025 ގައި ފިއްލަދޫ ކުޅޭ ފުރަތަމަ މެޗް މިރޭ 9.00 ގައި ހުޅުމާލޭ ރެހެންދި ފުޓްސަލް ދަނޑުގައި އޮންނާނެއެވެ. މި މެޗްގައި ފިއްލަދޫ ޓީމް ބައްދަލުކުރާނީ ހޯރަފުއްޓާއެވެ.
މި މެޗަށް ނުކުންނަ އިރު ހޯރަފުށި ވަނީ ކުރިން އެއް މެޗް ކުޅެފައެވެ. ބާރަށާއެކު ހޯރަފުށި ބައްދަލުކުރި އެ މެޗުން ހޯރަފުށި ވަނީ 4 ލަނޑު 2 ލަނޑުން ބަލިވެފައެވެ. ފިއްލަދޫ ޓީމަކީ މި ގުރޫޕުގައި ހިމެނޭ ޓީމުތަކަށް ބަލައި އިރު ވަރުގަދަ ޓީމެކެވެ. މި ދިޔަ އަހަރު އަހަރުގެ ނޮވެންބަރު މަހު ބޭއްވުނު ތިލައުތުރު ފުޓުސަލް މުބާރާތުގައި ވެސް ރަނގަޅު ކުޅުމެއް ވަނީ ފިއްލަދޫ ޓީމުން ދައްކައިދީފައެވެ.
މިރޭ ދެ ވަނަ މެޗްގައި ބައްދަލުކުރާ މާރަންދޫއާއި، ބާރަށް ވެސް ވަނީ މި މުބާރާތުގައި އެއް މެޗް ކުޅެފައެވެ. ކުޅުނު މެޗުން ބާރަށް މޮޅުވެފައިވާ އިރު ފުރަތަމަ ކުޅުނު މެޗުން މާރަންދޫ ވަނީ ކެލާ އަތުން 2 ލަނޑު 0 ލަނޑުން ބަލިވެފައެވެ.
މިރޭ ކުޅެވޭ ހއ. އަތޮޅުގެ ބީ ގުރޫޕުގެ މެޗްތައް ފަށާނީ މިރޭ 9.00 ގައެވެ. މި މެޗުތަކުގެ ކުޅުން ބަލައިލުމަށް ގިނަ ބަޔަކު ދަނޑަށް ދިޔުމަކީ ޓީމުތަކުގެ ކުޅުންތެރިންނަށް ލިބޭނެ ވަރަށް މަތިވެރި ހިތްވަރެކެވެ.
