ދިވެހި ފުޓްބޯޅައިގެ އަލިމަސް ޔޫބީލް ކުލަގަދަކޮށް ފާހަގަކުރުމަށް އެކުލަވާލާފައިވާ ޑައިމަންޑް ޖުބިލީ ކޮމިޓީގެ ޑެޕިޔުޓީ ޗެއާޕާސަންގެ މަގާމަށް، ކެލާ ދާއިރާގެ އެމްޕީ ހަމަޖައްސައިފިއެވެ.
ވިކްޓްރީ ސްޕޯޓްސް ކުލަބުގެ ޗެއާމަންކަން ވެސް ކުރައްވަމުން އަންނަ ރައްޔިތުންގެ މަޖިލީހުގެ ކެލާ ދާއިރާގެ ޢިއްޒަތްތެރި މެންބަރު ޢަބްދުﷲ ޝަރީފު، ދިވެހި ފުޓުބޯޅައަށް 75 އަހަރުފުރުން ފާހަގަކުރުމަށް ހިންގާ ޙަރަކާތްތައް ވިލަރެސްކުރައްވާ ކޮމިޓީގެ ޑެޕިޔުޓީ ޗެއާޕާސަންގެ މަޤާމާށް ހަމަޖެހިގެން ދިޔުމަކީ ކެލަ ދާއިރާއަށް ވެސް ލިބިގެން ދިޔަ މަތިވެރި ޝަރަފެކެވެ.
ރާއްޖޭގެ ތަޖުރިބާކާރު ކޯޗު ޢަލީ ސުޒެއިން ޗެއާޕާސަންކަން ކުރައްވާ މި ކޮމިޓީގެ މައިގަނޑު މަޤްޞަދަކީ ރާއްޖޭގެ ފުޓުބޯޅައިގެ ތާރީޚީ މުނާސަބަތާ ގުޅިގެން ކުރިއަށް ރޭވިފައިވާ އެކި ހަސރަކާތްތައް ވިލަރެސްކޮށް ހިންގުމެވެ.
އަލިމަސް ޔޫބީލް ފާހަގަކުރުމުގެ ގޮތުން ސްކޫލް ކުދިންނަށް ޚާއްޞަކޮށްގެން ބާއްވާ 19 އަހަރުން ދަށުގެ ފުޓުބޯޅަ މުބާރާތް އަންނަ ފެބްރުވަރީ މަހު ކުރިއަށް ގެންދާ ގޮތަށް އެ ކޮމިޓީން މިހާރު ވަނީ ތާވަލްކޮށްފައެވެ. މިއީ ޒުވާން ކުޅުންތެރިންގެ މެދުގައި ފުޓުބޯޅައިގެ ފޯރި އިތުރުކުރުމަށް ކުރިއަށްގެންދާ ޙަރަކާތެއް ކަމަށް ޑައިމަންޑް ޖުބިލީ ކޮމިޓީން ހާމަކުރައްވާފައި ވެއެވެ. މީގެ އިތުރުން މި އަހަރުގެ ޖޫން މަހު ބައިނަލްއަޤުވާމީ އިންވިޓޭޝަން މުބާރާތެއް ކުރިއަށް ގެންދާ ގޮތަށް ވެސް ހަމަޖައްސައިފައި ވެއެވެ.
