ގުރޫޕުގެ އެއް ވަނަ ޓީމުތައް ކަމުގައިވާ ފިއްލަދޫއާއި، މުރައިދޫ ކަޓުވާލާ މާރަންދޫއާއި، ކެލާ ފައިނަލަށް
މިހާރު ހިނގަމުންދާ ގޯލްޑަ ފްޓްސަލް މުބާރާތުގައި ގުރޫޕުގެ 1 ވަނަ ޓީމުގެ ގޮތުގައި ސެމީން ޖާގަ ހޯދި 2 ޓީމު ކަމުގައިވާ ފިއްލަދޫއާއި، މުރައިދޫ ކަޓުވާލާ މާރަންދޫއާއި، ކެލާ ހއ. އަތޮޅުގެ ފައިނަލަށް ދަތުރުކޮށްފިއެވެ.
މާރަންދޫ ފައިނަލަށް ދަތުރުކުރީ ފިއްލަދޫއެކު ރޭ ކުޅުނު ސެމީފައިނަލް މެޗު 3-1އިން ކާމިޔާބުކޮށްގެންނެވެ. ފޯރި ގަދަ ކުޅުމެއް ފެނިގެން ދިޔަ މި މެޗުގައި މާރަންދޫ ޓީމުން ލަނޑުޖެހީ ޙުމައިދު ޙުސައިން 2 ލަނޑު އަދި ޝަނީމް މޫސާ 1 ލަނޑެވެ. ފިއްލަދޫ ޓީމުން ޖެހި ހަމައެކަނި ގޯލު އެޓީމަށް ކާމިޔަބުކޮށްދިނީ މުޙައްމަދު ޔާމިނެވެ. ސެމީ ފައިނަލް މި މެޗުގެ މޮޅު ކުޅުންތެރިއަކަށް ހޮވުނީ މާރަންދޫ ޓީމަށް ދެ ލަނޑު ޖަހައިދިން ޖަރޒީ ނަންބަރު 16 ޙުމައިދު ޙުސައިނެވެ.
ކެލާ ފައިނަލަށް ދަތުރުކުރީ ރޭ މުރައިދޫއައެކު ކުޅުނު ސެމީ ފައިނަލް މެޗު 2-1އިން ކާމިޔާބުކޮށްގެންނެވެ. އެހައިމެ ފޯރި ގަދަ ކުޅުނުމެއް ފެނިގެން ދިޔަ މި މެޗުގައި ކެލާ ޓީމުން ލަނޑުޖެހީ ޤާސިމް އަތޫފު 1 ލަނޑު އަދި ޢަބްދުﷲ އިޙްސާން 1 ލަނޑެވެ. މި މެޗުގައި މުރައިދޫއިން ލަނޑުޖެހީ ޢަބްދުﷲ ޙިޝާނެވެ. މި މެޗުގެ މޮޅު ކުޅުންތެރިއަކަށް ހޮވުނީ ކެލާ ޓީމުގެ ޖަރޒީ ނަންބަރު 13 ޤާސިމް އަޠޫފެވެ.
ތާވަލު ހަމަޖެހިފައިވާ ގޮތުން މާރަންދޫއާއި، ކެލާ ބައްދަލުކުރާ ހއ. އަތޮޅު ފައިނަލް އޮންނާނީ އަންނަ ހުކުރު ދުވަހު ހަވީރު 4.00 ގައެވެ.
ފޯރި ގަދަވެގެންދާނެ ކަމަށް ބެލެވޭ މި ފައިނަލް މެޗަށް ހިތްވަރާއި ސާބަސްދިނުމަށް ހއ. އަތޮޅުގެ އެންމެހައި ސަޕޯޓަރުން ހުޅުމާލޭ ރެހެންދި ފުޓްސަލް ދަނޑަށް ދުރުވެދެއްވުމަކީ ކުޅުންތެރިންނަށް ލިބިގެންދާނެ އިތުރު ބުންވަރެއް ކަމުގައި ޤަބޫލުކުރެވެއެވެ. ޚާއްޞަކޮށް މާރަންދޫއާއި، ކެލައިން ދަނޑުދޮރަށް ދުރުވެވެން ތިއްބެވި އެންމެން ދަނޑުދޮށަށް ދުރުވެ ސާބަސްދެއްވުމަށް އެ ދެ ޓީމުގެ ކުޅުންތެރިންގެ ވަރަށް މަތިވެރި އެދުމެއް ކަމުގައި ފާހަގަކުރަމެވެ.
