(6) އިޢުތިކާފުކުރާ އިންސާނާ: ޝަހްވަތާއިއެކު (1) މުބާޝަރާކުރުން (ބީހުން،….) ނުވަތަ (2) ދޮންދިނުން: މަނާވެގެންވެއެވެ. ■ މުސްލިމުންގެ އިއްތިފާޤު
(7) އިޢުތިކާފުކުރާ އިންސާނާއަށް: ޙައިޟު ނުވަތަަ ނިފާސްވެރިކަން ދިމާވެއްޖެނަމަ: މިހާލަތުގައި މިސްކިތުގައި މަޑުކުރުން ހުއްދަވެގެންނުވެއެވެ. އަދި ވަޤުތީގޮތުން އިޢުތިކާފުކުރަން އިނުން މެދުކެނޑިގެންދެއެވެ. އިޢުތިކާފު ބާޠިލުވެގެންނުދެއެވެ. (ޙައިޟު އަދި ނިފާސް) ޠާހިރުވުމުން މިސްކިތަށް އަލުން އެނބުރި އަންނާނީއެވެ. އަދި ކުރީގައި ކުރަމުން އައި އިޢުތިކާފުގެ މައްޗަށް ބިނާކުރާނީއެވެ ■ ޖުމްހޫރު
(8) ހޭނެތުމުން އަދި މޮޔަވުމުގެ ސަބަބުން (ވަޤުތީ ގޮތުން) އިޢުތިކާފު ކެނޑިގެންދާނެއެވެ. ހޭނެތުމުން ނުވަތަ މޮޔަކަމުން ހޭއެރުމުން ކުރީގައި ކުރަމުންއައި އިޢުތިކާފުގެ މައްޗަށް ބިނާކުރާނީއެވެ. ■ ޖުމްހޫރު
(9) މުުރުދައްދުވުމުން (އިސްލާްމް ދީނުން ބޭރުވާފަދަ ކަމެއް ކުރުމުން) އިޢުތިކާފުކުރުން ފަސާދަވެގެންދެއެވެ ■ 4 މަޛްހަބު
(10) އިޢުތިކާފުކުރާ އިންސާނާ ފާފަތަކުން (ނުބައި ކަންތައްތަކުން) ދުރުހެލިވުން ވާޖިބުވެގެންވެއެވެ. ފަހެ ފާފައަކަށް (ނުބައި ކަމަކަށް) އަރައިގަނެވިއްޖެނަމަ ފަހެ ކުރާ އިޢުތިކާފު ފަސާދަވެގެންނުދާނެއެވެ. އެއީ ބޮޑެތި ފާފަތައް ކަމުގައިވީނަމަވެސްމެއެވެ. މިޘާލު (ބޮޑެތި ފާފަތަކުގެ) ޣީބަބުނުން، ދެބައޮޑުވުން (ވާހަކަތައް ނަޤުލްކުރުން ފަސާދަކުރުމުގެ ބޭނުމުގައި) އަދިވެސް އެހެން ބޮޑެތި ފާފަތައް ■ ޖުމްހޫރު
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
