■(1) މުޅި އަހަރު ރޯދަހިފުން (ރޯދަހިފުން ޙަރާމްދުވަސްތައް ފިޔަވާ: މިޘާލު: ދެޢީދު ދެދުވަސް، އައްޔާމުލް ތަޝްރީޤުގެ ދުވަސްތައް ،…) މަކްރޫހައެވެ ■ ޙަނަފީ މަޛްހަބު، މާލިކީންގެ ބަސްފުޅެއް، ޝާފިޢީންގެ ބަސްފުޅެއް، ބައެއް ޙަންބަލީންގެ ބަސްފުޅު ޝައުކާނީ
■ (2) ޙައްޖުވެރިޔާއަށް، ޙައްޖުދުވަހު ރޯދަހިފުން މަކްރޫޙަވެގެންވެއެވެ. ■ ޖުމްހޫރު
■ (3)ހުކުރު ވަކިން ރޯދަހިފުން މަކްރޫހަވެގެންވެއެވެ: އެއީ އާދައެއްގެ ގޮތުން ރޯދަ ނުހިފާނަމައެވެ. މިޘާލު: 2 ދުވަހުން އެއް ދުވަހު ރޯދަ ހިއްޕަވާ ބޭފުޅެއްނަމަ: އެދުވަސް ހުކުރު ދުވަހާއި ބައްދަލުވެގެން ވަކިން ހުކުރު ދުވަހު ރޯދަހިފުން މައްސަލައެއްނެތެވެ.(އެއީ އާދައެއްގެ ގޮތުން ހިފާ ރޯދަ ހުކުރު ދުވަހާއި ވަކިން ބައްދަލުވީމައެވެ.) ■ ޝާފިޢީން، ޙަންބަލީން، ބައެއް ޙަނަފީން، ބައެއް ސަލަފުގެ ބޭކަލުން، އިބްނުލް ޤައްޔިމް، ޝައުކާނީ، ޝަންޤީޠީ (ރަޙިމަހުމު ﷲ)
■ (4)ވަކިން ހޮނިހިރު ދުވަހު (1) ސަބަބަކާއި ހުރެ (2) ނުވަތަ އާދަކައިގެ ގޮތުން ހިފާ ރޯދައަކާއި ބައްދަލުވުމުން (3) އަދި ހޮނިހިރު ދުވަހުގެ ކުރީ ދުވަހާއި ނުވަތަ ފަހު ދުވަހާއި އެކު: ހޮނިހިރު ދުވަހު ރޯދަހިފުން ހުއްދައެވެ. ■ 4 މަޛްހަބު
( 4 މަޛްހަބު : އެބޭފުޅުންގެ އަރިހުގައި ސަބަބެއްނެތި (މަތީގައި ބަޔާންކުރެވިފައިވާ ސަބަބުތައް ނެތި) ހަމައެކަނި ހޮނިހިރު ދުވަހު ރޯދަހިފުން ޚާއްޞަކުރުން މަކްރޫހައެވެ. (އެހެންނަމަވެސް) ބައެެއް ޢިލްމުވެރިންގެ އަރިހުގައި (އިބްނު ތައިމިއްޔާ، އިބްނު ޙަޖަރު: އަދިވެސް އެހެން ބައެއް ބޭފުޅުން) ސަބަބެއްނެތި ކަމުގައިވިޔަސް ވަކިން ހޮނިހިރު ދުވަހު ރޯދަހިފުން ހުއްދަވެގެންވެއެވެ.)
■ (5)ރަޖަބް މަސް ރޯދަހިފުން ޚާއްޞަކުރުން މަކްރޫހަވެގެންވެއެވެ ■ މާލިކީންގެ ފިޤްހު ޢިލްމުވެރިން އަދި ޙަންބަލީން ނައްޞުކުރައްވާފައިވެއެވެ. ޝަޢުކާނީ އިޙްތިޔާކުރައްވަނީ މިބަސްފުޅެވެ. (ރަޙިމަހުމު ﷲ)
( ■ޙާއްޞަކޮށް ރަޖަބު މަހު ، ރޯދަހިފުން ވަކި ޚާއްޞަ މަތިވެރިކަމެެެއް (އެމަހު ރޯދަހިފުމުން) ލިބޭނެކަމަށް ޘާބިތުވެގެންނުވެއެވެ.ނުވަތަ އެ މަހު ވަކި ދުވަސްތަކެެއްގައި ރޯދަހިފުމުން ވަކި ޚާއްޞަ މަތިވެރިކަމެއް ލިބޭނެކަން ޘާބިތުވެގެންނުވެއެވެ. (އިސްލާމް.ކިއު.އޭ )
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
