182ވަނަ ފިލާވަޅު: އިޢުތިކާފުކުރުމުގައި ޝަރުޠުވާ ކަންތައްތަކާއި ނުވާ ކަންތައްތައް (ތިންވަނަ ބައި)

(7)ހިނައިގަތުން ވާޖިބުވާ ކަންތައްތަކުން ޠާހިރުވެހުރުން.

■އިޢުތިކާފުކުރަން ފަށާއިރު  ހިނައިގަތުން ވާޖިބުވާ ކަމެއް – ޖުނުބުވެރިވުން، ޙައިޟު، ނިފާސް – ދިމާވެފައިވާނަމަ: އެކަމުން ޠާހިރުވެގެންމެނުވީ  ހިނައިގަނެގެން މެނުވީ އިޢުތިކާފު ޞައްޙަވެގެންނުވާނެއެވެ. ■ 4 މަޛްހަބު 

■އިޢުތިކާފުކުރަން (ފަށާއިރު) ކުޑަ ޙަދަޘްވެރިވެފައިވާނަމަ (ވުޟޫ ޤެއްލިފައިވާނަމަ) ކުޑަ ޙަދަޘުން އެރިޤަތުން ޝަރުޠުވެގެންނުވެއެވެ. ■  މުސްލިމުންގެ އިއްތިފާޤު

(8)އިޢުތިކާފުކުރުމުގެ ވަޤުތު

(1)ޖުމްލަގޮތެއްގައި އަހަރުގެ ކޮންމެ ދުވަހަކުވެސް އިޢުތިކާފުކުރުން ހުއްދައެވެ.  އިޢުތިކާފުކުރުމަކީ ސުންނަތެކެވެ.)  އަދި ރަމަޟާންމަހު އިޢުތިކާފުކުރުން ސުންނަތްކަން ގަދަވެގެންވެއެވެ. ■ މުސްލިމުންގެ އިއްތިފާޤު

ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފު ކުރެއްވުމުގައި  ދެމިވަޑައިގެންނެވި ސުންނަތަކީ ރަމަޟާންމަހު ފަހު ދިހައެއްގައި އިޢުތިކާފުކުރެއްވުމެވެ . ފަހެ ފަހު ދިހަގެ އިތުރަށްވެސް ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފު ކުރެއްވިކަން ޘާބިތުވެގެންވެއެވެ. ފަހެ އެއްފަހަރަކު ރަމަޟާން މަސް އެއްކޮށް  ނަބިއްޔާ (ޞައްލަ ﷲ ޢަލައިހި ވަސަައްލަމް) އިޢުތިކާފުކުރެއްވިކަން ޘާބިތުވެގެންވެއެވެ.         (އިސްލާމް.ވެބު)

(2)ރަމަޟާންމަހު ފަހު ދިހަޔެއްގައި އިޢުތިކާފުކުރާއިރު އިޢުތިކާފުކުރަން ފަށާ ވަޤުތާއި މެދު ޢިލްމުވެރިންގެ މެދުގައި ޚިލާފު އުފެދިފައިވެއެވެ.

● (1)އިޢުތިކާފު ފެށޭ ވަޤުތަކީ 21 ވަނަ ވިލޭރޭ އިރުއޮއްސުމުގެ ކުރިން (އެބަހީ: 20 ވަނަ ދުވަހު އިރުއޮއްސުމުގެ ކުރިން)

● (2)އިޢުތިކާފު ފެށޭ ވަޤުތަކީ 21 ވަނަ ދުވަހުގެ  ފަތިސްނަމާދުފަހުންނެވެ.

(3)ރަމަޟާންމަހު ފަހު ދިހަޔެއްގައި އިޢުތިކާފު ނިމޭ ވަޤުތަކީ ރަމަޟާންމަހު އެންމެ ފަހު ދުވަހުގެ އިރު އޮއްސުމުންނެވެ. ■ 4 މަޛްހަބު

(4)އިޢުތިކާފުކުރުމުގެ މުއްދަތުގެ މަދުމިނުގައި ވަކިވަރެެއް ކަނޑައެޅިފައިނުވެއެވެ. (އެބަހީ: ކިތަންމެ ކުޑަ ވަޤުތުކޮޅަކަށްވެސް އިޢުތިކާފުކުރުނުގެ ނިޔަތާއިއެކު އިޢުތިކާފު ކުރެވިދާނެެއެވެ.) ■ ޙަނަފީ އަދި ޝާފިޢީ މަޛްހަބު ، ޙަންބަލީންގެ ބަސްފުޅެއް ، އިބްނު ޙަޒުމ، ޝާއުކާނީ ، އިބްމު ބާޒު ، ގިނަ ފިޤްހު ޢިލްމުވެރިންގެ ބަސްފުޅަކީ މިއީކަމުގައި އިބްނު ޢަބްދުލް ބައްރު ނަޤުލްުރައްވާ (ރަޙިމަހުމު ﷲ) 

(5)އިޢުތިކާފުކުރުމުގެ މުއްދަތުގެ ގިނަމިނުގައި ވަކިވަރެެއް ކަނޑައެޅިފައިނުވެއެވެ. (އެބަހީ : ކިތަންމެ ގިނަ ދުވަސްތަކަކަށްވެސް އިޢުތިކާފުކުރުނުގެ ނިޔަތާއިއެކު އިޢުތިކާފު ކުރެވިދާނެެއެވެ.)  ■ މުސްލިމުންގެ އިއްތިފާޤު

(6)ރޯދަޔަށް ނުހުންނަ ހާލު ކުރާ އިޢުތިކާފު ޞައްޙަވެގެންވެއެވެ. (އެބަހީ:ރޯދަޔަށްހުރުމަކީ  އިޢުތިކާފުކުރުމުގެ ޝަރުޠެއްނޫނެެވެ. : ރޯދަޔަށް ނުހުންނަ ހާލު ކުރާ އިޢުތިކާފު ޞައްޙަވެގެންވެއެވެ ) ■ ޝާފިޢީންގެ ބަސްފުޅު، ޙަންބަލީންގެ މަޝްހޫރު ބަސްފުޅު، ބައެއް ސަލަފުންގެ ބަސްފުޅު، އިބްނު ޙަޒުމް، އިބްނު ދަޤީޤުލް ޢީދު، އިބްނު ބާޒު، އިބްނު ޢުޘައިމީން (ރަޙިމަހުމު ﷲ)  

(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)

والله أعلم