މި އަހަރުގެ މަސްވެރިންގެ ދުވަހާގުޅިގެން ހއ. އަތޮޅު ކައުންސިލުން އިންތިޒާމުކޮށްގެން ކެލާގައި ބާއްވާ ތިލައުތުރު މަސްރޭސް 2025 ގައި 15 ޓިމަކުން ވާދަކުރާ ކަމަށް ކެލާ ކައުންސިލުން ހާމަކޮށްފިއެވެ.
ފޭސްބުކް މެދުވެރިކޮށް ކެލާ ކައުންސިލުން ހާމަކޮށްފައިވާ ޕޯސްޓްގައިވާ ގޮތުން ތިލައުތުރު މަސްރޭސް 2025ގައި މުބާރާތް ބާއްވާ ރަށް ކަމުގައިވާ ކެލާގެ ޓީމުތަކުގެ އިތުރުން ބާރަށާއި، މުރައިދޫއާއި، ފިއްލަދޫއާއި، ދިއްދޫއާއި އަދި އުތީމުން ބައިވެރިވެފައި ވެއެވެ.
ރާއްޖޭގެ މި އަހަރުގެ މަސްވެރިންގެ ދުވަހާ ގުޅިގެން ބާއްވާ ތިލައުތުރު މަސްރޭސް 2025ގައި ވާދަކުރާ ޓީމުތައް:
- ވިޔަޒޯރު އެންގްލާސް (ހއ. ބާރަށް)
- ކެލާ ހެލްތު ސެންޓަރ (ހއ. ކެލާ)
- ޓީމު ވެށި (ހއ. ކެލާ)
- ވަން ތަޅާ (ހއ. ދިއްދޫ)
- އެކަހެރި ފިޝިންގ (ހއ. ބާރަށް)
- ނަޒީ ފިޝިންގ (ހއ. ކެލާ)
- ކެލާ ޕޮލިސް (ހއ. ކެލާ)
- އުތީމު ހައްސަ (ހއ. އުތީމު)
- އުސްގަނޑު ފިޝިންގ (ހއ. ކެލާ)
- ތުނޑި (ހއ. ކެލާ)
- އާރު.ޑީ.ސީ (ހއ. ކެލާ)
- ކަލަރު ބީބީ ފިއްލަދޫ (ހއ. ފިލްލަދޫ)
- މާރޮނޑު (ހއ. ކެލާ)
- ލެޖެންޑްސް ފިޝިންގ (ހއ. ބާރަށް)
- މުރައިދޫ ކައުންސިލް (ހއ. މުރައިދޫ)
މާދަމާ 14.00 އިން 20.30އަށް ކުރިއަށް ގެންދާ މި މުބާރާތުގެ 1 ވަނަ ޓީމަށް 20000.00 ރުފިޔާ ދިނުމަށް ކަނޑައަޅައިފައިވާ އިރު 2 ވަނަ ޓީމަށް 10000.00 ރުފިޔާ ދިނުމަށް ވަނީ ހަމަޖެހިފައެވެ. 3 ވަނަ ޓީމަށް ދިނުމަށް ކަނޑައަޅައިފައި ވަނީ 5000.00 ރުފިޔާއެވެ. އެންމެ ބަރު މަސް ބޭނި ފަރާތަކަށް 2500.00 ރުފިޔާ ދޭ ގޮތަށް ވަނީ ހަމަޖެހިފައެވެ.
ކިހައްޑިހަ އިންވެސްޓްމަންޓާއި، އާރު.ޑީ.ސީގެ އެހީތެރިކަން ވެސް ލިބިގެން ހއ. އަތޮޅު ކައުންސިލާއި، ކެލާ ކައުންސިލުން ކުރިއަށް ގެންދާ މި މަސްރޭހަކީ މިހާތަނަށް ކެލާގައި ބާއްވާ އެންމެ ބޮޑު މަސްރޭހެވެ.
