މިހާރު ކުރިއަށްދާ ގޯލްޑަން ފްޓްސަލް ޓޯނަމަންޓްގެ، ޒޯނުގައި ކެލާ ކުޅޭ ފުރަތަމަ މެޗު ހދ. އަތޮޅުގެ ޗެމްޕިއަން ޓީމު ކަމުގައިވާ ނާވައިދޫއާއެކު ކުޅޭ ގޮތަށް ހަމަޖެހިއްޖެއެވެ.
މި މަހުގެ 26ވާ ހޯމަ ދުވަހުގެ ރޭ 8.00ގައި ކުޅޭ މި މެޗަކީ ވެސް ފޯރި ކުޑަވެގެންދާނެ މެޗަކަށް ނުވާނެއެވެ. ނާވައިދޫއާއި، ކެލާ ހިމެނޭ ޒޯން 1ގައި އިތުރަން ހިމެނިފައި ވަނީ މާރަންދޫއާއި، ނޮޅިވަރަމްފަރެވެ.
ޒޯނުގައި ހިމެނޭ ޓީމުތަކުގެ މެޗުތައް ކުޅުމަށް ހަމަޖެހިފައިވަނީ އެއް ގަޑިއެއް ގައެވެ. އެ ގޮތުން ނާވައިދޫއާއި، ކެލާ ކުޅޭ އިރު އަނެއް ދަނޑުގައި މާރާންދޫއާއި، ނޮޅިވަރަމްފަރު ބައްދަލުކުރާ މެޗު ވެސް ކުޅޭނެއެވެ.
ޒޯނު 1ގައި ހިމެނިފައިވާ 4 ޓީމަކީ ވެސް، އެއް ޓީމު އަނެއް ޓީމަށް ދޫނުކުރާވަރުގެ މޮޅު ޓީމުތަކެއްކަން ފާހަގަކޮށްލަން ޖެހެއެވެ. އަބަދުވެސް މޮޅުވާނީ އެ މެޗެއްގައި އެންމެ ރަނގަޅު ޕަރފޯމަންސެއް ދައްކައިދެވުނު ޓީމެކެވެ.
ކޮންމެ ޓީމެއް، ކޮންމެ ޓީމަކާއެކު ކުޅުމަށް ފަހު، ޒޯނުގެ ފައިނަލުގައި ކުޅޭނީ އެންމެ ގިނަ ޕޮއިންޓް ހޯދާ ދެ ޓީމެވެ.
