■(1)ސުންނަތުގެ ތައުރީފު
□އިސްޠިލާޙީ ގޮތުން (ސުންނަތް): ފަރުޟު ނޫން ކަންތައްތަކުން، ﷲ އާއި ކުއްތަންވުން
■ (2)ސުންނަތް ރޯދަހިފުމުގެ މަތިވެރިކަން
عن سَهلٍ رَضِيَ الله تعالى عنه أنَّ النَّبيَّ صلَّى اللهُ عليه وسلَّم قال: ((إنَّ في الجنَّةِ بابًا يقال له: الريَّانُ، يدخُلُ منه الصَّائِمونَ يومَ القيامةِ، لا يدخُلُ منه أحدٌ غَيرُهم. فيقال: أين الصَّائِمونَ؟ فيقومونَ، لا يدخُلُ منه أحدٌ غَيرُهم، فإذا دخَلُوا أُغلِقَ، فلم يدخُلْ منه أحدٌ)).
ނަބިއްޔާ (ޞައްލަ ﷲ ޢަލައިހި ވަސައްލަމް) ޙަދީޘްފުޅުކުރެއްވިއެވެ މާނައީ “ސުވަރުގޭގައި ދޮރުކޮޅެއްވެއެވެ. އެދޮރުކޮޅަށް ކިޔެނީ” އައް ރައްޔާނެވެ . އެދޮރުކޮޅުން ޤިޔާމަތް ދުވަހުން ސުވަރުގެ ވަންނާނީ ރޯދަވެރިންނެވެ. ރޯދަވެރިން ފިޔަވައި އިތުރު ބައެއް އެދޮރުކޮޅުން ނުވަންނާނެއެވެ. ފަހެ ބުނެވޭނެއެވެ. “ރޯދަވެރިން ކޮބައި ހެއްޔެވެ ؟ ” ދެންފަހެ ރޯދަވެރިން ތެދުވާނެއެވެ. ރޯދަވެރިން ފިޔަވައި އިތުރު ބަޔަކު އެދޮރުކޮޅުން ނުވަންނާނެއެވެ. ފަހެ ރޯދަވެރިން އެދޮރުކޮޅުން ވަނުމުން އެދޮރުކޮޅު ލެއްޕޭނެއެވެ……”
ނޯޓް :އެހެނެއްކަމަކު މިޙަދީޘްފުޚުގައިވާ މަޤްޞަދަކީ ( ރަމަޟާންމަހު ފަރުޟު ރޯދަތަކުގެ އިތުރަށް) ﷲ އަށްޓަކައި، ސުންނަތް ރޯދަތައް ގިނައިން ހިފާ މީސްތަކުންނެވެ .. (އެދެރާބިޔާ .ކޮމް)
2. عن أبي سعيدٍ رَضِيَ الله تعالى عنه، عن النبيِّ صلَّى اللهُ عليه وسلَّم أنَّه قال: ((من صام يومًا في سبيلِ الله، باعَدَ اللهُ وَجهَه عن النَّارِ سَبعينَ خريفًا)).
ނަބިއްޔާ (ޞައްލަ ﷲ ޢަލައިހި ވަސައްލަމް) ޙަދީޘްފުޅުކުރެއްވިއެވެ މާނައީ “ﷲ އަށްޓަކައި ޖިހާދު މައިދާނުގައި ޜޯދައެއް ހިފައިފިނަމަ ނުވަތަ ﷲ އަށްޓަކައި ރޯދައެއްހިފައިފިނަމަ، އެމީހަކު 70 އަހަރާއި ނަރަކަޔާއި ދުރުކުރެވޭ ހުއްޓެވެ” (ބުޚާރީ)
■(3)ސުންނަތް ރޯދަހިފާއިރު ނިޔަތްގަތުން ޝަރުޠުވެގެންވެއެވެ ■ މުސްލިމުންގެ އިއްތިފާޤު
■ (4)ސުންނަތް ރޯދަ ހިފަން އެދޭ ބޭފުޅެއްނަމަ : ރޯދަ ހިފުމުގެ ނިޔަތް މެންދުރު އިރު ުމެދުޖެހުމުގެ ކުރިން އަދި މެންދުރު އިރު މެދުޖެހުމުގެ ފަހުންވެސް ނިޔަތް ގަނެވިދާނެ އެހެންނަމަވެސް އެއީ ފަތިސް ފަހުން ރޯދަ ޤެއްލޭ ކަންތައްތަކުން ދުރުހެލިވެ ހުރިނަމައެވެ.■ މަޛްހަބު ޙަންބަލީ، ޝާފިޢީންގެ ބަސްފުޅެއް، ސަލަފުންގެ ބައެއް ބޭފުޅުން، އިބްނު ތައިމިއްޔާ، އިބްނު ޢުޘައިމީން
□ސުންނަތް ރޯދަތަށް ހިފާއިރު ، ފަތިސްވުމުގެ ކުރިން އެރޯދަ ހިފުމަށް ނިޔަތް ގަތުން ޝަރުޠުވެގެންނުވެއެވެ : ޖުމްހޫރު ::: އެހެންނަމަވެސް ސުންނަތް ރޯދައިގެ ޘަވާބު ލިބެންފެށޭނީ ރޯދައިގެ ނިޔަތް ގަންނަ ހިސާބުން ފަށައިގެންނެވެ … ކަނޑައެޅިގެންވާ ސުންނަތް ރޯދަތައް (މިޘާލު : ހޯމަ , ބުރާސްފަތި, ކޮންމެ މަހަކު 3 ދުވަހުގެ ރޯދަ , ޢަރަފާތް ދުވަހު ރޯދަ , ޝައްވާލު މަހު 6 ދުވަހުގެ ރޯދަ..) އެކަމުގެ ޘަވާބު ފުރިހަމައަށް ލިބުމަށް ފަތިސްވުމުގެ ކުރިން ނިޔަތް ގަންނަންޖެހޭނެއެވެ. މިޘާލު : (1) ޝައްވާލު މަހުގެ 2 ވަަނަ ދުވަހު މެންދުރުފަހުން އެދުވަހު ރޯދަހިފަން ނިޔަތް ގަތުމަށްފަހު އޭގެ ފަހުން އިތުރު 5 ދުވަސް ރޯދަހިފިޔަސް ..ޝައްވާލު މަހު 6 ދުވަހުގެ ޘަވާބު ނުލިބޭނެއެވެ. އެއީ 6 ދުވަސް ބަރާބަރަށް ފުރިހަމަ ނުވާތީއެވެ.
■ (5)ރޯދަހިފުން ހުއްދަނޫން ދުވަސްތަށް ފިޔަވައި ، މުޠްލަޤުކޮށް (ވަކި ދުވަހެއް ކަނޑަނާޅާ ބޭނުން ދުވަހަކު) ރޯދަހިފުން ސުންނަތްވެގެންވެއެވެ.
■ (6)ރަމަޟާންމަހުގެ ރޯދަ ހިފުމަށްފަހު ޝައްވާލުމަހުގެ 6 ދުވަހު ރޯދަހިފުން ސުންނަތްވެގެންވެއެވެ ■ ޝާފިޢީ އަދި އަޙްމަދު އަދި ދާއޫދުގެ ބަސްފުޅު ، …، ގިނަ ޢިލްމުވެރިންގެ ބަސްފުޅު
■ (7)ޛުލް ޙިއްޖާ މަހުގެ ފުރަތަމަ 8 ދުވަސް ރޯދަހިފުން ސުންނަތްވެގެންވެއެވެ ■ 4 މަޛްހަބު ، ޘާހިރީންގެ ބަސްފުޅު
■ (8)ޙައްޖުވެރިން ނޫން މީސްތަކުންނަށް ޢަރަފާތްދުވަހު ރޯދަހިފުން ސުންނަތްވެގެންވެއެވެ. ޢަރަފާތްދުވަހަކީ ޛުލް ޙިއްޖާ މަހުގެ ފުރަތަމަ 9 ވަނަ ދުވަހެވެ ■ 4 މަޛްހަބު ، ޘާހިރީންގެ ބަސްފުޅު
(މައުލޫމާތު ނެގިފައިވަނީ ملخص فقه العبادات އަދި فقه العبادات ، القسم العلمي بمؤسسة الدرر السنية ..)
والله أعلم
