މިހާރު ކުރިއަށްދާ ގޯލްޑަން ފުޓްސަލް މުބާރާތުގެ ހއ. ގެ ބީ ގުރޫޕުގެ އެންމެ ކުރީގަ މި ވަގުތު އޮތީ މުރައިދޫއާއި، އެންމެ ފަހުގެ ޗެންޕިއަން ވަށަފަރެވެ.
މި ދެ ޓީމުން ކުރެ ކޮންމެ ޓީމަކަށް ވެސް 6 ޕޮއިންޓް ލިބިފައިވާ އިރު މުރައިދޫ ކުޅެފައި ވަނީ 2 މެޗެވެ. ވަށަފަރަށް 6 ޕޮއިންޓް ލިބިފައި ވަނީ 3 މެޗު ކުޅެގެންނެވެ. މި ގުރޫޕުގައި ހިމެނޭ މާރަންދޫއަށް 3 ޕޮއިންޓް ލިބިވާ އިރު، ކުރިއަށް އޮތް ދެ މެޗު ކާމިޔާބުކޮށް މާރަންދޫއަށް ވެސް ސެމީއަށް ދިޔުމުގެ ފުރުޞަތު ތަނަވަސްކޮށް އެބަ އޮތެވެ.
މި މުބާރާތުގަ ފާއިތުވެ ދިޔަ އަހަރު ހއ. އަތޮޅުގެ އެންމެ ކާމިޔާބު ޓީމު ކަމުގައިވާ ދިއްދޫއަށް 3 ޕޮއިންޓް ލިބިފައި އޮތަސް ސެމީން ޖާގަ ލިބިދާނެ ކަމަށް ބެލެވޭކަށް ނެތެވެ. ސަބަބަކީ ކުރިއަށް އޮތް މާރަންދޫ މެޗުން މޮޅުވެގެން ވެސް އެ ފުރުޞަތު ގެއްލޭނެ ކަމަށް ބެލެވޭތީއެވެ. މި ގުރޫޕުން ޕޮއިންޓެއް ނުލިބި ފުލުގައި އޮތީ 2025ގެ ތިލައުތުރު ޗެންޕިއަން އުތީމެވެ. އުތީމަށް ބަލައި އިރު ކުރިއަށް އޮތް ދެ މެޗު ކާމިޔާބު ކުރިއަސް ސެމީން ފުރުޞަތު ލިބޭނެ ކަމަށް ނުބެލެވެއެވެ.
މި ގުރޫޕުގަ މާދަމާރޭ ދެ މެޗު ކުޅުމަށް ހަމަޖެހިފައިވާ އިރު އެއް މެޗުގައި ބައްދަލުކުރާނީ މާރަންދޫއާއި، ދިއްދޫއެވެ. އަނެއް މެޗުގައި ބައްދަލުކުރާނީ މުރައިދޫއާއި، އުތީމެވެ. މި ދެ މެޗު ވެސް ކުޅޭނީ 11.00ގައެވެ.
