ތިލައުތުރު ރަންތާޖު ޤުރުއާން މުބާރާތް 2024 އިން ފަޚުރުވެރި ވަނަތަކެއް ކެލައިން ހޯދައިފިއެވެ. ނިމި ދިޔަ ހަފުތާގެ، ހަފުތާ ބަންދުގައި ނަތީޖާ ފާޅުކޮށް އިނާމު ދެވުނު ތިލައުތުރު ރަންތާޖު ޤުރުއާން މުބާރާތުން ޖުމްލަ 9 އިނާމެއް ކެލާއިން ހޯދާފައި ވެއެވެ.
ހޯދި ކާމިޔާބީތައް
1. ތިލައުތުރު ރަންތާޖު ޤުރުއާން މުބާރާތް 2024، ނުބަލާ ކިޔެވުމުގެ ގޮފިން 2 ވަނަ ރަށް
2. ތިލައުތުރު ރަންތާޖު ޤުރުއާން މުބާރާތް 2024، މުޅި މުބާރާތުން އާންމުންގެ ބައިން ހިތުން ކިޔެވުމުގެ
ގޮފިން 3 ވަނަ: ފާޠިމަތު ރިފްޢާ ރުޝްދީ، ނަޔާއަންދާޒުގެ ހއ. ކެލާ
3. ތިލައުތުރު ރަންތާޖު ޤުރުއާން މުބާރާތް 2024، މުޅި މުބާރާތުން ސުކޫލުކުދިންގެ ބައިން ބަލައިގެން
ކިޔެވުމުގެ ގޮފިން 3 ވަނަ: އާމިނަތު މުފްލިޙާ، އުންމީދު ހއ. ކެލާ
4. ތިލައުތުރު ރަންތާޖު ޤުރުއާން މުބާރާތް 2024، ފައުންޑޭޝަންގެ ބައިން ހިތުން ކިޔެވުމުގެ ބައިންް 2
ވަނަ: ޢަބްދުﷲ ޒަލަފް ޒުހުދު، ވިނަ ހއ. ކެލާ
5. ތިލައުތުރު ރަންތާޖު ޤުރުއާން މުބާރާތް 2024، ކީސްޓޭޖް 3 އިން ހިތުން ކިޔެވުމުގެ ބައިން 3 ވަނަ:
ޢީޝާ އަޙްމަދު ސިޔާމް ގުލްދަމްގެ ހއ. ތުރާކުނު (ފެހިވިނަ، ހއ. ކެލާ)
6. ތިލައުތުރު ރަންތާޖު ޤުރުއާން މުބާރާތް 2024، 30 ފޮތުން ބަލައިގެން ކިޔެވުމުގެ ބައިން 3 ވަނަ:
ޢަލީ ޒައުލް ޒިޔާއު، އިތާ ހއ. ކެލާ
7. ތިލައުތުރު ރަންތާޖު ޤުރުއާން މުބާރާތް 2024، ކީސްޓޭޖް 4 އިން ހިތުން ކިޔެވުމުގެ ބައިން 2 ވަނަ:
ޢާއިޝަތު ނީޝާން އާދަމް ނާފިޒް، އައިވީ ހއ. ދިއްދޫ (ހަނިމާދޫގެ ހއ. ކެލާ)
8. ތިލައުތުރު ރަންތާޖު ޤުރުއާން މުބާރާތް 2024، ކީސްޓޭޖް 3 އިން ބަލައިގެން ކިޔެވުމުގެ ބައިން 1 ވަނަ
އާމިނަތު މުފްލިޙާ، އުންމީދު ހއ. ކެލާ
9. ތިލައުތުރު ރަންތާޖު ޤުރުއާން މުބާރާތް 2024، 6 ފޮތުގެ ބައިން ހިތުން ކިޔެވުމުގެ ބައިން 2 ވަނަ
ފާޠިމަތު ރިފްޢާ ރުޝްދީ، ނަޔާއަންދާޒުގެ ހއ. ކެލާ
ހއ. އުތީމުގައި ހުންނަ ބޮޑުތަކުރުފާނުގެ ހަނދާނީ މަރުކަޒުގައި މި ދިޔަ ހޮނިހިރު ދުވަހު ބޭއްވި ޚާއްޞަ ރަސްމިއްޔާތު ޝަރަފުވެރިކޮށްދެއްވާ ޚާއްޞަ ވަނަތަކަށް ދިޔަ ފަރާތްތަކަށް އިނާމާއި ސެޓްފިކެޓް ދެއްވީ، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވަޒީރު އޮނަރަބްލް އާދަމް ޝަރީފު ޢުމަރެވެ. އެހެނިހެން ވަނަތަކަށް އިނާމާއި ސެޓްފިކެޓް ދެއްވީ، އަތޮޅު ކައުންސިލުގެ މެންބަރުންނާއި، އުތީމުގެ މުއައްސަސާތަކުގެ ވެރިންނެވެ. ޤުރުއާން ކިޔެވުމުގެ 37 ވަނަ ޤައުމީ މުބާރާތުގައި ހއ. އަތޮޅު ތަމްސީލުކުރަން ހޮވި ދަރިވަރުންގެ ތެރޭގައި ކެލާގެ 3 ދަރިވަރަކު ހިމެނިފައިވެއެވެ. އެ ދަރިވަރުންނަކީ:
1. ޢަބްދުﷲ ޒަލަފް ޒުހުދު، ވިނަ ހއ. ކެލާ
2. އާމިނަތު މުފްލިޙާ، އުންމީދު ހއ. ކެލާ
3. ޢާއިޝަތު ނީޝާން އާދަމް ނާފިޒް، އައިވީ ހއ. ދިއްދޫ (ހަނިމާދޫގެ ހއ. ކެލާ)
ތިލައުތުރު ރަންތާޖް ޤުރުއާން މުބާރާތަކީ ހއ. އަތޮޅު ކައުންސިލުން އިންތިޒާމްކޮށްގެން އަހަރަކު އެއް ފަހަރު ސިލްސިލާކޮށް އަތޮޅުގެ ރަށްތަކަށް ހުޅުވާލައިން ބާއްވަމުން އަންނަ މުބާރާތެކެވެ. އެ ގޮތުން މި އަހަރު މި ބޭއްވީ 3 ވަނަ މުބާރާތެވެ. މި އަހަރު މި މުބާރާތް ހޯސްޓްކުރެއްވީ ހއ. އުތީމު ކައުންސިލުންނެވެ.
ތިލައުތުރު ރަންތާޖް ޤުރުއާން މުބާރާތް 2024 ގެ 1 ވަނަ ހާޞިލްކުރީ ދިއްދީއެވެ. 2 ވަނަ ހޯދީ އިހަވަންދޫއެވެ. އަދި 3 ވަނަ ޙާޞިލްކުރީ ހޯރަފުއްޓެވެ. މިއީ މި މުބާރާތް ދިއްދޫއިން ކާމިޔާބުކުރި 3 ވަނަ ފަހަރެވެ.
