34 ވަނަ ފިލާވަޅު■■ ރޯދައިގެ ޝަރުޠުތައް (ޝަރުޠުތަކަކީ ރޯދަ ހިފުމުގެ ކުރިން އެފަރާތެއްގެ ކިބައިގައި ކޮންމެހެން ހުންނަންޖެހޭ ކަންތައްތަކެވެ.) ■■
■(3) ■ބުއްދިހުރުން (ދެވަނަ ބައި)
(3) ބައްޔެއްގެ ސަބަބުން ބުއްދީގައި އުނިކަމެއްހުރުން :ބުއްދީގައި ހުރި އުނިކަމެއްގެ ސަބަބުން ބައެއް ފަހަރު ދައްކާ ވާހަކަ ބުއްދިހުރި ފަރާތެއް ދައްކާ ވާހަކައާއި އެއްގޮތްވުން އަދި ބައެއް ފަހަރު ދައްކާ ވާހަކަ މޮޔަ ބޭފުޅެއް ދައްކާ ވާހަކާއި އެއްގޮތްވުން (މިސާލު:ގިނަ ވާހަކަތައް)
■މޮޔައެއްގެ މިންވަރަށް ނުދިޔަކަމުގައިވިޔަސް މިފަދަ ބޭފުޅަކަށް (1) ރޯދަ ވާޖިބުވެގެންނުވެއެެވެ. (2) އަދި (ޤެއްލޭ) ރޯދަ ޤަޟާކުރާކަށް ވެސް ނުޖެހޭނެއެވެ. ● މުސްލިމުންގެ އިއްތިފާޤު (އިބްނު ޢަބްދުލް ބައްރު (ރަޙިމަހު ﷲ) ނަޤުލް ކުރައްވާ ))
(4) މުސްކުޅިވުމުގެ ސަބަބުން ބުއްދި ފަސާދަވެފައިވުން ( މިސާލު:އެކަކު އަނެކަކު ވަކިކުރަން ނޭނގޫން، ކަންކަން ހަނދާންނެތިފައިހުރުން، ބައެއް ފަހަރު ދައްކާ ވާހަކަ ބުއްދިހުރި ފަރާތެއް ދައްކާ ވާހަކައާއި އެއްގޮތްވުން އަދި ބައެއް ފަހަރު ދައްކާ ވާހަކަ މޮޔަ ބޭފުޅެއް ދައްކާ ވާހަކާއި އެއްގޮތްވުން )
■މިފަދަ ބޭފުޅަކަށް (1) ރޯދަ ވާޖިބުވެގެންނުވެއެެވެ. (2) އަދި ( ޤެއްލޭ ) ރޯދަ ޤަޟާކުރާކަށްވެސް ނުޖެހޭނެއެވެ. : ● އިބްނު ބާޒު ، އިބްނު ޢުޘައިމީން ( ރަޙިމަހުމާ ﷲ )
(5) ހޭނެތުމުގެ ސަބަބުން ބުއްދިފިލާގެން ދިޔުން
■ރޯދައިގެ ވަޤުތުގައި އެއްކޮށް ހޭނެތިފައިވާނަމަ: އެބަހީ: ހޭނެތުނީ ފަތިސް (ދެވަަނަ ފަޖުރު، ފަތިސް ބަންގި) ގެ ކުރިންނެވެ. ދެން އިރުއޮއްސެންދެން ވެސް ވަނީ ހޭނެތިފައެވެ. މިހާލަތުގައި ރޯދަ ޞައްޙަވެގެންނުވެެއެވެ. އެހެންނަމަވެސް އެރޯދަ ފަހުން ޤަޟާކުރަންޖެހޭނެއެވެ : ● ޖުމްހޫރު (މާލިކީން ، ޝާފިޢީން، ޙަންބްލީން)
■ރޯދަޔަށް ނިޔަތްގަތުމަށްފަހު ފަތިސްވުމުގެ ކުރިން ހޭނެތިއްފައި ދެން އެއަށްފަހު ހޭއެރީ އިރުއޮއްސުމުގެ ކުޑަ ވަޤުތުކޮޅެއް ކުރިންކަމުގައިވާނަމަ އެރޯދަ ޞައްޙަވާނެއެވެ. އަދި އެރޯދަ ފަހުން ޤަޟާކުރާކަށް ނުޖެހޭނެއެވެ ● މަޛްހަބު ޝާފިޢީ ، އަދި މަޛްހަބު ޙަންބަލީ
■މަސްތުވާ އެއްޗެއްގެ ސަބަބުން ބުއްދި ފިލައިގެން ގޮސްފިނަމަ ، އެއިންސާނާގެ ޙުކްމަކީ ހަމަ ހޭނެތިފައިވާ އިންސާނާގެ ޙުކުމެވެ…●( މަތީގައި އެ 2 ހާލަތް ބަޔާންވެފައި އެވަނީ އެވެ…●(1) މަަަސްތުވުމުގެ ސަބަބުން ރޯދަ ވަޤުތުގައި އެއްކޮށް ބުއްދިފިލާފައިވާނަމަ އެެ ރޯދަ ޞައްހައެއްނުވާނެއެެވެ.އަދި ފަހުން ޤަޟާކުރަންޖެހޭނެއެވެ. ●(2) ރޯދަަޔަށް މަސްތުވުމުގެ ސަބަަބުން ބުއްދި ގެއްލިފައިވިއެވެ. އެެހެންނަމަވެސް އިރުއޮއްސުމުގެ ކުރިން ބުއްދި ރަނގަޅުވެއްޖެނަމަ އެރޯދަ ޞައްޙައެވެ.އަދި އެރޯދަ ފަހުން ޤަޟާކުރާކަށް ނުޖެހޭނެއެވެ. ) ●
(6)އިންސާނާގެ ހަނދާންނެތުން ގޮސްފިކަމުގައިވާނަމަ(( ދިމާވާ ޙާދިޘާއެއްގެ ސަބަބުން ، ބައްޔެއްގެ ސަބަބުން، މުސްކުޅިވުމުގެ ސަބަބުން :: އާއްމުކޮށް ގިނަ ކަންތައްތައް އަބަދު ހަނދާންނެތުން)) ، އެއިންސާނާއަށް ރޯދަ ވާޖިބުވެގެންނުވެއެވެ ● (ލަޖުނައް ދާއިމާގެ ފަތުވާ ، އިބްނު ޢުޘައިމީން)
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
