(2)ދަތުރުވެރިޔާ ( ފުރަތަމަ ބައި )
■(1)ދަތުރުވެރިޔާއަށް ރޯދަ ދޫކޮށްލުން ހުއްދަވެގެންވެއެވެ ■ 4 މަޛްހަބު
■ (2)ދަތުރުވެރިޔާއަށް ރޯދަހިފުމަށް އުނދަޤޫކަމެއްކަމުގައި ނުވާނެނަމަ ، އަދި ( ދަތުރުގެ ހާލަތުގައި ) ރޯދަދޫކޮށްލުމާއި ރޯދަހިފުން ހަމަހަމަވެއްޖެނަމަ ■ މިހާލަތުގައި އެންމެ ރަނގަޅު ގޮތަކީ ކޮބައިތޯ ( ރޯދަހިފުންތޯ ނުވަތަ ރޯދަ ދޫކޮށްލުންތޯ ) ޢިލްމުވެރިންގެ މެދުގައި ޚިލާފު އުފެދިފައިވެއެވެ.
(1)މިހާލަތުގައި އެބޭފުޅާއަށް އެންމެ ރަނގަޅު ގޮތަކީ ރޯދަހިފުމެވެ.■ ޖުމްހޫރު
(2)މިހާލަތުގައި އެބޭފުޅާއަށް އެންމެ ރަނގަޅު ގޮތަކީ ރޯދަ ދޫކޮށްލުމެވެ.■ ޙަންބަލީ މަޛްހަބު ، ސަލަފުންގެ ބައެއް ބޭކަލުން ، އިބްނު ތައިމިއްޔާ ، އިބްނު ބާޒު
■(3)ދަތުރުވެރިޔާއަށް ރޯދަހިފުމަށް އުނދަޤޫކަމެއްކަމުގައިވާނެނަމަ ، އަދި ( ދަތުރުގެ ހާލަތުގައި ) ރޯދަދޫކޮށްލުމާއި ރޯދަހިފުން ހަމަހަމަވެއްޖެނަމަ ■ މިހާލަތުގައި ރޯދަވެރިޔާއަށް ރޯދަދޫކޮށްލުން އަޢުލާވެގެންވެއެވެ. ■ 4 މަޛަހަބު
■ (4)ދަތުރުވެރިޔާ ރަށަކަށް 4 ދުވަހަށްވުރެ ގިނަ ދުވަހު ޤާއިމްވުމަށް ދާނަަމަ ( އެރަށުގައި 4 ދުވަހަށްވުރެ ގިނަ ދުވަހު ޤާއިމްވާނަމަ ) ■ މަހާލަތުގައި ރޯދަ ދޫކޮށްލުން ހުއްދަވެގެންނުވެއެވެ ■ޖުމްހޫރު
(ބައެއް ޢިލްމުވެރިންގެ އަރިހުގައި ދަތުރަކަށްވާނަމަ ކިތަންމެ ގިނަދުވަހު މަޑުކުރިކަމުގައިވިޔަސް ދަތުރުގެ ލުއި ފަސޭހަކަން ހިފޭނެއެވެ އެބަހީ: ރޯދަ ދޫކޮށްލެވިދާނެއެވެ.)
■ (5)ދާއިމްވާގޮތަށް ހުންނަ ކަހަލަ ދަތުރުވެރިން : މިޘާލު : (1) މަތިންދާބޯޓު ދުއްވާ ބޭފުޅުން ، (2) ރޭލުތައް ދުއްވާ ބޭފުޅުން..(3) ބޯޓް ދަތުރުކުރާ ބޭފުޅުން… އަދިވެސް މިފަދަ ބޭފުޅުން… ދަތުރުކުރާ ރަށްތަކަށް ދާއިރު ( މިހާލަތުގައި ބަލާނީ ދަތުރުވެރިއެއްގޮތުގައި : އަސްލު ރަށުގެ ގެތައް ފަހަނައަޅައި ދިޔުމުން ދަތުރުގެ ލުއި ފަސޭހަ ކަންތައްތަކުގައި ހިފޭނެއެެވެ.) ■ އިބްނު ތައިމިއްޔާ ، އިބްނު ޢުޘައިމީން ( ރަޙިމަހުމު ﷲ )
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
