މިހާރު ކުރިއަށްދާ ގޯލްޑަން ފުޓްސަލް މުބާރާތުގައި، އަތޮޅު ޗެމްޕިއަނާއި ރަނަރއަޕްގެ ކުރިމަތިލުމެއް މިއަދު ހަވީރު 4.00ގައި އޮންނާނެއެވެ.
އެ ގޮތުން އެއް މެޗުގައި ބައްދަލުކުރާނީ ހއ. ގެ ޗެމްޕިއަން މާރަންދޫއާއި، ހއ. ގެ ރަނަރއަޕް ކެލައެވެ. އަނެއް މެޗުގައި ބައްދަލުކުރާނީ ހދ.ގެ ޗެމްޕިއަން ނާވައިދޫއާއި، ހދ. ގެ ރަނަރއަޕް ނޮޅިވަރަންފަރެވެ.މި މެޗަށް ނުކުންނަ އިރު، ޒޯނުގައި މާރަންދޫ ކުޅުނު ފުރަތަމަ މެޗު 1-1 އިން ނޮޅިވަރަންފަރާ އެއްވަރުވެ 1 ޕޮއިންޓް ލިބިފައި ވެއެވެ. މާރަންދޫއާ، ބައްދަލުކުރާ ކެލައަށް އަދި ޕޮއިންޓެއް ނުލިބެއެވެ. ކެލާ ކުޅުނު ފުރަތަމަ މެޗު ވަނީ 3-2 އިން ނާވައިދޫ އަތުން ބަލިވެފައެވެ.
ދެ ވަނަ މެޗުގައި ބައްދަލުކުރާ ހދ. އަތޮޅު ޗެމްޕިއަން ނާވައިދޫ ވަނީ ކުޅުނު ފުރަތަމަ މެޗުން ކެލާ ބަލިކޮށް 3 ޕޮއިންޓް ހޯދާފައެވެ. ހދ. ގެ ރަނަރއަޕް ނޮޅިވަރަން އޮތީ ކުޅުނު ފުރަތަމަ މެޗު މާރަންދޫއާ ޑްރޯކޮށް 1 ޕޮއިންޓް ހޯދާފައެވެ.
އަތޮޅު ފައިނަލްގެ ކުރިމަތިލުން، އެތައް ގޮތަކުން ބަލައި އިރު ފޯރި ގަދަވާނެ ކަމަށް ބެލެވެއެވެ. އެހެންކަމުން މި ދެ މެޗަށް ސާބަސްދީ، ކުޅިވަރުގެ ރޫޙު ވަރުގަދަކުރުމަށް މި 4 ރަށަށް ނިސްބަތް ސަޕޯޓަރުން އައުމަކީ ކުޅުންތެރިންނަށް ލިބޭނެ ވަރަށް ބޮޑު ހިތްވަރެކެވެ. ވަޠަނީ ރޫޙަކީ ވަރުގަދަ ބާރެކެވެ.
