އެކަނިވެރި މައިންނާއި، ބަފައިން ބަލައި ކޮންމެ ކުއްޖަކަށް މަހަކު 3000 ރުފިޔާ ދެއްވަން ނިންމައިފި
ދަރިން ބެލުމުގައި އެކަނި މަސައްކަތްކުރައްވާ މައިން ނުވަތަ ބަފައިންނަށް ދޭ އެލަވަންސް 3000 ރުފިޔާއަށް ބޮޑުކޮށްފިއެވެ.
“އެކަނި ދަރިން ބަލަހައްޓާ މައިން ނުވަތަ ބަފައިންނަށް މާލީ އެހީ ދިނުމާ ބެހޭ ގަވާއިދު” އަށް އިޞްލާޙު ގެންނަވައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދުފުޅާ އެއް ގޮތަށް އެ އެލަވަންސް ބޮޑުކުރައްވާ އިއްޔެ މި ވަނީ އިޢުލާންކުރައްވާފައެވެ.
އެކަނިވެރި މައިންނާއި، ބަފައިންނަށް މީގެ ކުރިން ދެއްވަމުން އަންނަނީ ކޮންމެ ކުއްޖަކަށް 1000 ރުފިޔާއެވެ. އެންމެ ގިނަވެގެން ކުރިން ދެމުން އައީ 10000 ރުފިޔާއެވެ. އިއްޔެ ރައީސުލްޖުމްހޫރިއްޔާ ގެންނެވި ބަދަލުގެ ސަބަބުން ކޮންމެ ކުއްޖަކަށް 3000 ރުފިޔާ ލިބިލައްވާނެއެވެ. އަދި އެކަނި ދަރިން ބަލަހައްޓާ މައިން ނުވަތަ ބަފައިންނަށް މަހަކު 15000 ލިބުމުގެ ފުރުޞަތު ފަހިވެގެންދާނެއެވެ.
ރައީސްގެ މި ނިންމެވުމާ ގުޅިގެން ނުބައި މެސެޖެއް މުޖުތަމަޢުގައި ފެތުރުމަށް ބަޔަކު މަސައްކަތްކަތް ކުރިއަސް އެކަނިވެރި މައިންނާއި، ބަފައިންނަށް މިއީ ލިބިގެންދާ ވަރަށް މަތިވެރި އުފަލެކެވެ.
