މި ސަރުކާރުން ކެލައަށް ފޮނުވާ 2 ވަނަ ޖަނަރޭޓަރ ކެލައަށް ގެންދިޔުމަށް ލޯޑުކޮށް، ގެންދިޔުމުގެ މަސައްކަތް ފަށައިފި ކަމަށް ކެލާ ދާއިރާގެ ރައްޔިތުންގެ މަޖިލީހުގެ ޢިއްޒަތްތެރި މެންބަރު ޢަބްދުﷲ ޝަރީފު ހާމަކުރައްވައިފިއެވެ.
ކުރިން ކެލައަށް ފޮނުވި ޖަނަރޭޓަރާ ޚިލާފަށް މި ފަހަރު ކެލައަށް ގެންދިޔުމަށް ލޯޑުކޮށްފައި ވަނީ 600 ކިލޯވޮޓްގެ ޖެންސެޓެކެވެ. ސައިޒުގެ ގޮތުން ވެސް މި ފަހަރު ގެންދާ ޖަނަރޭޓަރ ބޮޑެވެ.
ރައީސް ޑޮކްޓަރ މުޙައްމަދު މުޢިއްޒުގެ ސަރުކާރުގައި ހޭދަވި ކޮންމެ އަހަރަކު ޖަނަރޭޓަރެއް ކެލައަށް ފޮނުވާ، ރައްޔިތުންނަށް ބޭނުންވާ ކަރަންޓުގެ ޚިދުމަތް ޔަޤީންކޮށްދެއްވުމަށް ފެނަކަ ކޯޕަރޭޝަނުން ކޮށްދެއްވާ މަސައްކަތް ޝުކުރުވެރިކަމާއެކު ކެލާ ރައްޔިތުން ފާހަގަކުރެއެވެ.
ކެލާގެ ތަރައްޤީއާ ގުޅިފައިވާ އިންޖީނުގެއިން ފޯރުކޮށްދޭ ކަރަންޓުގެ ޚިދުމަތް ބޮޑުތަނުން ރަނގަޅުވެ، އަތްފޯރާ ފަށުގައި ލިބުމަކީ ކެލާ ރައްޔިތުން އަބަދުވެސް އެދިއެދި ހުންނަ ކަމެކެވެ.
މި މަސައްކަތްތައް މި ގޮތަށް ތަރުތީބު ކޮށްދެއްވުމަށް އެމްޕީ ޝަރީފު ކޮށްދެއްވާ މަސައްކަތް އުފަލާއެކު ބަލައިގަނެ، ތިލައުތުރު ނޫހުގެ ފަރާތުން އެމްޕީއަށް ޝުކުރުއަދާކުރަމެވެ.
