■ ބަލިބޭފުޅާ (ފުރަތަމަ ބައި)
(1)ޖުމްލަގޮތެއްގައި ބަލިބޭފުޅާއަށް ރޯދަމަހު ރޯދަ ދޫކޮށްލުން ހުއްދަވެގެންވެއެވެ. ■ މުސްލިމުންގެ އިއްތިފާާޤު
ރޯދަ ދޫކޮށްލުން ހުއްދައީ ކިހާ މިންވަރަކަށް ބަލިވީމަައިތޯ: މިކަމުގައި ޚިލާފުއުފެދިފައިވެއެވެ.(އެމިންވަރާއިމެދު )
(2)ރޯދަހިފުމުގެ ސަބަބުން (1) ބަލި އިތުރުވުން .. ނުވަތަ (2) ބަލިހާލަތުގެ ސަބަބުން ރޯދަހިފަން އުނދަޤޫވުން ( އެހެންނަމަވެސް ރޯދަހިފުމުން ) ހަށިގަނޑަށް ޤެއްލުމެއްނުލިބޭނަމަ: މިހާލަތުގައި ރޯދަ ދޫކޮށްލުން ހުއްދަވެގެންވެއެވެ.■ ޖުމްހޫރު
(3)ބަލީގެ ސަބަބުން ރޯދަވެރިޔާއަށް ރޯދަހިފުމުން ޤެއްލުންވެ ، އަދި އޭގެ ސަބަބުން (ބަލިބޭފުޅާ ރޯދަހިފުމުގެ ސަބަބުން) ހަލާކުވެދާނެކަމަށް ބިރުވެތިވާނަމަ (މަރުވެދާނެކަމަށް ނުވަތަ ގުނަވަނެއް ގެއްލިގެން ހިނގައިދާނެކަމަށް…) މިހާލަތުގައި ރޯދަ ދޫކޮށްލުން ވާޖިބުވެގެންވެއެވެ ■ ޖުމްހޫރު
(4)އޭގެ ސަބަބުން (1) ރޯދަޔަށް އޭގެ އަޘަރެއްނުކުރާ (2) ރޯދަހިފުމަށް އުދަނގުލެއްނުވާ : ކަންތައްތައް ( މިޘާލު: (1) ރޯގާޖެހުން: ނުވަތަ (2) ބޮލުގައި ކުޑަކޮށް ރިއްސާލުން: ނުވަތަ (3) ދަތުގައި ރިއްސުން : ނުވަތަ މިފަދަ ކަމެއް….) މިހާލަތުގައި ރޯދަ ދޫކޮށްލުން ހުއްދަވެގެންނުވެއެވެ. ■ 4 މަޛްހަބު
ނޯޓް : ރަމަޟާންމަހުގައި (ވާޖިބު ރޯދަތަކުގައި) ރޯދަ ދޫކޮށްލުން ހުއްދަވެގެންވަނީ ބޮޑެތި (ނުވަތަ ވަރުގަދަ) ބަލިތަކުގެ ސަބަބުންނެވެ. ■ ބޮޑެތި (ނުވަތަ ވަރުގަދަ) ބަލިތަކުގެ މުރާދަކީ : (1) ރޯދަހިފުމުގެ ސަބަބުން އެބަލި އިތުރުވުން .(2) ރޯދަަިގެ ސަބަބުން އެބައްޔަށް ޝިފާލިބުން ލަސްވުން . (3) އެބަލީގެ ހާލަތުގައި ރޯދަހިފުމަށް ވަރަށްބޮޑަށް އުނދަޤޫވުން (ތަކުލީފަކަށްވުން) އެއީ އެބަލި އިތުރުނުވިޔަސް އަދި އެބައްޔަށް ޝިފާލިބުން ލަސްނުވިނަމަވެސްމެއެވެ. (4) ރޯދަައިގެ ސަބަބުން ބަލިވެދާނެކަމަށް ނުވަތަ ބައްޔެެއް ޖެހިދާނެކަމަށަ ބިރުހީވުން..ޢިލްމުވެރިން މިބައިވެސް މީގެ ތެރޭގަައި ހިމެނުއްވައެވެ. (އިސްލާމް.ކިއު.އޭ. ސަފްޙާ )
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
