ކެލާ ޔޫތު ފޯރަމްގެ ސްޕޯރޓްސް އެކަޑަމީން އިއްޔެ ހަވީރު ފެށި ހޭންޑްބޯޅަ މުބާރާތުގެ އިއްޔެގެ މެޗުތައް ކަނބާ ކާމިޔާބުކޮށްފިއެވެ.
އިއްޔެ ހަވީރު ކުޅުނު ޖޫނިއަރ ބައިގެ މެޗު ކަނބާ ކާމިޔާބުކުރީ ކަމަނައާ ބައްދަލުކޮށް 0-2އިންނެވެ. މި މެޗުގެ މޮޅުކުޅުންތެރިއަކަށް ހޮވުނީ ޓީމު ކަނބާގެ ހާޖަރު ޢަބްދުލްހަންނާނެވެ.
ސީނިއަރ ބައިގެ މެޗު ކަނބާ ކާމިޔާބުކުރީ ވެސް ޓީމު ކަމަނައާ ބައްދަލުކޮށެވެ. މި މެޗު ކަނބުލޮ ކާމިޔާބުކުރީ 8-25 އިންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ކަނބާގެ އާމިނަތު ޔޫމީއެވެ.
އެކަމީގެ ދަރުވަރުންނަށް ވާދަވެރި މެޗުތަކެއް ކުޅުމުގެ ފުރުޞަތު ހޯދައިދިނުމުގެ ގޮތުން އެ އެކަޑަމީން ކުރިއަށްގެންދާ މި މުބާރާތުގެ އިއްޔެގެ މެޗުތައް ޝަރަދުވެރިކޮށްދެއްވީ ޝައިޚްއިބްރހީމް ސުކޫލުގެ ލީޑިން ޓީޗަރ ފާޠުމަތު ނަޖުދާއެވެ.
