ކެލާ ޝައިޚް އިބްރާހީމް ސުކޫލުގެ ބެލެނިވެރިންނާ މުދައްރިސުންގެ ގުޅުމުގެ ފަރާތުން ފާހަގަކުރި މަސައްކަތު ދުވަހުގެ އެއް ވަނަ ޔާގޫތު ހައުސް ހޯދައިފިއެވެ. މި މަހުގެ ފަސް ވަނަ ފާހަގަ ކުރި މި މަސައްކަތު ދުވަހުގައި ސުކޫލުގެ މުދައްރިސުންނާއި ގިނަ ޢަދަދެއްގެ ބެލެނިވެރިން ބައިވެރިވެލެއްވިއެވެ.
ސުކޫލުގެ ހައުސްތައް ތަމްސީލުވާ ގޮތަށް ބޭއްވި މި މަސައްކަތު ދުވަހު ޖުމުލަ 64702 (ފަސްދޮޅަސް ހަތަރު ހާސް ހަތް ސަތޭކަ ދެ ރުފިޔާ) ވަނީ ލިބިފައެވެ. އެއީ އަލިމަސް ހައުސްއިން ހޯދި 19428.33 ރުފިޔާއާއި، ފީރޯޒު ހައުސްއިން ހޯދި 20773.33 ރުފިޔާއާއި، އަދި ޔާގޫތު ހައުސްއިން ހޯދި 24500.33 ރުފިޔާއެވެ.
ހެޔޮ ނަތީޖާތަކެއް ޒަމާނުންސުރެން ހޯދަމުން އަންނަ، ޝައިޚް އިބްރާހީމް ސުކޫލުގެ ޕީޓީއޭއިން މި މަސައްކަތު ދުވަސް ފާހަގަކުރީ، ސުކޫލުގެ ދަރިވަރުންގެ ކުރިއެރުމާ ތަރައްްޤީއަށް ބޭނުންވާ ކަންކަން ކުރުމަށް ޓަކައި ބޭނުންވާ ފައިސާ ހޯދުމުގެ މަޤްޞަދުގައެވެ.
މި މަސައްކަތު ދުވަހު 1 ވަނަ ހޯދި ޔާގޫތު ހައުސްއަށް “ތިލައުތުރު” ނޫހުގެ ފަރާތުން ތަހުނިޔާކިޔަމެވެ. ގިނަ ޢަދަދެއްގެ ފައިސާ ހޯދައިދިން އަނެއް ދެ ހައުސްއިން ކޮށްދެއްވި މަސައްކަތް ވެސް މި ނޫހުގެ ފަރާތުން ފާހަގަކޮށް މި ތަހުނިޔާގައި ޝާމިލުކުރަމެވެ.
