(1)ރަމަޟާންމަހު ރޯދަ ހިފުމަކީ ފަރުޟެކެވެ. އަދި އިސްލާމްދީނުގެ ރުކުންތަކުގެ ތެރެއިން ރުކުނެކެވެ.
(ރަމަޟާންމަހު ރޯދަ ހިފުމަކީ ފަރުޟެއްކަމަށް މުސްލިމުންގެ އިއްތިފާޤު ނަޤުލްކުރެވިފައިވެއެވެ.)
(2)ރަމަޟާންމަހު ރޯދަ ހިފުމަކީ ފަރުޟެއްކަމަށް އިންކާރުކުރާނަމަ ، އެއީ ކުފުރުގެ ޢަމަލެކެވެ. (އިންސާނާ އިސްލާމްދީނުން ބޭރުވާފަދަ ޢަމަލެކެވެ.): މުސްލިމުންގެ އިއްތިފާޤު. :: އަލް ކަސާނީ ނަޤުލްކުރައްވާފައިވެއެވެ.
(3)ޤަސްދުގައި ، ފަރުވާކުޑަކަމުގެ ސަބަބުން ރަމަޟާންމަހުގެ ރޯދައެއް ދޫކޮށްލައިފިނަމަ ،ފަހެ ހަމަކަށަވަރުން (1)އެއިންސާނާ ބޮޑެތި ފާފަތަކުގެ ތެރެއިން ފާފައަކަށް އަރައިގަނެވިއްޖެއެވެ. (ތައުބާވާން ޖެހޭނެއެވެ.) (2)އެއިންސާނާއަށްވަނީ ފަހުން ޤަޟާކުރުމެވެ ■ 4 މަޛްހަބު
(މައުލޫމާތު ނެގިފައިވަނީ ملخص فقه العبادات ، القسم العلمي بمؤسسة الدرر السنية މިފޮތުން)
والله أعلم
