މި އަހަރުގެ އުފާވެރި އަޟުޙާ ޢީދު ނުވަތަ ބޮޑު ޢީދު ރަށު ފެންވަރުގައި ކުލަ ގަދަކޮށް ފާހަގަކުރުމަށް މަސައްކަތްތަކެއް ކުރައްވަމުން އެބަދެއެވެ. އެ ގޮތުނަް ދުވާލުގެ މަގުމަތި ކުޅިވަރުތައް ފަރިތަކުރުމުގެ މަސައްކަތް އަންހެނުންގެ ތަރައްްްޤީއަށް މަސައްކަތްކުރާ ކޮމެޓީގެ ބެލުމުގެ ދަށުން ކުރިޔަށް އެބަދެއެވެ.
ޢީދު ޙަރަކާތްތަކުގެ ތެރޭގައި ބޮޑެތި އިނާމުތަކާއެކު ވަރަށް ޚާއްޞަ މުބާރާތްތަކެއް ހިމަނާ، ޓީމުތައް ބައިވެރިވުމުގެ ފުރުޞަތު ކައުންސިލުން މިހާރު ވަނީ ހުޅުވައިލައިފައެވެ. މުބާރާތްތަކުގެ ތެރޭގައި ބޯޓު ތައްޔާރުކުރުމާއި، ވާދެމުމުގެ މުބާރާތް ފަދަ ފޯރި ގަދަ އެތައް މުބާރާތެއް ހިމެއެވެ.
ކައުންސިލުގެ ފޭސް ބުކް ޕޯސްޓެއްގައި ހާމަކޮށްފައިވާ، ބޯޓުބުރުގެ މުބާރާތުގެ 1 ވަނައަށްދާ ފަރާތަކަށް 10،000 ރުފިޔާ ދެއްވާ ގޮތަށް ވަނީ ހަމަޖެހިފައެވެ. ވާދެމުމުގެ މުބާތުގެ ޗެމްޕިޔަން ޓީމަށް 5000 ރުފިޔާ ދެއްވާނެ ކަމަށް ބުނެފައި ވެއެވެ.
މަލިކު ދަނޑީގެ ކުޅިވަރުން ޢީދު ޙަރަކާތްތަކުގެ ފޯރި އިތުރުކޮށް، ރޭގަނޑުގެ ސްޓޭޖު ކުޅިވަރުތައް މަޝްހޫރު ބޭންޑަކާއެކު ގެނެސްދެވޭތޯ ބަލަމުން އަންނަ ކަމުގައި “ތިލައުތުރު” އަށް ވަނީ މަޢުލޫމާތު ލިބިފައެވެ.
