ތިލައުތުރު ފުޓްސެލް މުބާރާތް 2024ގެ ފަސް ވަނަ ދުވަހުގެ މެޗްތައް ކެލާއާއި، އިހަވަންދޫން ކާމިޔާބުކުރި އިރު ވަށަފަރާއި، ފިއްލަދޫއާއި، ދިއްދޫއާއި، ބާރަށަށް ވެސް ހަމަހަމަ ނިމުމެއް
ތިލައުތުރު ފުޓްސެލް މުބާރާތް 2024ގެ ތިން ވަނަ ދުވަހުގެ މެޗްތައް ދިއްދޫއާއި، އިހަވަންދޫއާއި، ވަށަފަރާއި އަދި އުތީމުން ކާމިޔާބުކޮށްފި. ކެލާ ފުޓްސެލް ދަނޑުގައި ހިނގަމުންދާ މި މުބާރާތުގައި އިއްޔެ ހަވީރާއި ރޭގަނޑާއެކު ޖުމްލަ 4 މެޗެއް އިއްޔެ ވަނީ ކުޅެފައެވެ.
އިއްޔެ ހަވީރު 4.00ގައި ކުޅެވުނު ކެލައާއި، އުލިގަމް ބައްދަލުކުރި މެޗު 6 ލަނޑު 2 ލަނޑުން ކާމިޔާބުކުރީ ކެލާ ޓީމެވެ. މި މެޗުގައި ކެލާއިން ޖެހި 6 ލަނޑު ޖަހައި ދިނީ ޖަރޒީ ނަންބަރ 7 އަޙްމަދު ޝަފަޤް ދެ ލަނޑާއި، ޖަރޒީ ނަންބަރ 24 އާދަމް މާކިން ޙަމީދު ތިން ލަނޑާއި، ޖަރޒީ ނަންބަރ 77 ޢަލީ ޢިމާދެވެ. ޖަރޒީ ނަންބަރ 10 މުޙައްމަދު ޝަނާއު ނަޞީރާއި އަދި ޖަރޒީ 37 މުޙައްމަދު ނައުޝާދެވެ. އުލިގަމު ޓީމުން ލަނޑު ޖެހީ އެ ޓީމުގެ ޖަރޒީ ނަންބަރ 5 ޔޫސުފް ޝާހިދާއި އަދި ޖަރޒީ ނަންބަރ 11 އަޙްމަދު ޔަސިރެވެ. މި މެޗްގެ މޮޅު ކުޅުންތެރިއަކަށް ހޮވުނީ ކެލާ ޓީމަށް 3 ލަނޑު ޖަހައިދިން ޖަރޒީ ނަންބަރ 24 އާދަމް މާކިން ޙަމީދެވެ.
އިއްޔެ ހަވީރު 5.00ގައި ކުޅެވުނު މެޗްގައި ބައްދަލުކުރީ ދިއްދޫއާއި، ބާރަށެވެ. މި މެޗް ނިމުނީ 1 ލަނޑު 1 ލަނޑުން ދެ ޓީމު އެއްވަރުވެގެންނެވެ. ދިއްދޫ ޓީމުން ލަނޑު ޖަހައިދިނީ ޖަރޒީ ނަންބަރ 11 އަހްޒަމް ރަޝީދެވެ. ބާރަށުން ލަނޑު ޖެހީ އެ ޓީމުގެ ޖަރޒީ ނަންބަރ 23 އަޙްމަދު ސާއިލެވެ. މި މެޗްގެ މޮޅު ކުޅުންތެރިއަކަށް ހޮވުނީ ބާރަށު ޓީމުގެ ޖަރޒީ ނަންބަރ 21 މުޙައްމަދު ޒަޔާނެވެ.
ރޭ 8.00ގައި ކުޅެވުނު މެޗްގައި ބައްދަލުކުރީ އިހަވަންދޫއާއި، ތުރާކުނެވެ. މި މެޗް 4 ލަނޑު 1 ލަނޑުން ކާމިޔާބުކުރީ އިހަވަންދޫ ޓީމެވެ. އިހަވަންދޫ ޓީމުން ޖެހި 4 ލަނޑު ޖެހީ އެ ޓީމުގެ ޖަރޒީ ނަންބަރ 7 މުޙައްމަދު މަދީޙާއި، ޖަރޒީ ނަންބަރ 10 އިބްރާހީމް ޙާމިދު ދެ ލަނޑާއި، ޖަރޒީ ނަންބަރ 11 މުޙައްމަދު ސާނިއެވެ. ތުރާކުނު ޓީމުން ލަނޑުޖެހީ ޖަރޒީ ނަންބަރ 17 އިބްރާހީމް ސިރާޖެވެ. މި މެޗްގެ މޮޅު ކުޅުންތެރިއަކަށް ހޮވުނީ އިހަވަންދޫ ޓީމުގެ ޓީމުގެ ޖަރޒީ ނަންބަރ 10 އިބްރާހީމް ޙާމިދެވެ. ކުޅުނު 3 މެޗުން ވެސް މޮޅުވެ އިހަވަންދޫއަށް މިހާރު މި ވަނީ ސެމީ ފައިނަލް ކަށަވަރުވެފައެވެ.
ރޭ 9.00ގައި ކުޅެވުނު މެޗްގައި ބައްދަލުކުރީ ވަށަފަރާއި، ފިއްލަދޫއެވެ. މި މެޗް 3 ލަނޑު 3 ލަނޑުން ދެ ޓީމު އެއްވަރުވީއެވެ. މި މެޗުގައި ވަށަފަރުން ލަނޑު ޖަހައިދިނީ ޖަރޒީ ނަންބަރ 9 އަޙްމަދު ސިނާނާއި، ޖަރޒީ ނަންބަރ 13 ސާޖިދު ރަޝީދާއި އަދި ޖަރޒީ ނަންބަރ 21 މަހާސިން މުޙައްމަދެވެ. ފިއްލަދޫ ޓީމުން ލަނޑު ޖެހީ ޖަރޒީ ނަންބަރ 10 މުޙައްމަދު ހުޝާމާއި، ޖަރޒީ ނަންބަރ 44 މުޙައްމަދު ޔާމިނާއި އަދި ޖަރޒީ ނަންބަރ 13 ސާޖިދު ރަޝީދެވެ. ފޯރިގަދަ ކުޅުމެއް ފެނިގެން ދިޔަ މި މެޗްގެ މޮޅު ކުޅުންތެރިއަކަށް ހޮވުނީ ފިއްލަދޫ ޓީމުގެ ޖަރޒީ ނަންބަރ 44 މުޙައްމަދު ޔާމިނެވެ.
މިއަދުވެސް މި މުބާރާތުގެ 4 މެޗެއް ކުޅެވޭނެއެވެ. އެއީ ހަވީރު 2 މެޗާއި، ރޭގަނޑު 2 މެޗެވެ. ހަވީރު 4.00ގައި ކުޅޭ މެޗުގައި ބައްދަލުކުރާނީ މުރައިދޫއާއި، ދިއްދޫއެވެ. މި މެޗް ކާމިޔާބުކޮށްފި ނަމަ ދިއްދޫއަށް ވެސް ސެމީ ކަށަވަރުވަނެއެވެ. އެއްވަރުވެއްޖެ ނަމަ ސެމީގެ ފުރުޞަތު ލިބޭކަން އެނގޭނީ މިރޭ ކުޅެވޭ ބާރަށާއި، ފިއްލަދޫގެ މެޗް ނިމޭ ގޮތަކުންނެވެ. ހަވީރު 5.00ގައި ކުޅޭ މެޗުގައި އުތީމާއި، އުލިގަމެވެ. މި މެޗުން މޮޅުވެގެން ސެމީއަށް ދިޔުމުގެ ފުރުޞަތު ތަނަވަސްކޮށް އުތީމަށް އެބަ އޮތެވެ. އެއްވަރުވެއްޖެ ނަމަ ސެމީއަށް ދާކަން ކަށަވަރު ވާނީ މިރޭ ކުޅެވޭ ކެލައާއި، އިހަވަންދޫގެ މެޗް ނިމޭ ގޮތަކަށް ބަލައިފައެވެ. ރޭގަނޑު 8.00ގައި ކުޅޭ މެޗުގައި ބައްދަލުކުރާނީ ބާރަށާއި، ފިއްލަދޫއެވެ. މި މެޗް އެއްވަރުވިޔަސް ސެމީގެ ޖާގަ ބާރަށަށް ލިބުމުގެ ފުރުޞަތު އެބަ އޮތެވެ. ހަމައެފަދައިން މި މެޗުން މޮޅުވެގެން ފިއްލަދޫއަށް ވެސް ސެމީގެ ޖާގައެއް ލިބުން އެކަށީގެން ވެއެވެ. މިރޭގެ އެންމެ ފަހު މެޗު ކަމުގައިވާ 9.00ގައި ކުޅޭ މެޗުގައި ބައްދަލުކުރާނީ ކެލައާއި، އިހަވަންދޫއެވެ. މިރޭގެ މެޗަށް އިހަވަންދޫ ނުކުންނަ އިރު ކުޅުނު 3 މެޗުން މޮޅުވެ އިހަވަންދޫއަށް ވަނީ ސެމީ ކަށަވަރުވެފައެވެ.
މި މުބާރާތުގައި މިއަދު ކުޅެވޭ މެޗްތަކަށް ފަހު 6 ޓީމަކަށް މުބާރާތް އެއްކޮށް ނިމިގެން ދާނެއެވެ. ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމުކޮށްގެން ބާއްވާ މި މުބާރާތުގެ ސަބަބުން މުޅި އަތޮޅަށް މި ވަނީ ކުޅިވަރުގެ ޢީދެއް އައިސްފައެވެ. ޚާއްޞަކޮށް މުބާރާތް ބާއްވާ ރަށް ކަމުގައިވާ ކެލާއަށެވެ.
