ތިލައުތުރު ފުޓްސެލް މުބާރާތް 2024ގެ ތިން ވަނަ ދުވަހުގެ މެޗްތައް ދިއްދޫއާއި، އިހަވަންދޫއާއި، ވަށަފަރާއި އަދި އުތީމުން ކާމިޔާބުކޮށްފި
ތިލައުތުރު ފުޓްސެލް މުބާރާތް 2024ގެ ތިން ވަނަ ދުވަހުގެ މެޗްތައް ދިއްދޫއާއި، އިހަވަންދޫއާއި، ވަށަފަރާއި އަދި އުތީމުން ކާމިޔާބުކޮށްފި. ކެލާ ފުޓްސެލް ދަނޑުގައި ހިނގަމުންދާ މި މުބާރާތުގައި އިއްޔެ ހަވީރާއި ރޭގަނޑާއެކު ޖުމްލަ 4 މެޗެއް އިއްޔެ ވަނީ ކުޅެފައެވެ.
އިއްޔެ ހަވީރު 4.00ގައި ކުޅެވުނު ފިއްލަދޫއާއި، ދިއްދޫ ބައްދަލުކުރި މެޗު 5 ލަނޑު 1 ލަނޑުން ކާމިޔާބުކުރީ ދިއްދޫ ޓީމެވެ. މި މެޗުގައި ދިއްދޫން ޖެހި 5 ލަނޑު ޖަހައި ދިނީ ޖަރޒީ ނަންބަރ 11 އަހްޒަމް ރަޝީދާއި، ޖަރޒީ ނަންބަރ 21 އާދަމް ނަސީމާއި، ޖަރޒީ ނަންބަރ 29 ޢަލީ ފަރުޚާނާއި، ޖަރޒީ ނަންބަރ 10 މުޙައްމަދު ޝަނާއު ނަޞީރާއި އަދި ޖަރޒީ 37 މުޙައްމަދު ނައުޝާދެވެ. ފިއްލަދޫ ޓީމުން ޖެހި ހަމައެކަނި ލަނޑު އެ ޓީމަށް ކާމިޔާބުކޮށްދިނީ އެ ޓީމުގެ ޖަރޒީ ނަންބަރ 7 ޢަބްދުﷲ އިޚްވާނެވެ. މި މެޗްގެ މޮޅު ކުޅުންތެރިއަކަށް ހޮވުނީ ދިއްދޫ ޓީމުގެ ޖަރޒީ ނަންބަރ 10 މުޙައްމަދު ޝަނާއު ނަޞީރެވެ.
އިއްޔެ ހަވީރު 5.00ގައި ކުޅެވުނު މެޗްގައި ބައްދަލުކުރީ އުލިގަމާއި، އިހަވަންދޫއެވެ. މި މެޗް 6 ލަނޑު 1 ލަނޑުން ކާމިޔާބުކުރީ އިހަވަންދޫއެވެ. އިހަވަންދޫ ޓީމުން ލަނޑު ޖަހައިދިނީ ޖަރޒީ ނަންބަރ 5 މުޙައްމަދު ފަޒީލާއި، ޖަރޒީ ނަންބަރ 7 މުޙައްމަދު މަދީޙާއި، ޖަރޒީ ނަންބަރ 10 އިބްރާހީމް ޙާމިދާއި، ޖަރޒީ ނަންބަރ 21 ޝިފާޒް އިބްރާހީމާއި، ޖަރޒީ ނަންބަރ 23 އަޙްމަދު ސާޖިދެވެ. މި މެޗްގައި އިހަވަންދޫ ޝިފާޒް އިބްރާހީމް ވަނީ 2 ލަނޑު ޖަހައިފައެވެ. އުލިގަމުން ޖެހި ހަމައެކަނި ލަނޑު ޖަހައިދިނީ އެ ޓީމުގެ ޖަރޒީ ނަންބަރ 10 ޔާމީން ޢަބްދުﷲއެވެ. މި މެޗްގެ މޮޅު ކުޅުންތެރިއަކަށް ހޮވުނީ އިހަވަންދޫ ޓީމުގެ ޖަރޒީ ނަންބަރ 21 ޝިފާޒް އިބްރާހީމެވެ. އިހަވަންދޫއިން އަންނަނީ ރަނގަޅު ކާމިޔާބީތަކެއް މި މުބާރާތުގައި ހޯދަމުންނެވެ.
ރޭ 8.00ގައި ކުޅެވުނު މެޗްގައި ބައްދަލުކުރީ ވަށަފަރާއި، މުރައިދޫއެވެ. 3 ލަނޑު 1 ލަނޑުން މި މެޗު ކާމިޔާބުކުރީ ވަށަފަރު ޓީމެވެ. ވަށަފަރު ޓީމުން ޖެހި 3 ލަނޑު ޖެހީ އެ ޓީމުގެ ޖަރޒީ ނަންބަރ 8 އަޙްމަދު ސިނާނާއި، ޖަރޒީ ނަންބަރ 17 ޢަބްދުﷲ ސިނާނެވެ. ޢަބްދުﷲ ސިނާން ވަނީ މި މެޗްގައި 2 ލަނޑު ޖަހައިފައެވެ. މުރައިދޫ ޓީމުން ލަނޑުޖެހީ ޖަރޒީ ނަންބަރ 11 އުފާލް ޢަބްދުﷲއެވެ. މި މެޗްގެ މޮޅު ކުޅުންތެރިއަކަށް ހޮވުނީ ވަށަފަރު ޓީމުގެ ޓީމުގެ ޖަރޒީ ނަންބަރ 13 ސާޖިދު ރަޝީދެވެ.
ރޭ 9.00ގައި ކުޅެވުނު މެޗްގައި ބައްދަލުކުރީ ތުރާކުނާއި، އުތީމެވެ، މި މެޗް 1 ލަނޑު 0 ލަނޑުން ކާމިޔާބުކުރީ އުތީމެވެ. މި މެޗުގައި އުތީމަށް ލަނޑު ޖަހައިދިނީ ޖަރޒީ ނަންބަރ 7 މުޙައްމަދު މަޒީނެވެ. ފޯރިގަދަ ކުޅުމެއް ފެނިގެން ދިޔަ މި މެޗްގެ މޮޅު ކުޅުންތެރިއަކަށް ހޮވުނީ އުތީމު ޓީމުގެ ޓީމުގެ ޖަރޒީ ނަންބަރ 7 މުޙައްމަދު މަޒީނެވެ.
މިއަދުވެސް މި މުބާރާތުގެ 4 މެޗެއް ކުޅެވޭނެއެވެ. އެއީ ހަވީރު 2 މެޗާއި، ރޭގަނޑު 2 މެޗެވެ. ހަވީރު 4.00ގައި ކުޅޭ މެޗުގައި ބައްދަލުކުރާނީ އުލިގަމާއި، ކެލާއެވެ. ހަވީރު 5.00ގައި ކުޅޭ މެޗުގައި ބައްދަލުކުރާނީ ދިއްދޫއާއި، ބާރަށެވެ. ރޭގަނޑު 8.00ގައި ކުޅޭ މެޗުގައި ބައްދަލުކުރާނީ އިހަވަންދޫއާއި، ތުރާކުނެވެ. މިރޭގެ އެންމެ ފަހު މެޗު ކަމުގައިވާ 9.00ގައި ކުޅޭ މެޗުގައި ބައްދަލުކުރާނީ ފިއްލަދޫއާއި، ވަށަފަރެވެ. ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމުކޮށްގެން ބާއްވާ މި މުބާރާތުގެ ސަބަބުން މުޅި އަތޮޅަށް މި ވަނީ ކުޅިވަރުގެ ޢީދެއް އައިސްފައެވެ. ޚާއްޞަކޮށް މުބާރާތް ބާއްވާ ރަށް ކަމުގައިވާ ކެލާއަށެވެ.
