ކެލާ ޝައިޚް އިބްރާހީމް ސުކޫލުގެ ހައުސްތަކުގެ މެދުގައި ބޭއްވި ޖޫނިއަރ ހޭންޑް ބޯލް މުބާރާތުގެ ޗެމްޕިއަންކަން އަލިމަސް ހައުސް ހޯދައިފިއެވެ. އިއްޔެ ހަވީރު ކުޅެވުނު ފައިނަލް މެޗްގައި އަލިމަސް ހައުސް ޗެމްޕިއަންކަން ހޯދީ ޔާގޫތު ހައުސްއާ ވާދަކޮށް 3 ލަނޑު 0 ލަނޑުން މެޗް ކާމިޔާބުކޮށްގެންނެވެ. ފައިނަލް މެޗްގެ އެންމެ މޮޅު ކުޅުންތެރިއަކަށް ހޮވުނީ ޗެމްޕިއަންކަން ހޯދި އަލިމަސް ހައުސްގެ އާމިނަތު ރިމްޝާ ޢަލީއެވެ.
ފައިނަލް މެޗް ޝަރަފުވެރިކޮށްދެއްވައި ޗެމްޕިއަން ޓީމަށް ތަށްޓާއި މެޑަލް ޙަވާލުކޮށްދެއްވީ ކެލާ ކައުންސިލްގެ މެންބަރ އަލްފާޟިލާ ޚަދީޖާ މަޢުރިފާއެވެ. އަދި ރަނައަޕް ޓީމަށް މެޑަލް ޙަވާލުކޮށްދެއްވީ ވެސް ކައުންސިލްގެ މެންބަރ ޚަދީޖާ މަޢުރިފާއެވެ.
ނިމި ދިޔަ ޖޫނިއަރ ހޭންޑް ބޯލް މުބާރާތުގެ އެންމެ މޮޅު 7 ދަރިވަރުން
- ޢާއިޝަތު އީލާފް ޔާގޫތު ހައުސް
- އާމިނަތު އައިރީން ޔާގޫތު ހައުސް
- އާމިނަތު ރިމްޝާ ޢަލީ އަލިމަސް ހައުސް
- މަރިޔަމް މިޝްޔާ ފީރޯޒު ހައުސް
- މަރިޔަމް އާޝާ ނިޔާޒް ޔާގޫތު ހައުސް
- އާމިނަތު ޔޫމީ އަލިމަސް ހައުސް
- ޢާއިޝަތު އާލާ އިބްރާހީމް ޔާގޫތު ހައުސް
މުބާރާތުގެ އެންމެ ގިނަ ގޯލުޖެހި ކުޅުންތެރިޔާ: އާމިނަތު ރިމްޝާ ޢަލީ އަލިމަސް ހައުސް
މުބާރާތުގެ އެންމެ މޮޅު ކުޅުންތެރިޔާ: އާމިނަތު ރިމްޝާ ޢަލީ އަލިމަސް ހައުސް
ރަނައަޕް ހައުސް: ޔާގޫތު ހައުސް
ޗެމްޕިއަން ހައުސް: އަލިމަސް ހައުސް
“ތިލަ އުތުރު” އަށް މަޢުލުމާތު ލިބިފައިވާ ގޮތުގައި، ސުކޫލުގެ ކުޅޭ ބިމުގައި ކުރިޔަށް ދިޔަ ޖޫނިއަރ ހޭންޑް ބޯލް މުބާރާތުގެ ފައިނަލް މެޗްގެ ކުޅިބެލުމަށް ޓަކައި ގިނަ ޢަދަދެއްގެ ބެލެނިވެރިންނާއި، ދަރިވަރުން ސުކޫލުގެ ކުޅޭ ބިމަށް ޙާޒިރުވިއެވެ. ކުޅިވަރުގެ ރޫޙް ދިރުވާ އާލާކޮށް، ވާދަވެރި މާޙައުލެއްގައި ކުޅިވަރު ކުޅުމުގެ ފުރުޞަތު ފަހިކޮށްދެއްވުމުގެ މަޤްޞަދުގައި ޝައިޚް އިބްރާހީމް ސުކޫލުން ބޭއްވި މި މުބާރާތް އޮތީ ހުސްވި އޯގަސްޓް މަހުގެ 25 އިން 3 ސެޕްޓެންބަރގެ ނިއަލަށެވެ.
ސުކޫލުގެ ހައުސްތަކުގެ މެދުގައި ބޭއްވުނު ފޯރި ގަދަ މި މުބާރާތްތަކުގައި ރެފްރީކަން ކޮށްދެއްވި އެންމެހައި ރެފްރީންނާއި، ފަނޑިޔާރުކަން ކޮށްދެއްވި އެންމެހައި ފަރާތްތަކަށް ނުހަނު އިޚްލާޞްތެރިކަމާއެކު “ތިލަ އުތުރު” ނޫހުގެ ފަރާތުން ޝުކުރުދަންނަވަމެވެ. ވަނަތައް ޙާޞިލްކުރި ޓީމުތަކާއި، ކުޅުންތެރިން ތަހުނިޔާ ކިޔަމެވެ.
